ಹರಪನಹಳ್ಳಿ: ಮೂರು ಕೋವಿಡ್ ಪಾಸಿಟಿವ್ ಪತ್ತೆ
Team Udayavani, Jul 25, 2020, 11:43 AM IST
ಹರಪನಹಳ್ಳಿ: ತಾಲೂಕಿನ ಮತ್ತಿಹಳ್ಳಿ ಗ್ರಾಮದಲ್ಲಿ ಇಬ್ಬರಿಗೆ ಮತ್ತು ಪಟ್ಟಣದ ಆಚಾರ್ಯ ಲೇಔಟ್ನ ಎಸ್ಬಿಐ ಉದ್ಯೋಗಿ ಒಬ್ಬರಿಗೆ ಸೇರಿ ಒಟ್ಟು ಮೂವರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ.
ತಾಲೂಕಿನ ಮತ್ತಿಹಳ್ಳಿ ಗ್ರಾಮದಲ್ಲಿ ಇಬ್ಬರಿಗೆ ಕೋವಿಡ್ ಸೋಂಕು ತಗುಲಿದ್ದು, 14 ವರ್ಷದ ಬಾಲಕ ಮತ್ತು 51 ವರ್ಷದ ಪುರುಷನಿಗೆ ಕೋವಿಡ್ ದೃಢವಾಗಿದೆ. ಈ ಇಬ್ಬರಿಗೂ ಪ್ರಯಾಣದ ಹಿನ್ನೆಲೆ ಇರುವುದಿಲ್ಲ. ಆದರೆ ಈ ಹಿಂದೆ ಇದೇ ಗ್ರಾಮದಲ್ಲಿ ಒಂದು ಕೋವಿಡ್ ಪಾಸಿಟಿವ್ ಬಂದಿತ್ತು. ಗ್ರಾಮದಲ್ಲಿ ಸಾಮೂಹಿಕ ಪರೀಕ್ಷೆಗೆ ಒಳಪಡಿಸಿದಾಗ ಎರಡು ಕೇಸ್ ಪತ್ತೆಯಾಗಿವೆ. 14 ವರ್ಷದ ಬಾಲಕನಿಗೆ 3 ಪ್ರಥಮ, 8 ದ್ವಿತೀಯ, 21 ವರ್ಷದ ಪುರುಷನಿಗೆ 2 ಪ್ರಾಥಮಿಕ, 2 ದ್ವಿತೀಯ ಸಂಪರ್ಕಿತರನ್ನು ಗುರುತಿಸಿ ಹೋಂ ಕ್ವಾರಂಟೈನ್ ಮಾಡಲಾಗಿದೆ. ಪಟ್ಟಣದ ಆಚಾರ್ಯ ಬಡಾವಣೆಯಲ್ಲಿ ವಾಸವಾಗಿರುವ ಎಸ್ಬಿಐ ಬ್ಯಾಂಕ್ 31 ವರ್ಷದ ಉದ್ಯೋಗಿಗೆ ಕೋವಿಡ್ ದೃಢವಾಗಿದೆ. ಜು.6ರಂದು ಆಂಧ್ರ ಪ್ರದೇಶಕ್ಕೆ ತೆರಳಿ ಜು.18ರಂದು ಹರಪನಹಳ್ಳಿ ಪಟ್ಟಣಕ್ಕೆ ವಾಪಾಸ್ ಬಂದಿದ್ದರು. ಜು.18ರಂದು ಗಂಟಲು ದ್ರವ ಪರೀಕ್ಷೆಗೆ ಕೊಟ್ಟಿದ್ದು, ಶುಕ್ರವಾರ ಪಾಸಿಟಿವ್ ವರದಿ ಬಂದಿದೆ.
ಸೋಂಕಿತರು ಜು.17ರಿಂದ ಹೋಂ ಕ್ವಾರಂಟೈನ್ನಲ್ಲಿದ್ದಾರೆ. 6 ಪ್ರಾಥಮಿಕ ಸಂಪರ್ಕಿತರನ್ನು ಗುರುತಿಸಲಾಗಿದೆ. ಪುರಸಭೆ ಸದಸ್ಯ ಹಾರಾಳ್ ಎಚ್.ಎಂ.ಅಶೋಕ್ ನೇತೃತ್ವದಲ್ಲಿ ಓಣಿಯನ್ನು ಸೀಲ್ಡೌನ್ ಮಾಡಲಾಯಿತು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Bellary; ಕಾಂಗ್ರೆಸ್ ಪಕ್ಷದ ಚಿಹ್ನೆ ಚೊಂಬಿಗೆ ಬದಲಾಗಿದೆ: ಸುರೇಶ್ ಕುಮಾರ್ ವ್ಯಂಗ್ಯ
BJP ಶ್ರೀರಾಮುಲುಗೆ ಗೆಲುವು ಅನಿವಾರ್ಯ; ಕ್ಷೇತ್ರ ವಶಕ್ಕೆ ಕೈ ತವಕ
ಭಾರತೀಯ ಚೊಂಬು ಪಕ್ಷದಿಂದ ಕರ್ನಾಟಕಕ್ಕೆ ಚೊಂಬು: ರಾಹುಲ್
Bellary; ಲೋಕಾಯುಕ್ತ ಬಲೆಗೆ ಬಿದ್ದ 6 ಮಂದಿ ಭ್ರಷ್ಟ ಅಧಿಕಾರಿಗಳು: ಲಕ್ಷ ಲಕ್ಷ ರೂ. ಲಂಚ!