ಬಾಹುಬಲಿ 2 : ಅದ್ಭುತ ಮಾಸ್ಟರ್ಪೀಸ್; ರಾಜಮೌಳಿಗೆ ರಜನೀ ಸೆಲ್ಯೂಟ್
Team Udayavani, May 1, 2017, 11:52 AM IST
ಹೊಸದಿಲ್ಲಿ : ಬಿಡುಗಡೆಗೊಂಡ ಮೊದಲ ದಿನವೇ ನೂರು ಕೋಟಿ ಮೀರಿದ ಬಾಕ್ಸ್ ಆಫೀಸ್ ಗಳಿಕೆಯನ್ನು ದಾಖಲಿಸಿದ ಭಾರತೀಯ ಚಿತ್ರರಂಗದ ಇತಿಹಾಸದ ಮೊತ್ತ ಮೊದಲ ಚಿತ್ರವೆಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಎಸ್ ಎಸ್ ರಾಜಮೌಳಿ ಅವರ ಬಾಹುಬಲಿ -2 ಚಿತ್ರವನ್ನು ತಮಿಳು ಚಿತ್ರರಂಗದ ಸೂಪರ್ ಸ್ಟಾರ್ ರಜನೀಕಾಂತ್ ಮನಸಾರೆ ಮೆಚ್ಚಿಕೊಂಡಿದ್ದಾರೆ.
“ಬಾಹುಬಲಿ 2 – ಭಾರತೀಯ ಚಿತ್ರರಂಗದ ಹೆಮ್ಮೆ – ದೇವರ ಸ್ವಂತ ಮಗುವಾಗಿರುವ ರಾಜಮೌಳಿಗೆ ಹಾಗೂ ಆತನ ತಂಡಕ್ಕೆ ನನ್ನ ಪ್ರಣಾಮಗಳು; ಮಾಸ್ಟರ್ಪೀಸ್’ ಎಂದು ರಜನೀಕಾಂತ್ ಟ್ವೀಟ್ ಮಾಡಿದ್ದಾರೆ.
ರಜನೀಕಾಂತ್ ಅವರ ಬಹುಪ್ರಶಂಸೆಯ ಈ ಟ್ವೀಟ್ಗೆ ತತ್ಕ್ಷಣವೇ ಪ್ರತಿಕ್ರಿಯಿಸಿ ಮರು ಟ್ವೀಟ್ ಮಾಡಿರುವ ರಾಜಮೌಳಿ ಅವರು, “ತಲೈವಾ, ನಿಜಕ್ಕೂ ದೇವರೇ ನಮ್ಮನ್ನು ಆಶೀರ್ವದಿಸಿರುವಂತಿದೆ ನಿಮ್ಮ ಹಾರೈಕೆಗಳು; ಇದರಿಂದಾಗಿ ನಮ್ಮ ತಂಡದ ಸಂತಸಕ್ಕೆ ಪಾರವೇ ಇಲ್ಲವಾಗಿದೆ; ಇದಕ್ಕಿಂತ ದೊಡ್ಡ ಪ್ರಶಂಸೆ ಬೇರೊಂದಿರಲಾರದು’ ಎಂದು ಹೇಳಿದ್ದಾರೆ.
ಪ್ರಭಾಸ್, ಅನುಷ್ಕಾ ಶೆಟ್ಟಿ, ರಾಣಾ ದಗ್ಗುಬಾತಿ ಮತ್ತು ತಮನ್ನಾ ನಟನೆಯ ಬಾಹುಬಲಿ 2 ಚಿತ್ರವು ಭಾರತದಾದ್ಯಂತದ 6,500 ಬೆಳ್ಳಿ ಪರದೆಗಳಲ್ಲಿ ಹಾಗೂ ವಿಶ್ವಾದ್ಯಂತದ 9,000 ಪರದೆಗಳಲ್ಲಿ ಪ್ರದರ್ಶನಕ್ಕೆ ಬಿಡುಗಡೆಗೊಂಡಿದೆ. ಇದು ಈ ವರೆಗಿನ ಭಾರತೀಯ ಚಿತ್ರವೊಂದರ ಈ ವರೆಗಿನ ಗರಿಷ್ಠ ಸಾಧನೆಯಾಗಿದೆ. ಬಾಹುಬಲಿ -2: ದಿ ಕನ್ಕ್ಲೂಷನ್ ಚಿತ್ರವು ಭಾರತ ಸಹಿತ ವಿಶ್ವಾದ್ಯಂತದ ಬಾಕ್ಸ್ ಆಫೀಸ್ನಲ್ಲಿ ಹೊಸ ದಾಖಲೆಗಳ ವಿಕ್ರಮವನ್ನೇ ಮಾಡಲಿದೆ ಎಂದು ಬಾಕ್ಸ್ ಆಫೀಸ್ ಇಂಡಿಯಾ ವರದಿ ಹೇಳಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?