ಖ್ಯಾತ ನಟಿ, ನಿರೂಪಕಿಯ ಫೇಸ್‌ ಬುಕ್‌ ಹ್ಯಾಕ್‌ : ಖಾಸಗಿ ಫೋಟೋ,ವಿಡಿಯೋ ಲೀಕ್

Team Udayavani, Nov 1, 2022, 6:33 PM IST

ಹೈದರಾಬಾದ್: ಟಾಲಿವುಡ್‌ ನಟಿ ಹಾಗೂ ಖ್ಯಾತ ನಿರೂಪಕಿ ವಿಷ್ಣು ಪ್ರಿಯಾ ಭೀಮನೇನಿ ಸೈಬರ್‌ ಅಪರಾಧಿಗಳ ಬಲೆಗೆ ಸಿಲುಕಿದ್ದಾರೆ. ಅವರ ಫೇಸ್‌ ಬುಕ್‌ ಖಾತೆ ಹ್ಯಾಕರ್ಸ್‌ ಗಳ ಕೃತ್ಯಕ್ಕೆ ಗುರಿಯಾಗಿದೆ.

ನಿರೂಪಣೆ ಹಾಗೂ ತನ್ನ ಹಾಟ್‌ ಫೋಟೋಗಳಿಂದಲೇ ಹೆಚ್ಚು ಜನಪ್ರಿಯತೆಯನ್ನು ಪಡೆದಿರುವ ನಟಿ ವಿಷ್ಣು ಪ್ರಿಯಾ ಭೀಮನೇನಿ ಸೋಶಿಯಲ್‌ ಮೀಡಿಯಾದಲ್ಲಿ ಸದಾ ಸಕ್ರಿಯಾರಾಗಿರುತ್ತಾರೆ. ಇತ್ತೀಚೆಗೆ ಅವರ ಫೇಸ್‌ ಬುಕ್‌ ಖಾತೆಯನ್ನು ಹ್ಯಾಕರ್ಸ್‌ ಗಳು ಹ್ಯಾಕ್‌ ಮಾಡಿ, ಆಶ್ಲೀಲ, ಅಸಭ್ಯವಾದ ಮೆಸೇಜ್‌ ಫೋಟೋ, ವಿಡಿಯೋಸ್‌ ಗಳನ್ನು ಹಾಕಿದ್ದರು.

ಈ ಬಗ್ಗೆ ವಿಷ್ಣು ಪ್ರಿಯಾ ಭೀಮನೇನಿ ತಮ್ಮ ಇನ್ಸ್ಟಾಗ್ರಾಮ್‌ ನಲ್ಲಿ ಫಾಲೋವರ್ಸ್‌ ಗಳಲ್ಲಿ ಮಾಹಿತಿ ಹಂಚಿಕೊಂಡು, ಖಾತೆ ಹ್ಯಾಕ್‌ ಆಗಿದೆ. ಫೇಸ್‌ ಬುಕ್‌ ಪೇಜ್‌ ನ್ನು ಅನ್‌ ಫಾಲೋ ಮಾಡಿ ಎಂದು ಕೇಳಿಕೊಂಡಿದ್ದಾರೆ.

ಇದಲ್ಲದೆ ನಟಿಯ ಖಾಸಗಿ ಫೋಟೋ ಹಾಗೂ ವಿಡಿಯೋಗಳನ್ನು ಹ್ಯಾಕರ್ಸ್‌ ಗಳನ್ನು ಲೀಕ್‌ ಮಾಡಿದ್ದಾರೆ.ಇದರಿಂದಾಗಿ ಫೇಸ್‌ ಬುಕ್‌ ಪೇಜ್‌ ಗೆ ಬಾರೀ ಲೈಕ್ಸ್‌ , ಫಾಲೋವಿಂಗ್‌ ಬರುತ್ತಿದೆ. ಮಿಲಿಯನ್‌ ಗಟ್ಟಲೆ ಫಾಲೋವರ್ಸ್‌ ಬಂದಿದ್ದಾರೆ.

ಈ ಬಗ್ಗೆ ಹೇಳುವ ವಿಷ್ಣು ಪ್ರಿಯಾ ಇದರಿಂದಾಗಿ ನಾನೇನು ಮಾಡುವಂತಿಲ್ಲ. ದಯವಿಟ್ಟು ಎಲ್ಲರೂ ಫೇಸ್‌ ಬುಕ್‌ ಪೇಜ್‌ ನ್ನು ಅನ್‌ ಫಾಲೋ ಮಾಡಿ ಎಂದು ವಿನಂತಿ ಮಾಡಿಕೊಂಡಿದ್ದಾರೆ.