ಕರ್ಣಾಟಕ ಬ್ಯಾಂಕ್‌ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ ಅನುಷ್ಠಾನ

Team Udayavani, Feb 18, 2017, 3:45 AM IST

ಮಂಗಳೂರು: ಕರ್ಣಾಟಕ ಬ್ಯಾಂಕ್‌ ವತಿಯಿಂದ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿಎಸ್‌) ಎಂಬ ಯೋಜನೆಯನ್ನು ಫೆ. 16ರಂದು ಅನುಷ್ಠಾನಿಸ ಲಾಯಿತು. ವಯೋವೃದ್ಧರಿಗೆ ಪಿಂಚ ಣಿಯ ಮೂಲಕ ನಿರಂತರ ಆದಾಯದ ಸಾಮಾಜಿಕ ಭದ್ರತೆಯನ್ನು ಒದಗಿಸಲು ಈ ಯೋಜನೆಯನ್ನು ಭಾರತ ಸರಕಾರ ರೂಪಿಸಿದೆ.

ಉದ್ಯೋಗದಲ್ಲಿರುವಾಗಲೇ ಈ ಯೋಜನೆಗೆ ಮೊತ್ತ ತುಂಬುತ್ತಾ; 60  ವರ್ಷ ವಯಸ್ಸಾದಾಗ ಪಿಂಚಣಿ
ಪಡೆಯಬಹುದಾಗಿದೆ. ಇತರ ಪಿಂಚಣಿ ಯೋಜನೆಗಳಿಗೆ ಪಾವತಿಸುತ್ತಿದ್ದರೂ, ಹೂಡಿಕೆದಾರರು ಇಲ್ಲಿ 50 ಸಾವಿರ ರೂ.
ವರೆಗೆ ತೆರಿಗೆ ವಿನಾಯಿತಿ ಪಡೆಯ ಬಹುದು. ಅಸಂಘಟಿತ ವಲಯದ ವೇತನದಾರರಿಗೆ ಕೂಡಾ ಇದು ಅನುಕೂಲಕರವಾಗಿದೆ.

ಈ ಯೋಜನೆಯ ಮೂಲಕ ಜನ ಸಾಮಾನ್ಯರಿಗೆ ವಿಶೇಷ ಸೇವೆ ಸಲ್ಲಿಸುವ ಬಗ್ಗೆ ಸಂತಸವಾಗಿದೆ ಎಂದು ಬ್ಯಾಂಕಿನ
ವ್ಯವಸ್ಥಾಪಕ ನಿರ್ದೇಶಕ ಪಿ. ಜಯರಾಮ ಭಟ್‌ ಅವರು ಈ ಸಂದರ್ಭ ದಲ್ಲಿ ಹೇಳಿದರು. ಈಗ ಆಯ್ದ ಶಾಖೆಗಳಲ್ಲಿದು ಲಭ್ಯವಾಗಿದ್ದು, ಹಂತಗಳಲ್ಲಿ ಎಲ್ಲಾ ಶಾಖೆಗಳಲ್ಲಿ ಲಭ್ಯವಿರುತ್ತದೆ.