ಉಕ್ರೇನ್ ಜಿಡಿಪಿ ಮೌಲ್ಯಕ್ಕಿಂತ ಬಿಎಸ್ಇ ಹೂಡಿಕೆದಾರರಿಗೆ ಹೆಚ್ಚು ನಷ್ಟ
ಒಂಭತ್ತು ದಿನಗಳಲ್ಲಿ 13 ಲಕ್ಷ ಕೋಟಿ ರೂ. ಲಾಸ್ ; 3 ಸಾವಿರ ಪಾಯಿಂಟ್ಸ್ ಸೂಚ್ಯಂಕ ಇಳಿಕೆ
Team Udayavani, Mar 5, 2022, 6:20 AM IST
GDP BSE
ನವದೆಹಲಿ/ಮುಂಬೈ: ಒಂದು ಕೋಟಿಯೋ, ಎರಡು ಕೋಟಿಯೋ ಅಲ್ಲ! ಬರೋಬ್ಬರಿ 13 ಲಕ್ಷ ಕೋಟಿ ರೂ.!!
– ಇದು ಫೆ.24ರಂದು ಉಕ್ರೇನ್ ವಿರುದ್ಧ ರಷ್ಯಾ ಯುದ್ಧ ಸಾರಿದ ಬಳಿಕ ಬಾಂಬೆ ಷೇರು ಪೇಟೆ (ಬಿಎಸ್ಇ)ಯಲ್ಲಿ ಹೂಡಿಕೆದಾರಿರಿಗೆ ಉಂಟಾಗಿರುವ ಒಟ್ಟು ನಷ್ಟ. ಇದು ಉಕ್ರೇನ್ನ ಒಟ್ಟು ದೇಶೀಯ ಉತ್ಪನ್ನದ (ಜಿಡಿಪಿ) ಮೊತ್ತಕ್ಕಿಂತಲೂ ಹೆಚ್ಚು.
2021ರಲ್ಲಿ ಸ್ಟಾಟಿಸ್ಯಾ (Statista) ವೆಬ್ಸೈಟ್ ನಡೆಸಿದ್ದ ಅಧ್ಯಯನದ ಪ್ರಕಾರ ದಾಳಿಗೊಳಗಾಗಿರುವ ರಾಷ್ಟ್ರದ ಜಿಡಿಪಿಯ ಮೌಲ್ಯ 13.79 ಲಕ್ಷ ಕೋಟಿ ರೂ.. ರಷ್ಯಾ ದಾಳಿ ನಡೆಸಿದ ಮೊದಲ ದಿನ (ಫೆ.24)ರಂದು ಬಿಎಸ್ಇನಲ್ಲಿ ಹೂಡಿಕೆದಾರರಿಗೆ 13 ಲಕ್ಷ ಕೋಟಿ ರೂ. ಉಂಟಾಗಿತ್ತು. ಈ ಒಂಭತ್ತು ದಿನಗಳಲ್ಲಿ ಸೂಚ್ಯಂಕ 3 ಸಾವಿರ ಪಾಯಿಂಟ್ಸ್ ಇಳಿಕೆಯಾಗಿದೆ.
ಮೂರನೇ ದಿನವೂ ನಿರಾಶೆ:
ವಾರಾಂತ್ಯವಾಗಿರುವ ಶುಕ್ರವಾರ ಮತ್ತು ಸತತ ಮೂರನೇ ದಿನವೂ ಕೂಡ ಬಿಎಸ್ಇನಲ್ಲಿ ನಿರಾಶೆಯೇ ಆಗಿದೆ. ಸೂಚ್ಯಂಕ ಒಂದು ಹಂತದಲ್ಲಿ 1,200 ಪಾಯಿಂಟ್ಸ್ ಕುಸಿತಗೊಂಡು ದಿನಾಂತ್ಯಕ್ಕೆ ಚೇತರಿಸಿಕೊಂಡು 768.87ರಲ್ಲಿ ಮುಕ್ತಾಯವಾಯಿತು. ಹೀಗಾಗಿ, 53,887.72ರಲ್ಲಿ ಕೊನೆಗೊಂಡಿದೆ. ನಿಫ್ಟಿ ಸೂಚ್ಯಂಕ ಕೂಡ 252.70 ಪಾಯಿಂಟ್ಸ್ ಪತನಗೊಂಡು 16,245.35ರಲ್ಲಿ ಕೊನೆಗೊಂಡಿತು. ಈ ವಾರದಲ್ಲಿ ಬಿಎಸ್ಇ 1,524.71 ಪಾಯಿಂಟ್ಸ್ ಪತನಗೊಂಡರೆ, ನಿಫ್ಟಿ 413.05 ಪಾಯಿಂಟ್ಸ್ ಇಳಿಕೆಯಾಗಿದೆ. ಹಾಂಕಾಂಗ್, ಶಾಂಘೈ,ಟೋಕಿಯೋ ಸ್ಟಾಕ್ಎಕ್ಸ್ಚೇಂಜ್ ಸೇರಿದಂತೆ ಜಗತ್ತಿನ ಇತರ ಷೇರುಪೇಟೆಗಳಲ್ಲಿ ಋಣಾತ್ಮಕ ವಾತಾವರಣವೇ ಇತ್ತು.
76 ಪೈಸೆ ಕುಸಿತ:
ಅಮೆರಿಕದ ಡಾಲರ್ ಎದುರು ರೂಪಾಯಿ ಕೂಡ 76 ಪೈಸೆ ಕುಸಿತ ಕಂಡಿದೆ. ಹೀಗಾಗಿ, ವಹಿವಾಟು ಮುಕ್ತಾಯದಲ್ಲಿ 76.17 ರೂ.ಗಳಿಗೆ ಕೊನೆಗೊಂಡಿದೆ. ಹನ್ನೊಂದು ವಾರಗಳಿಗೆ ಕೊನೆಗೊಂಡಂತೆ ಇದು ಗರಿಷ್ಠ ಕುಸಿತ.
ಪ್ರತಿ ಲೀ. ಪೆಟ್ರೋಲ್, ಡೀಸೆಲ್ಗೆ 12 ರೂ.ಗೆ ಏರಿಕೆ?
ಐದು ರಾಜ್ಯಗಳ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಪೆಟ್ರೋಲ್, ಡೀಸೆಲ್ ದರ ಏರಿಕೆಯಾಗಿಲ್ಲ. ಆದರೆ, ಸದ್ಯದ ಆತಂಕಕಾರಿ ಸ್ಥಿತಿಯಲ್ಲಿ ಬ್ರೆಂಟ್ ಕಚ್ಚಾ ತೈಲದ ಬೆಲೆ ಪ್ರತಿ ಬ್ಯಾರೆಲ್ಗೆ 120 ಡಾಲರ್ಗೆ ಏರಿಕೆಯಾಗಿದೆ. ದೇಶದಲ್ಲಿ ಸರ್ಕಾರಿ ತೈಲಕಂಪನಿಗಳಿಗೆ ಉಂಟಾಗುವ ನಷ್ಟ ಭರ್ತಿ ಮಾಡುವ ನಿಟ್ಟಿನಲ್ಲಿ ಮಾ.16ರ ಒಳಗೆ ಪ್ರತಿ ಲೀಟರ್ ಪೆಟ್ರೋಲ್, ಡೀಸೆಲ್ ಮೇಲೆ 12.1 ರೂ. ಏರಿಕೆಯಾಗಬೇಕು. ಹೀಗಾದರೆ ಮಾತ್ರ ಅವುಗಳಿಗೆ ಲಾಭವಾಗಲಿದೆ. ಗರಿಷ್ಠವೆಂದರೆ ಪ್ರತಿ ಲೀಟರ್ ಪೆಟ್ರೋಲ್ ಡೀಸೆಲ್ಗೆ 15.1 ರೂ. ಪರಿಷ್ಕರಣೆಯಾಗಬೇಕು ಎಂದು ಐಸಿಐಸಿಐ ಸೆಕ್ಯುರಿಟೀಸ್ ತನ್ನ ಅಧ್ಯಯನ ವರದಿಯಲ್ಲಿ ಅಭಿಪ್ರಾಯಪಟ್ಟಿದೆ. ಶುಕ್ರವಾರ ಪ್ರತಿ ಬ್ಯಾರೆಲ್ ಬ್ರೆಂಟ್ ಕಚ್ಚಾ ತೈಲಕ್ಕೆ 111 ಅಮೆರಿಕನ್ ಡಾಲರ್ ಆಗಿದೆ. ಮಾ.3ರ ಮಾಹಿತಿ ಪ್ರಕಾರ ಕೇಂದ್ರ ಸರ್ಕಾರ ಪ್ರತಿ ಬ್ಯಾರೆಲ್ ಕಚ್ಚಾ ತೈಲಕ್ಕೆ 117.39 ಅಮೆರಿಕನ್ ಡಾಲರ್ ನೀಡಿ ಖರೀದಿ ಮಾಡುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್
MUST WATCH
ಹೊಸ ಸೇರ್ಪಡೆ
Srinivas Prasad: ದ. ಕರ್ನಾಟಕದ ʼದಲಿತ ಸೂರ್ಯʼ ಎಂದು ಖ್ಯಾತರಾಗಿದ್ದ ಶ್ರೀನಿವಾಸ ಪ್ರಸಾದ್
ಗುಜರಾತ್ ಕರಾವಳಿ ಪ್ರದೇಶದಲ್ಲಿ 602 ಕೋಟಿ ಮೌಲ್ಯದ ಡ್ರಗ್ಸ್ ವಶ: 14 ಪಾಕ್ ಪ್ರಜೆಗಳ ಬಂಧನ
ನಾರಿ ಶಕ್ತಿ ವಿರೋಧಿಸುವ ಕಾಂಗ್ರೆಸ್ಗೆ ಚುನಾವಣೆಯಲ್ಲಿ ಪಾಠ ಕಲಿಸಬೇಕು: ಗಾಯತ್ರಿ ಸಿದ್ದೇಶ್ವರ
Spying: ಪಾಕಿಸ್ತಾನ ಪರ ಬೇಹುಗಾರಿಕೆ: ಒಂದು ವರ್ಷದಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿಯ ಬಂಧನ
T20 ವಿಶ್ವಕಪ್ ಗೆ ಬಲಿಷ್ಠ ತಂಡವನ್ನು ಪ್ರಕಟಿಸಿದ ನ್ಯೂಜಿಲೆಂಡ್; ಮರಳಿದ ಸ್ಫೋಟಕ ಆಟಗಾರ