ಕದ್ರಿ ಪಾರ್ಕ್: ತಿಂಗಳಾದರೂ ಅಳವಡಿಕೆಯಾಗದ ಆಟಿಕೆ
Team Udayavani, Dec 24, 2019, 4:43 AM IST
ಮಹಾನಗರ: ಕದ್ರಿ ಪಾರ್ಕ್ನಲ್ಲಿ ಸದ್ಯ ಪುಟಾಣಿ ಮಕ್ಕಳಿಗೆ ಹೊಸ ಆಟಿಕೆಯಲ್ಲಿ ಆಡುವ ಭಾಗ್ಯ ಲಭಿಸುವ ಲಕ್ಷಣ ಕಾಣಿಸುತ್ತಿಲ್ಲ. ಏಕೆಂದರೆ, ಪುಟಾಣಿ ಮಕ್ಕಳ ಮನೋರಂಜನೆಗಾಗಿ ಪಾರ್ಕ್ನಲ್ಲಿ ಹೊಸ ಆಟಿಕೆಗಳು ಇನ್ನೂ ಅಳವಡಿಕೆಯಾಗಿಲ್ಲ.
ಪಾರ್ಕ್ನಲ್ಲಿ ಮುರಿದ ಹಳೆಯ ಆಟಿಕೆಗಳನ್ನು ಸಂಪೂರ್ಣ ತೆಗೆದು ಹಾಕಿ ಹೊಸ ಫೈಬರ್ ಆಟಿಕೆಗಳನ್ನು ವಾರದೊಳಗೆ ಅಳವಡಿಸುವುದಾಗಿ ತೋಟಗಾರಿಕಾ ಇಲಾಖೆ ಅಧಿಕಾರಿಗಳು ಕಳೆದ ತಿಂಗಳು ಹೇಳಿದ್ದರು. ಆದರೆ, ಒಂದು ತಿಂಗಳಾದರೂ ಕದ್ರಿ ಪಾರ್ಕ್ ನಲ್ಲಿ ಹೊಸ ಆಟಿಕೆ ಅಳವಡಿಕೆಯಾಗಿಲ್ಲ. ಇದರಿಂದಾಗಿ ವಾರಾಂತ್ಯಗಳಂದು ಮಕ್ಕಳು ಪಾರ್ಕ್ನಲ್ಲಿರುವ ಮುರಿದು ಹೋದ ಆಟಿಕೆಗಳಲ್ಲಿಯೇ ಆಟವಾಡುವ ಅನಿವಾರ್ಯ ಒದಗಿದೆ. ಮೊನಚಾದ ಜಾರುಬಂಡಿ, ತುಂಡಾದ ಉಯ್ನಾಲೆಗಳಲ್ಲಿ ಆತಂಕದಿಂದಲೇ ಮಕ್ಕಳು ಆಡಬೇಕಾದ ಪರಿಸ್ಥಿತಿ ಇದ್ದು, ತುಂಡಾಗಿರುವುದು ತಿಳಿಯದೆ ಅಪಾಯಗಳು ಎದುರಾಗುವ ಸಾಧ್ಯತೆಯೂ ಸದ್ಯ ಪಾರ್ಕ್ನಲ್ಲಿದೆ.
ಎರಡು ಹೊಸ ಆಟಿಕೆ ಪರಿಚಯ
ಪ್ರಸ್ತುತ ಪಾರ್ಕ್ನಲ್ಲಿ ಕಬ್ಬಿಣದ ಆಟಿಕೆಗಳಿವೆ. ಬಹುತೇಕ ಆಟಿಕೆಗಳು ಮುರಿದು ಹೋಗಿದ್ದು, ಮುರಿದ ಆಟಿಕೆಗಳ ಜಾಗದಲ್ಲಿ ಕಬ್ಬಿಣದ ಬದಲಾಗಿ 1.50 ಲಕ್ಷ ರೂ. ವೆಚ್ಚದಲ್ಲಿ ಹೊಸ ಫೈಬರ್ ಆಟಿಕೆಗಳನ್ನು ಅಳವಡಿಸಲು ತೋಟಗಾರಿಕಾ ಇಲಾಖೆಯು ಯೋಜನೆ ರೂಪಿಸಿದ್ದು, ಶೀಘ್ರ ಅಳವಡಿಕೆ ಮಾಡುವುದಾಗಿ ಹೇಳಿದ್ದರು. 14 ಹೊಸ ಫೈಬರ್ ಉಯ್ನಾಲೆ, 4 ಸೀಸ ಆಟಿಕೆ (ಎರಡೂ ಬದಿಯಲ್ಲಿ ಕುಳಿತು ಆಡುವ ಆಟದ ಸಾಧನ) ಮುರಿದು ಹೋದ ಜಾಗದಲ್ಲಿ ಅಳವಡಿಕೆಯಾಗಲಿದ್ದು, 1 ಮೆರಿ ಗೋ ರೌಂಡ್ (ವೃತ್ತಾಕಾರದಲ್ಲಿ ತಿರುಗುವ ಆಟಿಕೆ) ಮತ್ತು 1 ನೆಟ್ಟೆಡ್ ರೋಪ್ ಆಟಿಕೆಯನ್ನು ಹೊಸದಾಗಿ ಪರಿಚಯಿಸುವ ಉದ್ದೇಶವಿತ್ತು. ಇದೀಗ ಪಾರ್ಕ್ಗೆ ಹೊಸ ಆಟಿಕೆಗಳು ಬರುತ್ತವೆಂಬ ಖುಷಿಯಲ್ಲಿದ್ದ ಮಕ್ಕಳಿಗೆ ಇನ್ನೂ ಆಟಿಕೆಗಳು ಅಳವಡಿಕೆಯಾಗದಿರುವುದರಿಂದ ನಿರಾಸೆಯಾಗಿದೆ.
ಹೊಸ ಆಟಿಕೆ ಅಳವಡಿಕೆ ಶೀಘ್ರ
ಕದ್ರಿ ಪಾರ್ಕ್ ನಲ್ಲಿ ಆಟಿಕೆಗಳ ಅಳವಡಿಕೆ ಸಂಬಂಧ ಎಲ್ಲ ಪ್ರಕ್ರಿಯೆಗಳು ಮುಗಿದಿವೆ. ಆದರೆ ಕಳೆದ ತಿಂಗಳು ಆಟಿಕೆ ಅಳವಡಿಸಬೇಕಿದ್ದರೂ ಕಾರಣಾಂತರಗಳಿಂದ ಸಾಧ್ಯವಾಗಿಲ್ಲ. ಶೀಘ್ರ ಹೊಸ ಆಟಿಕೆಗಳು ಅಳವಡಿಕೆಯಾಗಲಿವೆ.
-ಜಾನಕಿ, ತೋಟಗಾರಿಕಾ ಇಲಾಖೆ ಹಿರಿಯ ಸಹಾಯಕಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಗುಜರಾತ್ ಕರಾವಳಿ ಪ್ರದೇಶದಲ್ಲಿ 602 ಕೋಟಿ ಮೌಲ್ಯದ ಡ್ರಗ್ಸ್ ವಶ: 14 ಪಾಕ್ ಪ್ರಜೆಗಳ ಬಂಧನ
ನಾರಿ ಶಕ್ತಿ ವಿರೋಧಿಸುವ ಕಾಂಗ್ರೆಸ್ಗೆ ಚುನಾವಣೆಯಲ್ಲಿ ಪಾಠ ಕಲಿಸಬೇಕು: ಗಾಯತ್ರಿ ಸಿದ್ದೇಶ್ವರ
Spying: ಪಾಕಿಸ್ತಾನ ಪರ ಬೇಹುಗಾರಿಕೆ: ಒಂದು ವರ್ಷದಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿಯ ಬಂಧನ
T20 ವಿಶ್ವಕಪ್ ಗೆ ಬಲಿಷ್ಠ ತಂಡವನ್ನು ಪ್ರಕಟಿಸಿದ ನ್ಯೂಜಿಲೆಂಡ್; ಮರಳಿದ ಸ್ಫೋಟಕ ಆಟಗಾರ
Tragedy: ಛತ್ತೀಸ್ಗಢದಲ್ಲಿ ಭೀಕರ ಅಪಘಾತ… ಮಕ್ಕಳು ಸೇರಿ 8 ಮಂದಿ ಮೃತ್ಯು, 22 ಮಂದಿಗೆ ಗಾಯ