ಇಂಗ್ಲಿಷ್ ಕೌಂಟಿ ಚಾಂಪಿಯನ್ ಶಿಪ್ ಆಡಲು ಸಸೆಕ್ಸ್ಗೆ ಸಹಿ ಹಾಕಿದ ಚೇತೇಶ್ವರ್ ಪೂಜಾರ
Team Udayavani, Mar 11, 2022, 5:50 AM IST
ಹೋವ್ (ಇಂಗ್ಲೆಂಡ್): ಭಾರತದ ಟೆಸ್ಟ್ ತಂಡದಿಂದ ಬೇರ್ಪಟ್ಟಿರುವ ಚೇತೇಶ್ವರ್ ಪೂಜಾರ ಇಂಗ್ಲಿಷ್ ಕೌಂಟಿಯಲ್ಲಿ ಆಡಲಿದ್ದಾರೆ.ಅವರು ಸಸೆಕ್ಸ್ ಕೌಂಟಿ ಜತೆಗಿನ ಒಪ್ಪಂದಕ್ಕೆ ಸಹಿ ಹಾಕಿದ್ದು,
ಆಸ್ಟ್ರೇಲಿಯದ ಟ್ರ್ಯಾವಿಸ್ ಹೆಡ್ ಸ್ಥಾನವನ್ನು ತುಂಬಲಿದ್ದಾರೆ.2022ರ ಋತುವಿನಲ್ಲಿ ಸಸೆಕ್ಸ್ ಪರ ಪ್ರಥಮ ದರ್ಜೆ ಹಾಗೂ ಲಿಸ್ಟ್ ಎ ಪಂದ್ಯಗಳೆರಡರಲ್ಲೂ ಚೇತೇಶ್ವರ್ ಪೂಜಾರ ಆಡಲಿದ್ದಾರೆ ಎಂದು ಕೌಂಟಿಯ ಪ್ರಕಟನೆ ತಿಳಿಸಿದೆ.
ಇದಕ್ಕೂ ಮೊದಲು ಪೂಜಾರ ಯಾರ್ಕಶೈರ್ ಹಾಗೂ ನಾಟಿಂಗ್ಹ್ಯಾಮ್ಶೈರ್ ಪರ ಆಡಿದ್ದರು.ಎ. 7ರಿಂದ ಇಂಗ್ಲಿಷ್ ಕೌಂಟಿ ಋತು ಆರಂಭವಾಗಲಿದ್ದು, ಸಸೆಕ್ಸ್ ತನ್ನ ಮೊದಲ ಪಂದ್ಯವನ್ನು ಎ. 14ರಂದು ಡರ್ಬಿಶೈರ್ ವಿರುದ್ಧ ಆಡಲಿದೆ. ಸೆಪ್ಟಂಬರ್ ತನಕ ಈ ಸೀಸನ್ ಮುಂದುವರಿಯಲಿದೆ.