ತಿರುಪತಿ: ವಾರ್ಷಿಕ ‘ಬ್ರಹ್ಮೋತ್ಸವ’ ಸೆ. 27 ರಂದು ಪ್ರಾರಂಭ
9 ದಿನಗಳ ಉತ್ಸವ ; ಅದ್ದೂರಿ ವ್ಯವಸ್ಥೆ
Team Udayavani, Sep 12, 2022, 10:22 PM IST
ತಿರುಪತಿ: ತಿರುಮಲದ ವೆಂಕಟೇಶ್ವರ ದೇವರ 9 ದಿನಗಳ ವಾರ್ಷಿಕ ‘ಬ್ರಹ್ಮೋತ್ಸವ’ ಸೆಪ್ಟೆಂಬರ್ 27 ರಂದು ಪ್ರಾರಂಭವಾಗಲಿದೆ ಎಂದು ದೇವಸ್ಥಾನದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ದೇವಾಲಯದ ಆಡಳಿತದ ಉಸ್ತುವಾರಿ ವಹಿಸಿರುವ ಟಿಟಿಡಿ ಕೋವಿಡ್-19 ಸಾಂಕ್ರಾಮಿಕ ರೋಗದಿಂದಾಗಿ ಎರಡು ವರ್ಷಗಳ ನಂತರ ಬೆಟ್ಟದ ‘ನವರಾತ್ರಿ’ ಉತ್ಸವದಲ್ಲಿ ಭಕ್ತರಿಗೆ ಭಾಗವಹಿಸಲು ಅವಕಾಶ ನೀಡಲು ನಿರ್ಧರಿಸಿದೆ ಎಂದು ಅಧಿಕಾರಿ ಪಿಟಿಐಗೆ ತಿಳಿಸಿದ್ದಾರೆ.
ಉತ್ಸವಕ್ಕೆ ಅದ್ದೂರಿ ವ್ಯವಸ್ಥೆ ಮಾಡಲಾಗಿದ್ದು, ಆಂಧ್ರಪ್ರದೇಶದ ಮುಖ್ಯಮಂತ್ರಿ ವೈ.ಎಸ್. ಜಗನ್ಮೋಹನ್ ರೆಡ್ಡಿ ಅವರು ಸರ್ಕಾರದ ಪರವಾಗಿ ಅನಾದಿ ಕಾಲದ ಪದ್ಧತಿಯನ್ನು ಅನುಸರಿಸಿ, 9 ದಿನಗಳ ಉತ್ಸವದ ಆರಂಭದಲ್ಲಿ ಬೆಟ್ಟದ ದೇವಾಲಯದ ಪ್ರಧಾನ ಅರ್ಚಕರಿಗೆ ರೇಷ್ಮೆ ವಸ್ತ್ರವನ್ನು ಹಸ್ತಾಂತರಿಸಲಿದ್ದಾರೆ ಎಂದು ಅವರು ಹೇಳಿದರು.