ರಾತ್ರಿ ಪಾಳಿಯಲ್ಲಿ ಆಸ್ಪತ್ರೆಯಲ್ಲಿ ಮ್ಯಾನೇಜರ್ ನಿಂದ ಸಹೋದ್ಯೋಗಿಯ ಮೇಲೆ ರೇಪ್
Team Udayavani, Aug 22, 2022, 10:16 PM IST
ಗೋರಖ್ಪುರ: ಇಲ್ಲಿನ ಖಾಸಗಿ ಆಸ್ಪತ್ರೆಯೊಂದರ ಮ್ಯಾನೇಜರ್ ತನ್ನ 23 ವರ್ಷದ ಸಹೋದ್ಯೋಗಿ ಮೇಲೆ ಅತ್ಯಾಚಾರ ಮತ್ತು ಥಳಿಸಿದ ಆರೋಪದ ಮೇಲೆ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ಸೋಮವಾರ ತಿಳಿಸಿದ್ದಾರೆ.
ಆಸ್ಪತ್ರೆಯ ಸ್ವಾಗತಕಾರಿಣಿ ಮಹಿಳೆ ಶನಿವಾರ ರಾತ್ರಿ ಪಾಳಿಯಲ್ಲಿದ್ದಾಗ ಈ ಘಟನೆ ನಡೆದಿದೆ.ಪೊಲೀಸರ ಪ್ರಕಾರ, 36 ವರ್ಷದ ಮ್ಯಾನೇಜರ್, ಮಹಿಳೆಗೆ ಬಾಕಿ ಇರುವ ಸಂಬಳವನ್ನು ನೀಡುವ ನೆಪದಲ್ಲಿ ತನ್ನ ಕ್ಯಾಬಿನ್ಗೆ ಕರೆದಿದ್ದು, ಒಳಗೆ ಹೋದಾಗ, ಅವನು ಅವಳಿಗೆ ಕೇವಲ 500 ರೂ ಕೊಟ್ಟನು. ಮಹಿಳೆ ತನ್ನ ಸಂಪೂರ್ಣ ಸಂಬಳಕ್ಕೆ ಬೇಡಿಕೆಯಿಟ್ಟಾಗ ಅವನು ನಿರಾಕರಿಸಿದ್ದು, ತಕ್ಷಣವೇ ಅವಳ ಮೇಲೆ ಬಲವಂತ ಮಾಡಿದ್ದು, ಆಕೆ ಕೃತ್ಯವನ್ನು ವಿರೋಧಿಸಿದ ನಂತರ ಥಳಿಸಿದ್ದಾನೆ ಮತ್ತು ಸಿಬ್ಬಂದಿಯೊಬ್ಬರು ತನ್ನ ಕ್ಯಾಬಿನ್ ಕಡೆಗೆ ಬರುತ್ತಿರುವುದನ್ನು ಅಲ್ಲಿ ಅಳವಡಿಸಲಾದ ಸಿಸಿಟಿವಿ ಕ್ಯಾಮೆರಾ ದೃಶ್ಯಗಳಲ್ಲಿ ನೋಡಿದ ನಂತರವೇ ಆಕೆಯನ್ನು ಬಿಟ್ಟಿದ್ದಾನೆ.
ಭಾನುವಾರದಂದು ಮಹಿಳೆ ತನ್ನ ಕುಟುಂಬಕ್ಕೆ ಸಂಪೂರ್ಣ ಘಟನೆಯನ್ನು ವಿವರಿಸಿದಳು, ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.ದೂರಿನ ಮೇರೆಗೆ ಆಸ್ಪತ್ರೆಯ ಮ್ಯಾನೇಜರ್ ವಿರುದ್ಧ ಅತ್ಯಾಚಾರ ಪ್ರಕರಣವನ್ನು ದಾಖಲಿಸಿದ್ದು ಶೀಘ್ರದಲ್ಲೇ ಆತನನ್ನು ಬಂಧಿಸಲಾಗುವುದು ಎಂದು ಶಹಪುರ್ ಪೊಲೀಸ್ ಠಾಣೆಯ ಎಸ್ಎಚ್ಒ ರಣಧೀರ್ ಮಿಶ್ರಾ ತಿಳಿಸಿದ್ದಾರೆ.ಇದೇ ವೇಳೆ ಮಹಿಳೆಯನ್ನು ವೈದ್ಯಕೀಯ ತಪಾಸಣೆಗೆ ಕಳುಹಿಸಲಾಗಿದೆ ಎಂದು ತಿಳಿಸಿದರು.