ಆನ್‌ಲೈನ್‌ ಮೂಲಕ ದೂರು ಸಲ್ಲಿಕೆ ಅವಕಾಶ

Team Udayavani, May 17, 2019, 6:00 AM IST

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ: ಇತ್ತೀಚೆಗೆ ಅಸ್ತಿತ್ವಕ್ಕೆ ಬಂದ ಲೋಕಪಾಲಕ್ಕೆ ದೂರುಗಳನ್ನು ಸಲ್ಲಿಸುವುದು ಹೇಗೆ ಎಂಬ ಬಗ್ಗೆ ಸ್ಪಷ್ಟ ಮಾರ್ಗಸೂಚಿ ಹಾಗೂ ಅರ್ಜಿ ನಮೂನೆಯನ್ನು ಕೇಂದ್ರ ಸರಕಾರ ಶೀಘ್ರದಲ್ಲೇ ಪ್ರಕಟಿಸಲಿದೆ. ಆನ್‌ಲೈನ್‌ ಮೂಲಕವೂ ದೂರು ಸಲ್ಲಿಸುವ ಅವಕಾಶವನ್ನು ನಾಗರಿಕರಿಗೆ ಲೋಕಪಾಲ ಕಲ್ಪಿಸುತ್ತದೆ ಎಂದು ಹೇಳಲಾಗಿದೆ. ಏಪ್ರಿಲ್‌ 16 ರ ವರೆಗೆ ಸ್ವೀಕರಿಸಿದ ಎಲ್ಲ ದೂರುಗಳನ್ನು ಮರು ಪರಿಶೀಲಿಸಲು ನಿರ್ಧರಿಸಲಾಗಿದೆ. ಈ ದೂರುಗ ಳನ್ನು ಪರಿಶೀಲಿಸಿ, ಸೂಕ್ತ ನಮೂನೆ ಯಲ್ಲಿಲ್ಲದಿದ್ದರೆ ತಿರಸ್ಕರಿ ಸುವುದಾಗ ದೂರು ನೀಡಿದವರಿಗೆ ಮಾಹಿತಿ ನೀಡಲಾಗುತ್ತದೆ ಎಂದು ಕೇಂದ್ರ ಸರಕಾರದ ಉನ್ನತ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಲೋಕಪಾಲ ವೆಬ್‌ಸೈಟ್‌ ಅನ್ನು ಲೋಕಪಾಲ ಮುಖ್ಯಸ್ಥ ನಿವೃತ್ತ ನ್ಯಾ|ಪಿ.ಸಿ.ಘೋಷ್‌ ಅನಾವರಣಗೊಳಿಸಿದ್ದಾರೆ. ಇತ್ತೀಚೆಗಷ್ಟೇ ಲೋಕ ಪಾಲ ಜಾರಿಗೆ ಬಂದಿರುವುದರಿಂದ ಇದರ ವಿಳಾಸ ಇನ್ನೂ ದಿ ಅಶೋಕ ಹೋಟೆಲ್‌ ಎಂದೇ ವೆಬ್‌ಸೈಟ್‌ನಲ್ಲಿ ಉಲ್ಲೇಖೀಸಲಾಗಿದೆ.