ಮೋಟೋ ಇ4 ಪ್ಲಸ್ ಸ್ಮಾರ್ಟ್ಫೋನ್ ಬಿಡುಗಡೆ
Team Udayavani, Jul 18, 2017, 11:54 AM IST
ನವದೆಹಲಿ: ಮೊಟೊರೋಲ ಮೊಬಿಲಿಟಿ ಸಂಸ್ಥೆ ನೂತನ “ಮೋಟೋ ಇ4′ ಮತ್ತು “ಮೋಟೋ ಇ4 ಪ್ಲಸ್’ ಸ್ಮಾರ್ಟ್ಫೋನ್ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇತ್ತೀಚೆಗೆ ದೆಹಲಿಯಲ್ಲಿ ಮೊಟೊ ರೋಲ ಮೊಬಿಲಿಟಿ ವ್ಯವಸ್ಥಾಪಕ ನಿರ್ದೇಶಕ ಸುಧಿನ್ ಮಾಥುರ್ ಅವರು ಮೋಟೋ ಇ4 ಸರಣಿಯ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಿದರು.
ಈ ವೇಳೆ ಮಾತನಾಡಿದ ಅವರು, “ಮೋಟೋ ಇ ಪ್ಲಸ್ನಲ್ಲಿ 5000ಎಂಎಎಚ್ ಬ್ಯಾಟರಿಯಿದ್ದು, 48 ಗಂಟೆಗಳವರೆಗೆ ಮೊಬೈಲ್ ಚಾರ್ಜ್ನಲ್ಲಿರುತ್ತದೆ. ಇದಕ್ಕೆ 5.5 ಇಂಚ್ ಎಚ್ಡಿ ಡಿಸ್ಪ್ಲೇ, 32ಜಿಬಿ ಇಂಟರ್ನಲ್ ಸ್ಟೋರೇಜ್ ಇದ್ದು, 128ಜಿಬಿ ವರೆಗೆ ವಿಸ್ತರಿಸಬಹುದು. 13ಎಂಪಿ ಆಟೋ ಫೋಕಸ್ ರೇರ್ ಕ್ಯಾಮೆರಾ, 5ಎಂಪಿ ಫ್ರಂಟ್ ಕ್ಯಾಮೆರಾ ಇದರಲ್ಲಿದೆ. ಈ ಸ್ಮಾರ್ಟ್ನ್, ಫ್ಲಿಪ್ಕಾರ್ಟ್ ಆನ್ಲೈನ್ ವೇದಿಕೆಯಲ್ಲಿ ಮಾತ್ರ ಲಭ್ಯವಿದೆ,’ ಎಂದರು.
“ಸ್ಮಾರ್ಟ್ಫೋನ್ ಬೆಲೆಯನ್ನು 9,999 ರೂ. ನಿಗದಿ ಮಾಡಿದ್ದು, ಇದರ ಜತೆ ಐಡಿಯಾ 4ಜಿ ಡೇಟಾ ಕೊಡುಗೆ, 2 ತಿಂಗಳ ಉಚಿತ ಹಾಟ್ಸ್ಟಾರ್ ಪ್ರೀಮಿಯಂ, ಮೋಟೊರೋಲ ಹೆಡ್ಸೆಟ್, ಹಳೇ ಫೋನ್ ಎಕ್ಸ್ ಚೇಂಜ್ ಸೌಲಭ್ಯ, ಫ್ಲಿಪ್ಕಾರ್ಟ್ನಿಂದ ಶೇ.20ರಷ್ಟು ಹೆಚ್ಚುವರಿ ರಿಯಾಯಿತಿ ಹಾಗೂ 4000 ರೂ.ವರೆಗೆ ಬೈಬ್ಯಾಕ್ ಗ್ಯಾರಂಟಿ ನೀಡಲಾಗುತ್ತಿದೆ. ಈಗಾಗಲೇ ಮಾರುಕಟ್ಟೆಗೆ ಪರಿಚಯಿಸಿ ರುವ ಮೋಟೋ-ಇ ಫೋನ್ ಎಲ್ಲ ರಿಟೇಲ್ ಸ್ಟೋರ್ಗಳಲ್ಲಿ ಲಭ್ಯ ವಿರುತ್ತದೆ. ಇದರ ಬೆಲೆ 8,999 ರೂ.ಆಗಿದೆ ಎಂದು ಮಾಥುರ್ ಅವರು ಮಾಹಿತಿ ನೀಡಿದ್ದಾರೆ.