ಎರಡು ವರ್ಷಗಳ ಬಳಿಕ ಕಾಣಿಸಿಕೊಂಡ ದಲೈ ಲಾಮಾ

Team Udayavani, Mar 19, 2022, 9:45 AM IST

ಧರ್ಮಶಾಲ: ಭಾರತದಲ್ಲಿ ಕೊರೊನಾ ತೀವ್ರವಾದ ನಂತರ ಎರಡು ವರ್ಷಗಳ ನೊಬೆಲ್‌ ಪುರಸ್ಕೃತ ಬೌದ್ಧಗುರು ದಲೈ ಲಾಮಾ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರಲಿಲ್ಲ. ಶುಕ್ರವಾರ ಹಿಮಾಚಲ ಪ್ರದೇಶದ ಧರ್ಮಶಾಲದಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ.

ಈ ವೇಳೆ ಅವರು ಸಣ್ಣ ಭಾಷಣವನ್ನೂ ಮಾಡಿದರು. ಜೊತೆಗೆ ತ್ಸುಗ್ಲಕ್‌ಖಂಗ್‌ನಲ್ಲಿರುವ ಟಿಬೆಟ್‌ ದೇವಸ್ಥಾನದಲ್ಲಿ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದರು. ತಮ್ಮ ಆರೋಗ್ಯ ಪರೀಕ್ಷೆಗಾಗಿ ದೆಹಲಿಗೆ ಹೋಗಬೇಕಾಗಿತ್ತು. ಆದರೆ ಪರಿಸ್ಥಿತಿ ಸುಧಾರಿಸಿರುವುದರಿಂದ ದೆಹಲಿ ಭೇಟಿಯನ್ನು ನಿಲ್ಲಿಸಿದ್ದೇನೆ ಎಂದರು.

ಇದನ್ನೂ ಓದಿ:ಸಪ್ತ ಸಾಗರ ದಾಟಿದ ಪುನೀತ್‌ ಚಿತ್ರ: ವಿದೇಶದಲ್ಲೂ ಜೇಮ್ಸ್‌ ಅಬ್ಬರ

ಸದ್ಯ ತಾವು ವೈದ್ಯರೊಂದಿಗೆ ಬಾಕ್ಸಿಂಗ್‌ ಆಡುವ ಮಟ್ಟಕ್ಕೆ ಉತ್ತಮ ಆರೋಗ್ಯ ಹೊಂದಿದ್ದೇನೆಂದು ತಮಾಷೆ ಮಾಡಿದರು. ಕಾರ್ಯಕ್ರಮದಲ್ಲಿ ಸಾವಿರಾರು ಟಿಬೆಟಿಯನ್ನರು ಪಾಲ್ಗೊಂಡಿದ್ದರು