ಫ್ಲಿಪ್ ಕಾರ್ಟ್ ಶಾಪ್ಸಿ ಮೂಲಕ ಈಗ ಗ್ರಾಸರಿ ಕೂಡ ಲಭ್ಯ

Team Udayavani, Dec 15, 2021, 3:20 PM IST

ಬೆಂಗಳೂರು : ಫ್ಲಿಪ್ ಕಾರ್ಟ್ ನ ಸಾಮಾಜಿಕ ಕಾಮರ್ಸ್ ಪ್ಲಾಟ್ ಫಾರ್ಮ್ ಆಗಿರುವ ಶಾಪ್ಸಿ ತನ್ನ ಪ್ಲಾಟ್ ಫಾರ್ಮ್ ನಲ್ಲಿ ಗ್ರಾಸರಿ ಉತ್ಪನ್ನಗಳ ವ್ಯವಹಾರವನ್ನು ಆರಂಭಿಸಿರುವುದಾಗಿ ಘೋಷಣೆ ಮಾಡಿದೆ.

ಫ್ಲಿಪ್ ಕಾರ್ಟ್ ಗ್ರೂಪ್ ನ ಪೂರೈಕೆ ಜಾಲದ ಮೂಲಸೌಕರ್ಯ ಮತ್ತು ತಾಂತ್ರಿಕ ಸಾಮರ್ಥ್ಯಗಳನ್ನು ಬಳಸಿಕೊಂಡು ಶಾಪ್ಸಿ ಈ ಸೇವೆಯನ್ನು ಆರಂಭಿಸಿದೆ. ಗ್ರಾಸರಿ ಆನ್ ಶಾಪ್ಸಿಯು ದೇಶದ 700 ಕ್ಕೂ ಹೆಚ್ಚು ನಗರಗಳ 5,800 ಪಿನ್ ಕೋಡ್ ಗಳಲ್ಲಿನ ಗ್ರಾಹಕರಿಗೆ ಈ ಸೇವೆಯನ್ನು ಒದಗಿಸಲಿದೆ. ಗ್ರಾಸರಿ ಆನ್ ಶಾಪ್ಸಿಯಲ್ಲಿ 230 ವಿಭಾಗಗಳ 6,000 ಕ್ಕೂ ಹೆಚ್ಚು ಉತ್ಪನ್ನಗಳು ಲಭ್ಯವಿವೆ. ಇವುಗಳಲ್ಲಿ ಪ್ರಮುಖವಾಗಿ ಸ್ಟಾಪಲ್ಸ್, ಎಫ್ಎಂಸಿಜಿ ಮತ್ತು ಇತರೆ ಡ್ರೈ ಗ್ರಾಸರಿ ಇರಲಿವೆ.

ಈ ಬಗ್ಗೆ ಮಾತನಾಡಿದ ಫ್ಲಿಪ್ ಕಾರ್ಟ್ ಗ್ರೋತ್ ನ ಹಿರಿಯ ಉಪಾಧ್ಯಕ್ಷ ಪ್ರಕಾಶ್ ಸಿಕಾರಿಯಾ ಅವರು, “ಕಳೆದ ಆರು ತಿಂಗಳಲ್ಲಿ ದೇಶದಲ್ಲಿನ ಅತ್ಯುತ್ತಮ ಸಾಮಾಜಿಕ ವಾಣಿಜ್ಯ ಪ್ಲಾಟ್ ಫಾರ್ಮ್ ಗಳಲ್ಲಿ ಒಂದಾಗಿ ಶಾಪ್ಸಿ ಹೊರಹೊಮ್ಮಿದೆ. ದಿನಸಿ ಗ್ರಾಹಕರ ಪ್ರಮುಖ ಅಗತ್ಯವಾಗಿದೆ ಮತ್ತು ನಾವು ಗ್ರಾಹಕರ ಇಷ್ಟಕ್ಕೆ ಅನುಸಾರವಾಗಿ ಇ-ಗ್ರಾಸರಿಯನ್ನು ಕೈಗೆಟುಕುವ ದರದಲ್ಲಿ ತಲುಪಿಸಲು ಬದ್ಧರಾಗಿದ್ದೇವೆ. ಕಳೆದ ಕೆಲವು ತಿಂಗಳಿಂದ ನಾವು ದಿನಸಿ ವಿತರಣೆ ವೆಚ್ಚವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಕಾರ್ಯೋನ್ಮುಖರಾಗಿದ್ದೇವೆ ಎಂದರು.

ಗ್ರಾಸರಿ ಆನ್ ಶಾಪ್ಸಿಯೊಂದಿಗೆ ಬಳಕೆದಾರರು ಫ್ಲಾಟ್ 5% ಕಮೀಷನ್ ಮಾರ್ಜಿನ್ ಅನ್ನು ಪಡೆದುಕೊಳ್ಳಬಹುದು. ಇದು ನೇರವಾಗಿ ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಗೆ ಕ್ರೆಡಿಟ್ ಆಗುತ್ತದೆ ಮತ್ತು 50% ರವರೆಗೆ ಉಳಿತಾಯವನ್ನು ಮಾಡಬಹುದು’’ ಎಂದರು.

ಭಾರತದಾದ್ಯಂತದ ಗ್ರಾಹಕರಿಗೆ ಸುರಕ್ಷಿತವಾದ ಮತ್ತು ಅತ್ಯುತ್ತಮ ಗುಣಮಟ್ಟದ ದಿನಸಿ ಉತ್ಪನ್ನಗಳನ್ನು ನೀಡುವ ನಿಟ್ಟಿನಲ್ಲಿ ಶಾಪ್ಸಿ ತನ್ನ ಫುಲ್ ಫಿಲ್ಮೆಂಟ್ ಸೆಂಟರ್ ಗಳಲ್ಲಿ ಮತ್ತು ಗ್ರಾಸರಿ ಸಪ್ಲೆ ಚೇನ್ ನಲ್ಲಿ ಕಠಿಣ ರೀತಿಯ ಗುಣಮಟ್ಟ ನಿಯಂತ್ರಣಕ್ಕೆ ಆದ್ಯತೆ ನೀಡುತ್ತಿದೆ. ಫ್ಲಿಪ್ ಕಾರ್ಟ್ ನ ಗ್ರಾಸರಿ ಫುಲ್ ಫಿಲ್ಮೆಂಟ್ ಸೆಂಟರ್ ಗಳು ಅಹ್ಮದಾಬಾದ್, ಬೆಂಗಳೂರು, ಚೆನ್ನೈ, ಕೊಯಮತ್ತೂರು, ದೆಹಲಿ, ಹೈದ್ರಾಬಾದ್, ಕೋಲ್ಕತ್ತಾ, ಲಕ್ನೋ, ಮುಂಬೈ, ಪಾಟ್ನ ಮತ್ತು ಪುಣೆಯಲ್ಲಿವೆ. ಇವುಗಳ ಮೂಲಕ ಶಾಪ್ಸಿ ತನ್ನ ಸಂಪೂರ್ಣ ಡಿಜಿಟಲೀಕರಣದ ಪ್ರಕ್ರಿಯೆಗಳನ್ನು ಹಾಗೂ ಗುಣಮಟ್ಟದ ಪರೀಕ್ಷೆಗಳನ್ನು ನಡೆಸುತ್ತದೆ. ಈ ಕೇಂದ್ರಗಳು ಕಚ್ಚಾ ವಸ್ತುಗಳಿಂದ ಉತ್ಪನ್ನಗಳನ್ನು ಗ್ರಾಹಕರಿಗೆ ತಲುಪಿಸುವವರೆಗೆ ಎಲ್ಲಾ ರೀತಿಯ ಪರಿಣಾಮಕಾರಿಯಾದ ಗುಣಮಟ್ಟದ ನಿರ್ವಹಣಾ ವ್ಯವಸ್ಥೆಗಳನ್ನು ಜಾರಿಗೆ ತಂದಿವೆ.

ಇದನ್ನೂ ಓದಿ :  ಅತ್ತೆ ಊಟದಲ್ಲಿ ನಿದ್ರೆ ಮಾತ್ರೆ ಇಟ್ಟ ಸೊಸೆ!

ಶೂನ್ಯ ಕಮಿಷನ್ ಮಾರ್ಕೆಟ್ ಪ್ಲೇಸ್ ಮೂಲಕ ಭಾರತಾದ್ಯಂತ ಡಿಜಿಟಲ್ ಕಾಮರ್ಸ್ ಲಭ್ಯವಾಗುವಂತೆ ಮಾಡುವ ಉದ್ದೇಶದಿಂದ 2021 ರ ಜುಲೈನಲ್ಲಿ ಫ್ಲಿಪ್ ಕಾರ್ಟ್ ಶಾಪ್ಸಿಯನ್ನು ಆರಂಭಿಸಿತು. ಶಾಪ್ಸಿ ಸ್ಥಳೀಯ ಮತ್ತು ಸಣ್ಣ ವ್ಯಾಪಾರಗಳು ಹಾಗೂ ಮಹಿಳಾ ಉದ್ಯಮಿಗಳು ಸಾಮಾನ್ಯ ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್ ಗಳಲ್ಲಿ ತಮ್ಮ ವಿಶ್ವಾಸಾರ್ಹವಾದ ಜನರ ನೆಟ್ ವರ್ಕ್ ಅನ್ನು ಸರಳವಾಗಿ ತಲುಪುವ ಮೂಲಕ ಸಾಮಾಜಿಕ ವಾಣಿಜ್ಯವನ್ನು ಅಳವಡಿಸಿಕೊಳ್ಳಲು ಸಹಾಯ ಮಾಡಿದೆ.

ಶಾಪ್ಸಿ 2.5 ಲಕ್ಷ ಮಾರಾಟಗಾರರನ್ನು ಹೊಂದಿದ್ದು, ಇವರು 250 ಕೆಟಗರಿಗಳಲ್ಲಿ 150 ಮಿಲಿಯನ್ ಗೂ ಅಧಿಕ ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದ್ದಾರೆ. 2023 ರ ವೇಳೆಗೆ ಈ ಸಂಖ್ಯೆಯನ್ನು 25 ಮಿಲಿಯನ್ ಗೆ ಹೆಚ್ಚಿಸುವ ಗುರಿಯನ್ನು ಹೊಂದಲಾಗಿದೆ.