Video:Podcast ರೆಕಾರ್ಡಿಂಗ್ ವೇಳೆ ಏಕಾಏಕಿ ಕಾಫಿ ಶಾಪ್ ಗೆ ನುಗ್ಗಿದ ಎಸ್ ಯುವಿ…ಮುಂದೇನಾಯ್ತು
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್
Team Udayavani, Mar 7, 2023, 3:18 PM IST
ವಾಷಿಂಗ್ಟನ್: ಇಬ್ಬರು ಯುವಕರು ಪಾಡ್ ಕಾಸ್ಟ್(Podcast) ರೆಕಾರ್ಡಿಂಗ್ ಮಾಡುತ್ತಿದ್ದ ಸಂದರ್ಭದಲ್ಲಿ ಏಕಾಏಕಿ ಕಾಫಿ ಶಾಪ್ ಕಿಟಕಿಗೆ ಅತೀ ವೇಗವಾಗಿ ಬಂದ ಎಸ್ ಯುವಿ ಕಾರು ಡಿಕ್ಕಿ ಹೊಡೆದ ಆಘಾತಕಾರಿ ಘಟನೆ ಟೆಕ್ಸಾಸ್ ನ ಹೂಸ್ಟನ್ ನಲ್ಲಿ ನಡೆದಿದೆ.
ಇದನ್ನೂ ಓದಿ:ಪಡುಬಿದ್ರಿ: ಟ್ಯಾಂಕರ್ – ಸ್ಕೂಟರ್ ಅಪಘಾತ; ಇಬ್ಬರು ಸ್ಥಳದಲ್ಲೇ ಮೃತ್ಯು
ಫಾಕ್ಸ್ 26 ನ್ಯೂಸ್ ಪ್ರಕಾರ, ಟೆಕ್ಸಾಸ್ ನ ಕಾಫಿ ಶಾಪ್ ವೊಂದರಲ್ಲಿ ಅಲೆಕ್ಸೈ ರೆಯೀಸ್ ಮತ್ತು ನಾಥನ್ ರೀವ್ಸ್ ಮಾರ್ಚ್ 5ರಂದು ಪಾಡ್ ಕಾಸ್ಟ್ ರೆಕಾರ್ಡಿಂಗ್ ನಲ್ಲಿ ನಿರತರಾಗಿದ್ದರು. ಆಗ ಅತೀ ವೇಗದಲ್ಲಿ ಬಂದ ಕಪ್ಪುಬಣ್ಣದ ಚೆವ್ರೋಲೆಟ್ ಕಾರು ಈ ಇಬ್ಬರು ಕುಳಿತಿದ್ದ ಕಾಫಿ ಶಾಪ್ ನ ಕಿಟಕಿಗೆ ಬಡಿದಪ್ಪಳಿಸಿತ್ತು. ಕಿಟಕಿ ಗಾಜುಗಳೆಲ್ಲಾ ಪುಡಿ, ಪುಡಿಯಾಗಿದ್ದು, ಅದೃಷ್ಟವಶಾತ್ ಇಬ್ಬರು ಸಣ್ಣ,ಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿರುವುದಾಗಿ ವರದಿ ತಿಳಿಸಿದೆ.
ಈ ವಿಡಿಯೋವನ್ನು ಟ್ವೀಟರ್ ನಲ್ಲಿ ಶೇರ್ ಮಾಡಿದ್ದು, “ಪಾಡ್ ಕಾಸ್ಟ್ ರೆಕಾರ್ಡಿಂಗ್ ಮಾಡುತ್ತಿದ್ದ ವೇಳೆ ಕೆಫೆಗೆ ನುಗ್ಗಿದ ಕಾರು” ಎಂದು ಉಲ್ಲೇಖಿಸಿದ್ದಾರೆ.
ಏಕಾಏಕಿ ಕಾರು ಕಾಫಿ ಶಾಪ್ ನ ಕಿಟಕಿಗೆ ಡಿಕ್ಕಿ ಹೊಡೆದ ಶಬ್ದ ಕೇಳಿ ಗಾಬರಿಯಾಗಿಬಿಟ್ಟಿದ್ದೇವು. ಹಿಂಬದಿ ತಿರುಗಿ ನೋಡಿದಾಗ, ಕಾರು ಹಿಂದಕ್ಕೆ ಹೋಗುತ್ತಿತ್ತು. ಸದ್ಯ ನಮಗೆ ಏನೂ ಪ್ರಾಣಾಪಾಯವಾಗಿಲ್ಲ ಎಂದು ರೆಯೀಸ್ ಮತ್ತು ರೀವ್ಸ್ ತಿಳಿಸಿದ್ದಾರೆ.
Holy shit. A car smashed through a cafe while they were recording a podcast. 😳 pic.twitter.com/NBJ6h4cYjl
— Fifty Shades of Whey (@davenewworld_2) March 6, 2023
ಘಟನೆ ನಡೆದ ಕೂಡಲೇ ಹಲವಾರು ಪೊಲೀಸರು, ಅಗ್ನಿಶಾಮಕ ದಳ ದೌಡಾಯಿಸಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಅಧಿಕಾರಿಗಳು ಯಾವುದೇ ವಿವರವನ್ನು ನೀಡಿಲ್ಲ ಎಂದು ವರದಿ ಹೇಳಿದೆ. ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ಟ್ವೀಟರ್ ನಲ್ಲಿ ವಿಡಿಯೋ 40 ಲಕ್ಷ ವೀವ್ಸ್ ಕಂಡಿದ್ದು, 14,000 Retweets ಮಾಡಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Video: ಸಹೋದರಿಯ ಮದುವೆಯಲ್ಲಿ ಕುಣಿಯುತ್ತಿದ್ದ ವೇಳೆ ಕುಸಿದು ಬಿದ್ದು 18ರ ಯುವತಿ ಮೃತ್ಯು
Chennai ಅಪಾರ್ಟ್ಮೆಂಟ್ನ ಟಿನ್ ರೂಫ್ನಲ್ಲಿ ಸಿಲುಕಿದ ಮಗುವಿನ ರೋಚಕ ರಕ್ಷಣೆ
Delhi Police: ಮಾರುತಿ ಸ್ವಿಫ್ಟ್ ಕಾರಿನಲ್ಲಿ 30ಕ್ಕೂ ಅಧಿಕ ಕುರಿ, ಮೇಕೆ ಸಾಗಾಟ!
West Bengal; ಮಗಳನ್ನು ಕಂಡು ಕಣ್ಣೀರಿಟ್ಟ ಶೇಖ್ ಷಹಜಹಾನ್: ಬಿಜೆಪಿ ವ್ಯಂಗ್ಯ
ಕ್ರಿಕೆಟ್ ಬಗ್ಗೆ ಕಿಂಚಿತ್ತೂ ಜ್ಞಾನವಿಲ್ಲದ ವ್ಯಕ್ತಿಗೆ ಡ್ರೀಮ್11ನಲ್ಲಿ ಒಲಿಯಿತು 1.5 ಕೋಟಿ