ಮಗಳ ಮನವಿಗೆ ಟಿಕ್ಟಾಕ್ ಖಾತೆ ತೆರೆದ ವಾರ್ನರ್
Team Udayavani, Apr 16, 2020, 6:00 AM IST
ಸಿಡ್ನಿ: ಆಸ್ಟ್ರೇಲಿಯದ ಸ್ಫೋಟಕ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ತನ್ನ ಮಗಳ ಮನವಿ ಮೇರೆಗೆ ಟಿಕ್ಟಾಕ್ ಆ್ಯಪ್ನಲ್ಲಿ ಅಧಿಕೃತ ಖಾತೆಯೊಂದನ್ನು ತೆರೆದು ವೀಡಿಯೊವೊಂದನ್ನು ಪೋಸ್ಟ್ ಮಾಡಿದ್ದಾರೆ.
ಈ ಬಗ್ಗೆ ಇನ್ಸ್ಟಾಗ್ರಾಮ್ ಮೂಲಕ ಮಾಹಿತಿ ನೀಡಿರುವ ವಾರ್ನರ್, ಟಿಕ್ಟಾಕ್ ಬಳಸುವುದು ಹೇಗೆ ಗೊತ್ತಿಲ್ಲ. ಆದರೆ ಮಗಳ ಮನವಿ ಮೇರೆಗೆ ಇದನ್ನು ಆರಂಭಿಸಿದ್ದೇನೆ ಎಂದು ಅಭಿಮಾನಿಗಳಿಗೆ ತಿಳಿಸಿದ್ದಾರೆ.
“ಓಕೆ .. ಏನಾಗುತ್ತಿದೆ ಎಂಬುದರ ಬಗ್ಗೆ ನನಗೆ ಕಿಂಚಿತ್ತೂ ತಿಳಿಯುತ್ತಿಲ್ಲ. ನನ್ನ 5 ವರ್ಷದ ಮಗಳು ಹೇಳಿದ್ದಕ್ಕೆ ಇದನ್ನು ಆರಂಭಿಸಿದ್ದೇನೆ. ನನ್ನ ಖಾತೆಯಲ್ಲಿ ಫಾಲೋವರ್ಸ್ ಸಂಖ್ಯೆ ಶೂನ್ಯವಿದೆ. ಪ್ಲೀಸ್ ನನಗೆ ಸಹಾಯ ಮಾಡಿ’ ಎಂದು ಡೇವಿಡ್ ವಾರ್ನರ್ ಸಂದೇಶ ರವಾನಿಸಿದ್ದಾರೆ.