ಮನುಷ್ಯರ ಮೇಲೆಯೇ ಔಷಧ ಪ್ರಯೋಗಿಸಿದ ವಿದೇಶಿ ಕಂಪನಿ
Team Udayavani, Apr 22, 2018, 6:00 AM IST
ಜೈಪುರ: ಆಘಾತಕಾರಿ ಬೆಳವಣಿಗೆಯಲ್ಲಿ ರಾಜಸ್ಥಾನದ ಚುರು ಮತ್ತು ಭರತ್ಪುರ ಜಿಲ್ಲೆಗಳ ಜನರಿಗೆ ವಿದೇಶಿ ಕಂಪನಿ ಕಾನೂನುಬಾಹಿರವಾಗಿ ಔಷಧವನ್ನು ಪ್ರಯೋಗಿಸಿದ್ದು, ಮಾ.19ರಂದು ನಡೆದಿದ್ದ ಈ ಕುಕೃತ್ಯ ಶನಿವಾರ ಬೆಳಕಿಗೆ ಬಂದಿದೆ. ಜತೆಗೆ ಭಾರತದ ಔಷಧ ಮಹಾನಿರ್ದೇಶನಾಲಯ (ಡಿಸಿಜಿಐ) ತಜ್ಞರ ತಂಡವನ್ನು ಜೈಪುರಕ್ಕೆ ಕಳುಹಿಸಿದೆ.
ಜೈಪುರದ ಖಾಸಗಿ ಆಸ್ಪತ್ರೆಯಲ್ಲಿ ವಿದೇಶಿ ಕಂಪನಿಯೊಂದು ಪ್ರಾಣಿಗಳಿಗೆ ನೀಡಬೇಕಾದ ಔಷಧವನ್ನು ಭರತಪುರ, ಚುರು ಜಿಲ್ಲೆಗಳ ಜನರಿಗೆ ನೀಡಿ ಪ್ರಯೋಗ ನಡೆಸಿದೆ. ಅಲ್ಲದೆ ಈ ಪ್ರಯೋಗ ನಡೆಸಿದ ಆಸ್ಪತ್ರೆ ಕನಿಷ್ಠ 50 ಹಾಸಿಗೆಗಳ ಸೌಲಭ್ಯವನ್ನೂ ಹೊಂದಿರಲಿಲ್ಲ ಎಂಬ ಅಂಶ ಬೆಳಕಿಗೆ ಬಂದಿದೆ. ನಿಯಮ ಬಾಹಿರ ಔಷಧ ಪ್ರಯೋಗಕ್ಕೆ ಒಳಗಾದ 21 ಮಂದಿ ಈಗ ಅನಾರೋಗ್ಯಕ್ಕೆ ಗುರಿಯಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ದುರಂತವೆಂದರೆ ಈ ಪ್ರಯೋಗ ಒಪ್ಪಿಕೊಳ್ಳಲು ಪ್ರತಿಯೊಬ್ಬರಿಗೂ 500 ರೂ. ನೀಡಲಾಗಿತ್ತು ಎಂದು ಚಿಕಿತ್ಸೆ ಪಡೆಯುತ್ತಿರುವವರು ಹೇಳಿದ್ದಾರೆ.
3 ಸದಸ್ಯರ ಸಮಿತಿ: ಈ ಕೃತ್ಯದ ವಿರುದ್ಧ ತನಿಖೆ ನಡೆಸಲು ರಾಜಸ್ಥಾನ ಆರೋಗ್ಯ ಸಚಿವ ಕಾಲಿ ಕದಂ ಸರಾಫ್, ಆರೋಗ್ಯ ಇಲಾಖೆ ಪ್ರಧಾನ ಕಾರ್ಯದರ್ಶಿ ನೇತೃತ್ವದಲ್ಲಿ ಮೂವರು ಸದಸ್ಯರ ಸಮಿತಿ ರಚಿಸಿದ್ದಾರೆ. ಅಕ್ರಮ ಕಂಡುಬಂದಲ್ಲಿ ಕ್ರಮ ಕೈಗೊಳ್ಳಲಾಗುವುದು ಎಂದಿದ್ದಾರೆ.
ನಿಯಮಗಳೇನು?: ಯಾವುದೇ ಹೊಸ ಔಷಧಗಳನ್ನು ಪ್ರಾಣಿಗಳ ಮೇಲೆಯೇ ಪ್ರಯೋಗಿಸಬೇಕು. ಔಷಧ ಪ್ರಯೋಗ (ಕ್ಲಿನಿಕಲ್ ಟ್ರಯಲ್)ನಡೆಸುವ ಮೊದಲು ವ್ಯಕ್ತಿ, ಕುಟುಂಬ ಸದಸ್ಯರಿಗೆ ಅದರ ಮಾಹಿತಿ ನೀಡಬೇಕು. ಲಿಖೀತ ಒಪ್ಪಿಗೆ ಪಡೆದು ಕೊಳ್ಳಬೇಕು. ಕ್ಲಿನಿಕಲ್ ಟ್ರಯಲ್ ವಿಮೆ ಕುರಿತೂ ವಿವರಿಸಬೇಕು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Polls: ಉಡುಪಿ, ದಕ್ಷಿಣ ಕನ್ನಡದಲ್ಲಿ ಶಾಂತಿಯುತ ಮತದಾನ… ಹಲವೆಡೆ ಕೈಕೊಟ್ಟ ಮತಯಂತ್ರ
Election: ಕರ್ನಾಟಕದ 14 ಲೋಕಸಭಾ ಕ್ಷೇತ್ರಗಳಲ್ಲಿ ಮೊದಲ ಹಂತದ ಮತದಾನ ಆರಂಭ… ಬಿಗಿ ಭದ್ರತೆ
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Hubballi: ನನ್ನ ಕುಟುಂಬಕ್ಕೆ ಜೀವ ಬೆದರಿಕೆ ಇದೆ, ಭದ್ರತೆ ಕೊಡಿ; ನೇಹಾ ತಂದೆ ಹಿರೇಮಠ
IT raid: ಡಿಕೆಸು ಆಪ್ತರ ಮನೆ ಮೇಲೆ ಐಟಿ ದಾಳಿ; ಜಪ್ತಿ ಮಾಡಿರುವ ದಾಖಲೆ ಪರಿಶೀಲನೆ