ಎಲ್‌ಐಸಿ ಮೂಲ ಬಂಡವಾಳ 25,000 ಸಾವಿರ ಕೋಟಿ ರೂ.ಗಳಿಗೆ ಹೆಚ್ಚಿಸಲು ಕೇಂದ್ರ ನಿರ್ಧಾರ

Team Udayavani, Mar 7, 2021, 11:30 PM IST

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಭಾರತೀಯ ಜೀವವಿಮಾ ನಿಗಮದ (ಎಲ್‌ಐಸಿ) ಮೂಲ ಬಂಡವಾಳವನ್ನು 25,000 ಸಾವಿರ ಕೋಟಿ ರೂ.ಗಳಿಗೆ ಹೆಚ್ಚಿಸುವ ಪ್ರಸ್ತಾವನೆಯೊಂದನ್ನು ಕೇಂದ್ರ ಸಿದ್ಧಪಡಿಸಿದೆ. ಈ ಮೂಲಕ, ಎಲ್‌ಐಸಿಯನ್ನು ಐಪಿಒ ಕಂಪನಿಯನ್ನಾಗಿಸಿ ಬಂಡವಾಳ ಹಿಂತೆಗೆತಕ್ಕೆ ಅನುವು ಮಾಡಿಕೊಡಲು ನಿರ್ಧರಿಸಲಾಗಿದೆ.

ಎಲ್‌ಐಸಿ ಷೇರುಗಳು ಮಾರಾಟ ಆರಂಭವಾದಾಗಿನಿಂದ ಮುಂದಿನ ಐದು ವರ್ಷಗಳವರೆಗೆ ಕಂಪನಿಯ ಶೇ. 75ರಷ್ಟು ಷೇರುಗಳನ್ನು ಸರ್ಕಾರವೇ ಹೊಂದಿರಲಿದೆ.

ಐದು ವರ್ಷಗಳ ನಂತರ, ತನ್ನ ಪಾಲಿನ ಷೇರನ್ನು ಶೇ. 50ಕ್ಕೆ ಇಳಿಸಲಿದೆ. ಇನ್ನು, ಪಾಲಿಸಿದಾರರ ಷೇರು ಪ್ರಮಾಣವನ್ನು ಶೇ. 10ಕ್ಕಿ ಮಿತಿಗೊಳಿಸಲು ತೀರ್ಮಾನಿಸಲಾಗಿದೆ. 1956ರಲ್ಲಿ 5 ಕೋಟಿ ರೂ. ಮೂಲ ಬಂಡವಾಳದಿಂದ ಆರಂಭಗೊಂಡ ಎಲ್‌ಐಸಿ, ಈಗ 31 ಲಕ್ಷ ಕೋಟಿ ರೂ.ಗಳ ಆಸ್ತಿಯನ್ನು ಹೊಂದಿದೆ.

ಇದನ್ನೂ ಓದಿ :ರೇಷನ್ ಕಾರ್ಡ್ ಇರುವ ಪ್ರತೀ ಗೃಹಿಣಿಗೂ ತಿಂಗಳಿಗೆ 1000 ರೂ : ಸ್ಟಾಲಿನ್