Covishield ಅಡ್ಡ ಪರಿಣಾಮ ಭಾರತದಲ್ಲಿ ಅತ್ಯಲ್ಪ: ಹಿರಿಯ ಅಧಿಕಾರಿ

Team Udayavani, May 10, 2024, 6:45 AM IST

ಹೊಸದಿಲ್ಲಿ: ಜಾಗತಿಕ ಸರಾಸರಿ ಪ್ರಮಾಣಕ್ಕೆ ಹೋಲಿಸಿದರೆ ಭಾರತದಲ್ಲಿ ಆಸ್ಟ್ರಾಜೆನಿಕಾ ಕೋವಿಡ್‌ ಲಸಿಕೆಯ ಅಡ್ಡಪರಿಣಾಮಗಳು ತೀರಾ ಕಡಿಮೆ ಎಂದು ಸರಕಾರದ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಲಸಿಕೆಯ ಗಂಭೀರ ಅಡ್ಡಪರಿಣಾಮ ಉಂಟಾಗುತ್ತದೆ ಎಂದು ಒಪ್ಪಿಕೊಂಡ ಬೆನ್ನಲ್ಲೇ ಆಸ್ಟ್ರಾಜೆನಿಕಾ ತನ್ನ ಲಸಿಕೆಗಳನ್ನು ವಾಪಸ್‌ ಪಡೆದು ಕೊಂಡಿದೆ.

“ಭಾರತದಲ್ಲಿ 180 ಕೋಟಿ ಕೊವಿಶೀಲ್ಡ್‌ ನೀಡಲಾಗಿದೆ. ಈ ಪೈಕಿ ಜ್ವರ ಮತ್ತು ಇಂಜೆಕ್ಷನ್‌ ಪಡೆದ ಜಾಗದಲ್ಲಿ ಊತದಂಥ ಅಡ್ಡ ಪರಿಣಾಮ ಬೀರಿದ 80 ಸಾವಿರ ಪ್ರಕರಣಗಳು ವರದಿಯಾಗಿವೆ. ರಕ್ತ ಹೆಪ್ಪು ಗಟ್ಟುವಂಥ ವಿರಳ ಅಡ್ಡ ಪರಿಣಾಮಗಳ ಪರಿಣಾಮ ವು ಜಾಗತಿಕವಾಗಿ ಶೇ.0.0004 ಇದ್ದರೆ, ಭಾರತದಲ್ಲಿ ಅದು ಶೇ. 0.000003′ ಎಂದು ಲಸಿಕೆ ಕಾರ್ಯಕ್ರಮದಲ್ಲಿದ್ದ ಅಧಿಕಾರಿಯು ಅಭಿಪ್ರಾಯಪಟ್ಟಿದ್ದಾರೆ.