ನಿಟ್ಟೆ ಕಾಲೇಜಿನಲ್ಲಿ ‘ಹ್ಯಾಕಥಾನ್’ ಕೋಡಿಂಗ್ ಸ್ಪರ್ಧೆ
Team Udayavani, Sep 20, 2018, 5:34 PM IST
ಕಂಪ್ಯೂಟರ್ ಪ್ರೋಗ್ರಾಮಿಂಗ್ ಬರೆಯುವವರಿಗಾಗಿ ಹಾಗೂ ಕೋಡಿಂಗ್ ನಲ್ಲಿ ಪರಿಣಿತರಿಗಾಗಿ ನಿಟ್ಟೆ ಶಿಕ್ಷಣ ಸಂಸ್ಥೆಗಳ ಆಶ್ರಯದಲ್ಲಿ ‘ಹ್ಯಾಕಥಾನ್ – 2ಕೆ18’ ಎಂಬ ವಿಶೇಷ ಕಾರ್ಯಾಗಾರವನ್ನು ನಿಟ್ಟೆ ಕಾಲೇಜಿನಲ್ಲಿ ಹಮ್ಮಿಕೊಳ್ಳಲಾಗಿದೆ. ಈ ಕಾರ್ಯಾಗಾರದಲ್ಲಿ ಭಾಗವಹಿಸಲು ನೀವು ಮೊದಲಿಗೆ ನಿಮ್ಮ ಹೆಸರನ್ನು ಗೂಗಲ್ ಫಾರ್ಮ್ ತುಂಬುವುದರ ಮೂಲಕ ನೋಂದಾಯಿಸಿಕೊಳ್ಳಬೇಕು. ಇದಾದ ಬಳಿಕ ಸೆಪ್ಟಂಬರ್ 22 ಮತ್ತು 23ರಂದು 40 ನಿಮಿಷಗಳ Online ಪರೀಕ್ಷೆಯೊಂದನ್ನು ಬರೆಯಬೇಕಾಗಿರುತ್ತದೆ. ಈ ಪರೀಕ್ಷೆಯ ಮೂಲಕ ಆಯ್ಕೆಗೊಳ್ಳುವ 51 ಸ್ಪರ್ಧಿಗಳು ಮುಂದಿನ ಹಂತಕ್ಕೆ ಪ್ರವೇಶವನ್ನು ಪಡೆದುಕೊಳ್ಳುತ್ತಾರೆ.
ಹೀಗೆ ಆಯ್ಕೆಗೊಳ್ಳುವ 51 ಸ್ಪರ್ಧಿಗಳು 100 ರೂಪಾಯಿಗಳ ನೋಂದಾವಣೆ ಶುಲ್ಕವನ್ನು ನೀಡಿ ಸೆಪ್ಟಂಬರ್ 29ರಂದು ನಡೆಯಲಿರುವ ‘ಹ್ಯಾಕಥಾನ್ – 2ಕೆ18’ ಕಾರ್ಯಾಗಾರದಲ್ಲಿ ಭಾಗವಹಿಸಲು ಅರ್ಹತೆಯನ್ನು ಪಡೆದುಕೊಳ್ಳಲಿದ್ದಾರೆ. ಇಲ್ಲಿ ವಿಜೇತರಾಗುವ ಭಾಗೀದಾರರಿಗೆ 10,000 ರೂಪಾಯಿಗಳ ನಗದು ಬಹುಮಾನವಿರುತ್ತದೆ. ಮತ್ತು ಮೊದಲ ಹತ್ತು ವಿಜೇತರಿಗೆ ಆಕರ್ಷಕ ಬಹುಮಾನಗಳೂ ಕಾದಿವೆ.
ಈ ಕಾರ್ಯಾಗಾರದ ಕುರಿತಾದ ಹೆಚ್ಚಿನ ಮಾಹಿತಿಗಾಗಿ ರಜತ್ ಭಟ್ (+919902482348) [email protected], ಹರ್ಷಿತ್ ಎಸ್. ಕೆ. (+918197287939) [email protected], ಅಲ್ತಾಫ್ ಶೇಖ್ (+918147299298) [email protected] ಅವರನ್ನು ಮೂಲಕ ಸಂಪರ್ಕಿಸಬಹುದಾಗಿರುತ್ತದೆ. ಈ ವಿಶೇಷ ಕಾರ್ಯಾಗಾರವನ್ನು IoT ಕ್ಲಬ್ CFSI ಆಶ್ರಯದಲ್ಲಿ NAIN (ಕರ್ನಾಟಕ ಸರಕಾರದ ಐಟಿ, ಬಿಟಿ, ಮತ್ತು ಎಸ್ ಆ್ಯಂಡ್ ಟಿ.ಯ ಒಂದು ಸಹಸಂಸ್ಥೆ) ಇದರ ಸಹಯೋಗದೊಂದಿಗೆ ನಡೆಸಲಾಗುತ್ತಿದೆ.