ನನಗೆ ಅಮೆರಿಕಕ್ಕೆ ವಾಪಸ್ಸಾಗಲು ಇಷ್ಟವಿಲ್ಲ; ಅಮೆರಿಕ ಪ್ರಜೆ
Team Udayavani, Jul 9, 2020, 9:55 PM IST
ಕೊಚ್ಚಿ: 5 ತಿಂಗಳ ಹಿಂದೆ ಕೇರಳಕ್ಕೆ ಆಗಮಿಸಿದ್ದ 74 ವರ್ಷ ವಯಸ್ಸಿನ ವ್ಯಕ್ತಿ ಈಗ ತಮಗೆ ಕೇರಳದಲ್ಲೇ ಶಾಶ್ವತವಾಗಿ ಉಳಿದುಕೊಳ್ಳಲು ಅವಕಾಶ ನೀಡುವಂತೆ ಕೋರಿ ಕೇರಳ ಹೈಕೋರ್ಟ್ಗೆ ಮನವಿ ಮಾಡಿದ್ದಾರೆ.
ಅಮೆರಿಕ ಪ್ರಜೆ ಜಾನಿ ಪೌಲ್ ಪಿಯೆರ್ ಕೋವಿಡ್ ಸಾಂಕ್ರಾಮಿಕ ಕಾಯಿಲೆ ಹರಡುವುದಕ್ಕಿಂತ ಮೊದಲೇ ಭಾರತಕ್ಕೆ ಬಂದಿದ್ದರು. ಪ್ರಪಂಚದಾದ್ಯಂತ ಎಲ್ಲಾ ದೇಶಗಳೂ ಲಾಕ್ಡೌನ್ ಘೋಷಿಸಿದ ಕಾರಣ ಅವರು ಕೇರಳದಲ್ಲಿಯೇ ಉಳಿಯಬೇಕಾಯಿತು.
ಆದರೆ ಈಗ ಅವರಿಗೆ ಅಮೆರಿಕಕ್ಕೆ ವಾಪಸ್ಸು ತೆರಳಲು ಮನಸ್ಸಿಲ್ಲ. ಅವರು ತಮ್ಮ ಪ್ರವಾಸಿ ವೀಸಾವನ್ನು ಉದ್ಯೋಗಿ ವೀಸಾವನ್ನಾಗಿ ಬದಲಾಯಿಸುವಂತೆ ಕೇರಳ ಹೈಕೋರ್ಟ್ಗೆ ಮನವಿ ಮಾಡಿದ್ದಾರೆ.
ಕೇರಳದಲ್ಲಿ ಪ್ರವಾಸೋದ್ಯಮಕ್ಕೆ ಸಂಬಂಧಿಸಿದ ಉದ್ಯಮ ಆರಂಭಿಸಬೇಕು ಎಂಬ ಯೋಜನೆ ಅವರಿಗಿದೆ ಎನ್ನಲಾಗಿದೆ.