ನಿಪ್ಪಾಣಿ ನಗರಸಭೆ ಮೇಲಿನ ಭಗವಾ ಧ್ವಜ ತೆರವಿಗೆ ಮಾಹಿತಿ ಸಂಗ್ರಹ
Team Udayavani, Feb 9, 2021, 6:07 PM IST
ಬೆಳಗಾವಿ: ನಿಪ್ಪಾಣಿ ನಗರಸಭೆ ಮೇಲೆ ಹಾರಾಡುತ್ತಿರುವ ಭಗವಾ ಧ್ವಜ ತೆರವಿಗಾಗಿ ಕಾನೂನು ಹೋರಾಟ ನಡೆಸಲು ಮುಂದಾಗಿರುವ ಮಾಹಿತಿ ಹಕ್ಕು ಕಾರ್ಯಕರ್ತ ಭೀಮಪ್ಪ ಗಡಾದ ಅವರು ಸೋಮವಾರ ನಿಪ್ಪಾಣಿ ನಗರಸಭೆಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಂಡರು.
ನಗರಸಭೆ ಮೇಲೆ ಎಷ್ಟು ವರ್ಷದಿಂದ ಧ್ವಜ ಹಾರಾಡುತ್ತಿದೆ. ಇನ್ನುಳಿದಂತೆ ಬೇರೆ ಯಾವ ಧ್ವಜಗಳು ನಗರಸಭೆ ಕಟ್ಟಡ ಮೇಲೆ ಇವೆ ಎಂಬುದರ ಕುರಿತು ಅಧಿಕಾರಿಗಳಿಂದ ಮಾಹಿತಿ ಪಡೆದರು. ಸ್ಥಳಿಯರಿಂದಲೂ ಗಡಾದ ಮಾಹಿತಿ ಸಂಗ್ರಹಿಸಿದರು.
ಇದನ್ನೂ ಓದಿ :ನರೇಗಾ ಕಾರ್ಮಿಕ ಮಹಿಳೆಯರ ಸಮಸ್ಯೆ ಆಲಿಸಿದ ಹೆಬ್ಬಾಳ್ಕರ್
ಬೆಳಗಾವಿಯ ಮಹಾನಗರ ಪಾಲಿಕೆ ಮೇಲೆ ಕನ್ನಡ ಧ್ವಜ ಅಳವಡಿಸಿದ್ದನ್ನು ತೆರವುಗೊಳಿಸುವಂತೆ ಎಂಇಎಸ್ -ಶಿವಸೇನೆ ನಡೆಸುತ್ತಿರುವ ಹೋರಾಟಕ್ಕೆ ಪ್ರತಿಯಾಗಿ ಗಡಾದ ಕಾನೂನು ಹೋರಾಟ ನಡೆಸಿದ್ದು, ನಿಪ್ಪಾಣಿ ನಗರಸಭೆ ಮೇಲಿನ ಭಗವಾ ಧ್ವಜ ತೆರವಿಗೆ ಮುಂದಾಗಿದ್ದಾರೆ.