ಬಿಟ್ ಕಾಯಿನ್ನಲ್ಲಿ ಆಸಕ್ತಿ : ಸೂರತ್ ವಿಶ್ವದ ನಂಬರ್ 1 ನಗರ
Team Udayavani, Jan 16, 2018, 4:19 PM IST
ಹೊಸದಿಲ್ಲಿ : ಕಳೆದ ವರ್ಷ ಬಿಟ್ ಕಾಯಿನ್ ಅಥವಾ ಕ್ರಿಪ್ಟೋ ಕರೆನ್ಸಿ ಕುರಿತ ಮಾಹಿತಿಯನ್ನು ಕಲೆ ಹಾಕಲು ಇಡಿಯ ವಿಶ್ವದಲ್ಲೇ ಅತ್ಯಧಿಕ ಸಂಖ್ಯೆಯಲ್ಲಿ ಆಸಕ್ತಿ ತೋರಿದ ಭಾರತೀಯ ನಗರವೆಂದರೆ ಗುಜರಾತ್ನ ಸೂರತ್ ಎಂಬ ಅಚ್ಚರಿಯ ಸಂಗತಿ ಗೂಗಲ್ ಟ್ರೆಂಡ್ಸ್ ಅಂಕಿ ಅಂಶಗಳಿಂದ ಗೊತ್ತಾಗಿದೆ.
ಸೂರತ್ ನಗರವು ವಿಶದಲ್ಲೇ ಅತ್ಯಧಿಕ ಸಂಖ್ಯೆಯ ವಜ್ರಗಳನ್ನು ಕಟ್ ಮಾಡಿ ಪಾಲಿಶ್ ಮಾಡುವ ಭಾರತೀಯ ನಗರವಾಗಿದೆ. ಭಾರತದ ಪಶ್ಚಿಮ ಕರಾವಳಿಯಲ್ಲಿರುವ ಗುಜರಾತ್ನ ಈ ನಗರವು ದೇಶದ ಪ್ರಸಿದ್ದ ಕೈಗಾರಿಕಾ ನಗರವೂ ಆಗಿದೆ.
ಬಿಟ್ ಕಾಯಿನ್ ಕುರಿತ ಗರಿಷ್ಠ ಸಂಖ್ಯೆಯ ಜಾಲ ತಾಣ ಶೋಧದಲ್ಲಿ ಸೂರತ್ ನಗರ ವಿಶ್ವದಲ್ಲೇ ಮೊದಲಿಗನಾಗಿರುವುದನ್ನು ಗೂಗಲ್ ಟ್ರೆಂಡ್ ಬಹಿರಂಗಪಡಿಸಿದೆ.
ಬಿಟ್ ಕಾಯಿನ್ ಕುರಿತ ಗರಿಷ್ಠ ಸಂಖ್ಯೆಯ ಅಂತರ್ಜಾಲ ಶೋಧದಲ್ಲಿ ಸೂರತ್ ನಗರ, ಅಮೆರಿಕದ ಯಾಂಕರ್ಸ್, ಸ್ಯಾನ್ ಜೋಸ್, ಕೇಪ್ ಟೌನ್, ಹೊಸದಿಲ್ಲಿ ಮುಂತಾದ ಪ್ರಮುಖ ನಗರಗಳನ್ನು ಹಿಂದಿಕ್ಕಿದೆ.
ಬಿಟ್ ಕಾಯಿನ್ ಮಾಹಿತಿಗಾಗಿ ಅಂತರ್ ಜಾಲ ಶೋಧಿಸುವ ಮೂಲಕ ಗರಿಷ್ಠ ಆಸಕ್ತಿ ತೋರಿದ ವಿಶ್ವದ ಮೊದಲ ಹತ್ತು ನಗರಗಳ ಪೈಕಿ ಭಾರತದ ಪಿಂಪ್ರಿ ಚಿಂಚ್ವಾಡ (ಪುಣೆ) ಏಳನೇ ಸ್ಥಾನದಲ್ಲಿದೆಯಾದರೆ ಗುರುಗ್ರಾಮ ಎಂಟನೇ ಸ್ಥಾನದಲ್ಲಿದೆ.
ಹಾಗೆಯೇ ಮೊದಲ ನೂರರ ಪಟ್ಟಿಯಲ್ಲಿ ನೋಯ್ಡಾ 12ನೇ ಸ್ಥಾನದಲ್ಲಿದೆ. ಜೈಪುರ 23, ದಿಲ್ಲಿ 52, ಮುಂಬಯಿ 73, ಬೆಂಗಳೂರು 81, ಕೋಲ್ಕತಾ 88, ಅಹ್ಮದಾಬಾದ್ 94 ಮತ್ತು ಪುಣೆ 100 ನೇ ಸ್ಥಾನದಲ್ಲಿದೆ.
ಬಿಟ್ ಕಾಯಿನ್ ಮಾಹಿತಿಗಾಗಿ ಗರಿಷ್ಠ ಸಂಖ್ಯೆಯಲ್ಲಿ ಜಾಲ ತಾಣ ಜಾಲಾಡಿರುವ ವಿಶ್ವದ 147 ನಗರಗಳನ್ನು ಗೂಗಲ್ ಪಟ್ಟಿ ಮಾಡಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್