ಅಮೆರಿಕ ಮಹಿಳೆಯ ಪ್ರಾಣ ಕಾಪಾಡಿದ ಆ್ಯಪಲ್ ವಾಚ್!
ಹೃದಯ ದಿಢೀರನೆ ವೇಗವಾಗಿ, ಬಡಿದುಕೊಳ್ಳುತ್ತಿರುವ ಸುಳಿವು
Team Udayavani, Jul 23, 2022, 7:25 AM IST
ನವದೆಹಲಿ: ಆ್ಯಪಲ್ ಕಂಪನಿಯ ಹಲವು ಉತ್ಪನ್ನಗಳು ಇಂದು ಜಗತ್ತಿನ ಮಾರುಕಟ್ಟೆಯನ್ನುಆಕ್ರಮಿಸಿಕೊಂಡಿವೆ.
ಈ ಉತ್ಪನ್ನಗಳ ಪೈಕಿ ಇತ್ತೀಚೆಗೆ ವೇಗವಾಗಿ ಜನಪ್ರಿಯತೆ ಪಡೆದುಕೊಳ್ಳುತ್ತಿರುವುದು ಆ್ಯಪಲ್ ವಾಚ್. ಇದನ್ನು ಕೈಗೆ ಕಟ್ಟಿಕೊಂಡರೆ ಆರೋಗ್ಯದಲ್ಲಾಗುವ ಏರುಪೇರಿನ ಬಗ್ಗೆ ಆಗಾಗ ಸೂಚನೆ ರವಾನಿಸುತ್ತಿರುತ್ತದೆ. ಈ ವಾಚ್ ನೀಡಿದ ಸೂಚನೆಯೊಂದು ಅಮೆರಿಕದ ಮಹಿಳೆಯ ಪ್ರಾಣ ರಕ್ಷಿಸಿದೆ!
ಅಲ್ಲಿನ ಮೈನ್ ಎಂಬ ರಾಜ್ಯದ ಮಹಿಳೆ ಕಿಮ್ ಡರ್ಕಿಗೆ, ಆ್ಯಪಲ್ ವಾಚ್ ನೀಡಿದ ಸುಳಿವಿನಿಂದ ಆಕೆಯ ಶರೀರದಲ್ಲೊಂದು ಗಡ್ಡೆ ಬೆಳೆಯುತ್ತಿರುವುದು ಗೊತ್ತಾಗಿದೆ.
ಆಗಿದ್ದೇನು?: ಕೆಲವು ತಿಂಗಳ ಹಿಂದೆ ಕಿಮ್ ಡರ್ಕಿಗೆ ಆ್ಯಪಲ್ ವಾಚ್ನಲ್ಲಿ ಒಂದು ಸಂದೇಶ ಕಂಡಿತ್ತು. ನಿಮ್ಮ ಹೃದಯ ಅನಿಯಮಿತವಾಗಿ, ವೇಗವಾಗಿ (ಏಟ್ರಿಯಲ್ ಫಿಬ್ರಿಲೇಶನ್) ಬಡಿದುಕೊಳ್ಳುತ್ತಿದೆ ಎಂದು ಅದರಲ್ಲಿತ್ತು. 3ನೇ ಬಾರಿ ಸ್ವಲ್ಪ ಬಲವಾದ ಸಂದೇಶ ಬಂದಾಗ ಕಿಮ್, ವೈದ್ಯರಲ್ಲಿಗೆ ತೋರಿಸಿದರು. ಮೆಸಾಚುಸೆಟ್ಸ್ ಆಸ್ಪತ್ರೆಯಲ್ಲಿ ಪರೀಕ್ಷಿಸಿದಾಗ, ಶರೀರದಲ್ಲೊಂದು ಗಡ್ಡೆ ಬೆಳೆಯುತ್ತಿರುವುದು ಪತ್ತೆಯಾಗಿತ್ತು. ಮುಂದೆ ಐದು ಗಂಟೆಗಳ ಶಸ್ತ್ರಚಿಕಿತ್ಸೆಯಲ್ಲಿ ಅದನ್ನು ನಿವಾರಿಸಲಾಯಿತು. ಒಂದು ವೇಳೆ ಸಕಾಲದಲ್ಲಿ ತೆಗೆಯದಿದ್ದರೆ, ಅದು ಕಿಮ್ಗೆ ಮಾರಣಾಂತಿಕವಾಗುವುದು ಖಚಿತವಿತ್ತು.
ತಜ್ಞರು ಏನಂತಾರೆ?
ಕಿಮ್ ವಿಚಾರದಲ್ಲಿ ಹೀಗಾಯಿತು ಎಂದ ಮಾತ್ರಕ್ಕೆ ಎಲ್ಲಾ ಸ್ಮಾರ್ಟ್ ವಾಚ್ಗಳು ಸಂಭಾವ್ಯ ಅಪಾಯವನ್ನು ಸೂಚಿಸುತ್ತವೆ ಎಂಬರ್ಥವಲ್ಲ. ವೇಗದ ಹೃದಯ ಬಡಿತ ಇತ್ಯಾದಿ ಶಾರೀರಿಕ ವ್ಯತ್ಯಾಸಗಳನ್ನು ಅವು ತೋರಿಸಬಹುದು. ಕೆಲವೊಮ್ಮೆ ತೋರಿಸದೆಯೂ ಇರಬಹುದು. ಹಾಗಾಗಿ, ಅವುಗಳ ಮೇಲೆಯೇ ಹೆಚ್ಚು ಅವಲಂಬಿತವಾಗಬಾರದು ಎಂದು ತಜ್ಞರ ಅಭಿಪ್ರಾಯ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
MP Srinivas Prasad: ಚಾಮರಾಜನಗರ ಸಂಸದ ಶ್ರೀನಿವಾಸ್ ಪ್ರಸಾದ್ ನಿಧನ
Udupi-Chikmagalur ಲೋಕಸಭಾ ಕ್ಷೇತ್ರ: ಯಾರೇ ಗೆದ್ದರೂ ಸಣ್ಣ ಅಂತರದ ಗೆಲುವು ಸಾಧ್ಯತೆ
HD Revanna, ಪ್ರಜ್ವಲ್ ಮೇಲೆ ಲೈಂಗಿಕ ದೌರ್ಜನ್ಯ ಕೇಸ್!
CET ಮೌಲ್ಯಮಾಪನ: 50 ಪಠ್ಯೇತರ ಪ್ರಶ್ನೆಗೆ ಕೊಕ್; ಮರು ಪರೀಕ್ಷೆ ನಡೆಸದಿರಲು ನಿರ್ಧಾರ
Chennai ಅಪಾರ್ಟ್ಮೆಂಟ್ನ ಟಿನ್ ರೂಫ್ನಲ್ಲಿ ಸಿಲುಕಿದ ಮಗುವಿನ ರೋಚಕ ರಕ್ಷಣೆ