ಮುಂಬಯಿ ಶೇರು 216 ಅಂಕ ಜಿಗಿತ, ನಿಫ್ಟಿ 10,000 ಮಟ್ಟಕ್ಕೆ ನಿಕಟ
Team Udayavani, Jul 24, 2017, 4:04 PM IST
ಮುಂಬಯಿ : ಈ ವರೆಗಿನ ಜೂನ್ ಅಂತ್ಯದ ತ್ತೈಮಾಸಿಕ ಫಲಿತಾಂಶಗಳು ಆಶಾದಾಯಕವಾಗಿರುವ ಕಾರಣ ಮತ್ತು ಭವಿಷ್ಯದಲ್ಲಿ ಅದನ್ನೇ ಹಾರೈಸುತ್ತಿರುವ ಮುಂಬಯಿ ಶೇರು ಪೇಟೆ ಇಂದು ಸೋಮವಾರದ ವಹಿವಾಟನ್ನು 216.98 ಅಂಕಗಳ ಉತ್ತಮ ಮುನ್ನಡೆಯೊಂದಿಗೆ ಹೊಸ ವಿಶ್ವಾಸದೊಂದಿಗೆ ಕೊನೆಗೊಳಿಸಿತು.
ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 51.15 ಅಂಕಗಳ ಏರಿಕೆಯೊಂದಿಗೆ 9,966.40 ಅಂಕಗಳ ಮಟ್ಟದಲ್ಲಿ ದಿನದ ವಹಿವಾಟನ್ನು ಸಮಾಪನಗೊಳಿಸಿತು.
ನಿಫ್ಟಿ ಈಗಿನ್ನು 10,000 ಅಂಕಗಳ ಐತಿಹಾಸಿಕ ಮಟ್ಟದ ಸೀಮೋಲ್ಲಂಘನೆಗೆ ಕೇವಲ 35 ಅಂಕ ದೂರವಿದ್ದು ಇದನ್ನು ಸಾಧಿಸಿಯೇ ತೀರುವ ಹೊಸ ಆತ್ಮವಿಶ್ವಾಸ ಈಗ ಮಾರುಕಟ್ಟೆಯಲ್ಲಿ ತುಂಬಿ ತುಳುಕುತ್ತಿರುವುದು ನಿಚ್ಚಳವಿದೆ.
ಇಂದಿನ ವಹಿವಾಟಿನಲ್ಲಿ ಟಾಟಾ ಸ್ಪಂಜ್, ಐಐಎಫ್ಎಲ್ ಹೋಲ್ಡಿಂಗ್ಸ್, ಕ್ವೆಸ್ ಕಾರ್ಪ್, ಜೆ ಆ್ಯಂಡ್ ಕೆ ಬ್ಯಾಂಕ್, ಜಿವಿಕೆ ಪವರ್, ಅವೆನ್ಯೂ ಸೂಪರ್ಮಾರ್ಟ್, ಆಮ್ಟೆಕ್ ಆಟೋ, ಫೋರ್ಟಿಸ್ ಹೆಲ್ತ್ ಕೇರ್, ಎಚ್ಪಿಸಿಎಲ್ ಮತ್ತು ವಿಜಯ ಬ್ಯಾಂಕ್ ಶೇರುಗಳು ಶೇ.8ರಷ್ಟು ಏರಿರುವುದು ವಿಶೇಷವೆನಿಸಿತು.
ಇಂದು ವಹಿವಾಟಿಗೆ ಒಳಪಟ್ಟ ಶೇರುಗಳ ಪೈಕಿ 1,332 ಶೇರುಗಳು ಮುನ್ನಡೆ ಸಾಧಿಸಿದರೆ 1,388 ಶೇರುಗಳ ಹಿನ್ನಡೆಗೆ ಗುರಿಯಾದವು; 173 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ.
ಭಾರ್ತಿ ಏರ್ಟೆಲ್, ರಿಲಯನ್ಸ್, ವಿಪ್ರೋ ಶೇರುಗಳು ಟಾಪ್ ಗೇನರ್ಗಳಲ್ಲಿ ವಿಜೃಂಭಿಸಿದವು; ಡಾ. ರೆಡ್ಡಿ, ಎಕ್ಸಿಸ್ ಬ್ಯಾಂಕ್, ವೇದಾಂತ ಟಾಪ್ ಲೂಸರ್ಗಳಲ್ಲಿ ಕಾಣಿಸಿಕೊಂಡವು.
ಆರೋಗ್ಯ ರಂಗದ ದಿವೀಸ್ ಲ್ಯಾಬೋರೇಟರೀಸ್ ಇಂದು ಶೇ.5.6 ಪ್ರಮಾಣದಲ್ಲಿ ಧರೆಗುರುಳಿದ್ದುದು ವಿಶೇಷವೆನಿಸಿತು. ಕಂಪೆನಿಯ ಜೂನ್ ಅಂತ್ಯದ ತ್ತೈಮಾಸಿಕ ಫಲಿತಾಂಶ ನಿರಾಶಾದಾಯಕವಾಗಿದ್ದುದೇ ಇದಕ್ಕೆ ಕಾರಣವಾಯಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್
MUST WATCH
ಹೊಸ ಸೇರ್ಪಡೆ
Kalaburagi; ಸೋಲಿನ ಭಯದಿಂದ ಎಐಸಿಸಿ ಅಧ್ಯಕ್ಷ ಖರ್ಗೆ ಕಲಬುರಗಿಯಲ್ಲೇ ಠಿಕಾಣಿ: ಉಮೇಶ ಜಾಧವ್
Ramanagara: ಪ್ರವಾಸಕ್ಕೆ ಬಂದಿದ್ದ ಐವರು ವಿದ್ಯಾರ್ಥಿಗಳು ನೀರುಪಾಲು
Sirsi: ಮನವಿ ಕೊಟ್ಟ ವಾರದೊಳಗೇ ಕೆಲಸ ಶುರು… 26 ಗುಂಟೆ ಕೆರೆಗೆ ಜೀರ್ಣೋದ್ದಾರ ಭಾಗ್ಯ
Father; ಚಂದ್ರು ನಿರ್ಮಾಣದ ‘ಫಾದರ್’ ಚಿತ್ರಕ್ಕೆ ಮುಹೂರ್ತ
Thirthahalli: ಇದು ಪಿಕ್ ಪ್ಯಾಕೆಟ್ ಸರ್ಕಾರ… ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಹೇಳಿಕೆ