ಚಾಮರಾಜನಗರ: ನಿತ್ಯ ಸೋಂಕು ಪ್ರಕರಣಗಳು ಶತಕದ ಅಂಚಿಗೆ : ಒಟ್ಟು ಪ್ರಕರಣಗಳು ಸಾವಿರದಂಚಿನಲ್ಲಿ

Team Udayavani, Aug 6, 2020, 9:09 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ ಕೋವಿಡ್ 19 ಪ್ರಕರಣಗಳು ಹಿಂದೆಂದಿಗಿಂತ ಅಧಿಕವಾಗಿ ವರದಿಯಾಗಿವೆ.

ದಿನದ ಪ್ರಕರಣಗಳ ಪ್ರಮಾಣ ಶತಕದ ಅಂಚಿಗೆ ಬಂದು ನಿಂತಿದ್ದು, ಒಟ್ಟು ಪ್ರಕರಣಗಳು ಸಾವಿರದ ಅಂಚಿಗೆ ಬಂದಿವೆ.

ಗುರುವಾರ 90 ಪ್ರಕರಣಗಳು ವರದಿಯಾಗಿದ್ದು, ಒಟ್ಟಾರೆ ಪ್ರಕರಣಗಳ ಸಂಖ್ಯೆ 990 ಆಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 381 ಕ್ಕೇರಿದೆ.

27 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇದುವರೆಗೆ ಒಟ್ಟಾರೆ 595 ಮಂದಿ ಗುಣಮುಖರಾಗಿದ್ದಾರೆ.

ಗುರುವಾರ, ಆರ್‌ಟಿಪಿಸಿಆರ್ ಪ್ರಯೋಗಾಲಯದಲ್ಲಿ 81 ಹಾಗೂ ರ್ಯಾಪಿಡ್ ಆಂಟಿಜೆನ್ ಟೆಸ್‌ಟ್ ಮೂಲಕ 9 ಮಾದರಿಗಳು ಪಾಸಿಟಿವ್ ಬಂದಿವೆ. ಒಟ್ಟು 638 ಮಾದರಿಗಳನ್ನು ಪರೀಕ್ಷೆಗೊಳಪಡಿಸಲಾಗಿತ್ತು.

ಚಾಮರಾಜನಗರ ತಾಲೂಕಿನಿಂದ 34, ಕೊಳ್ಳೇಗಾಲ ತಾಲೂಕಿನಿಂದ 27, ಗುಂಡ್ಲುಪೇಟೆ ತಾಲೂಕಿನಿಂದ 15, ಯಳಂದೂರು ತಾಲೂಕಿನಿಂದ 13 ಹಾಗೂ ಹನೂರು ತಾಲೂಕಿನಿಂದ 01 ಪ್ರಕರಣಗಳು ವರದಿಯಾಗಿವೆ.

ಕೋವಿಡ್‌ನಿಂದ ಜಿಲ್ಲೆಯಲ್ಲಿ 12 ಮಂದಿ ಮೃತಪಟ್ಟಿದ್ದಾರೆ. 11 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.