ಕಟಪಾಡಿ: ರಾ.ಹೆ 66 ರಲ್ಲಿ ಟ್ಯಾಂಕರ್ -ಕಂಟೈನರ್ ಢಿಕ್ಕಿ: ಚಾಲಕನಿಗೆ ಗಾಯ

Team Udayavani, Mar 15, 2022, 12:26 PM IST

ಕಟಪಾಡಿ: ರಾಷ್ಟ್ರೀಯ ಹೆದ್ದಾರಿ 66ರ  ಉದ್ಯಾವರ ಸೇತುವೆ ಬಳಿ ಟ್ಯಾಂಕರ್ ಮತ್ತು ಕಂಟೈನರ್ ನಡುವೆ ಅಪಘಾತ ಸಂಭವಿಸಿದೆ.

ತಡರಾತ್ರಿ 1-30ರ ಸುಮಾರಿಗೆ ಕಂಟೈನರ್ ಲಾರಿಗೆ ಹಿಂಭಾಗದಿಂದ ಟ್ಯಾಂಕರ್ ಲಾರಿಯು ಢಿಕ್ಕಿ ಹೊಡೆದು ಈ ಅಪಘಾತ ಸಂಭವಿಸಿದ್ದು, ಅಪಘಾತದಲ್ಲಿ ಟ್ಯಾಂಕರ್ ಚಾಲಕ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿದ್ದಾನೆ.

ಸೇತುವೆಯ ಪಕ್ಕದ ಕ್ರಾಶ್ ಗಾರ್ಡ್ ಗೆ ತಾಗಿ ಕಂಟೈನರ್ ಲಾರಿಯು ನಿಂತಿದ್ದು ಇಲ್ಲವಾದಲ್ಲಿ ಹೊಳೆಯತ್ತ ವಾಲಿ ಹೆಚ್ಚಿನ ಅನಾಹುತ ಸಂಭಾವಿಸುವ ಸಾಧ್ಯತೆ ಇತ್ತು ಎಂದು ಸಾರ್ವಜನಿಕರು ತಿಳಿಸಿದ್ದಾರೆ.

ಈ ಅಪಘಾತದಿಂದ ಹೆದ್ದಾರಿಯಲ್ಲಿ ಸಂಚಾರಿಸುವ ವಾಹನಗಳ ಸುಗಮ ಸಂಚಾರಕ್ಕೆ ಅಡಚಣೆ ಉಂಟಾಗುತ್ತಿದ್ದೂ ತೆರವು ಕಾರ್ಯ ವಿಳಂಬಗೊಂಡಿದೆ.

ಕಾಪು ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದಾರೆ.