ಮತ್ಸಗಂಧ ಹೊಗೆ ಬ್ರೇಕ್‌ ಬೈಂಡಿಂಗ್‌ನದು

Team Udayavani, May 3, 2019, 10:07 AM IST

ಬೆಳ್ತಂಗಡಿ: ಮಡಗಾಂವ್‌ನಿಂದ ಹೊರಟಿದ್ದ ಮತ್ಸಗಂಧ ಎಕ್ಸ್‌ಪ್ರೆಸ್‌ ರೈಲು ಸಂಖ್ಯೆ 21619ರಲ್ಲಿ ಎ.30ರ ತಡರಾತ್ರಿ 2.13ಕ್ಕೆ ಉಂಟಾದದ್ದು ಬ್ರೇಕ್‌ ಬೈಂಡಿಂಗ್‌ ಸಮಸ್ಯೆಯಿಂದ ಹೊಗೆ, ಬೆಂಕಿ ಅವಘಡ ಸಂಭವಿಸಿಲ್ಲ ಎಂದು ರೈಲ್ವೇ ಅಧಿಕಾರಿಗಳು ತಿಳಿಸಿದ್ದಾರೆ.

ಬಾಲ್ಲಿ ಸಮೀಪ ಲೆವೆಲ್‌ ಕ್ರಾಸಿಂಗ್‌ ವೇಳೆ ಇಂಜಿನ್‌ನಲ್ಲಿ ಗಾಳಿ ಆಡದಿರುವುದರಿಂದ ಹೊಗೆ ಸಂಭವಿಸಿ ಬ್ರೇಕ್‌ ಬೈಂಡಿಂಗ್‌ನಿಂದ ಸಣ್ಣ ಪ್ರಮಾಣದ ಕಿಡಿ ಉಂಟಾಗುತ್ತದೆ. ಇದು ಸಾಮಾನ್ಯವಾಗಿದ್ದು, ಕೊಂಕಣ ರೈಲ್ವೇ ತಾಂತ್ರಿಕ ಅಧಿಕಾರಿಗಳು ಪರಿಶೀಲಿಸಿ ಪ್ರಯಾಣಿಕರ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ. ಇದರಿಂದ 12 ನಿಮಿಷ ತಡವಾಗಿದೆ ವಿನಾ ಯಾವುದೇ ಅವಘಡ ಸಂಭವಿಸಿಲ್ಲ. ಮಡಗಾಂವ್‌ ರೈಲ್ವೇ ವಿಭಾಗದಲ್ಲಿ ಪ್ರಯಾಣಿಕರ ಸುರಕ್ಷತೆಗೆ ಸೂಕ್ತ ಕ್ರಮ ಕೈಗೊಳ್ಳಲಾಗಿದೆ ಎಂದು ರೈಲ್ವೇ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಸುಧಾ ಕೃಷ್ಣಮೂರ್ತಿ ತಿಳಿಸಿದ್ದಾರೆ.