Supreme: ಸುಪ್ರೀಂನಿಂದ ಅಸಮರ್ಪಕ ಪದಗಳಿಗೆ ಬದಲಿ ಕೈಪಿಡಿ

Team Udayavani, Aug 17, 2023, 6:07 AM IST

ನವದೆಹಲಿ: ಮಹಿಳೆಯರ ಕುರಿತು ತೀರ್ಪು ನೀಡುವ ನ್ಯಾಯಾಧೀಶರು ಅಸಮರ್ಪಕ ಪದ ಬಳಕೆ ಮಾಡುತ್ತಿರುವುದನ್ನು ನಿಲ್ಲಿಸಲು ಸರ್ವೋಚ್ಚ ನ್ಯಾಯಾಲಯದ ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್‌ ಕೈಪಿಡಿಯೊಂದನ್ನು ಬಿಡುಗಡೆ ಮಾಡಿದ್ದಾರೆ. “ಹ್ಯಾಂಡ್‌ಬುಕ್‌ ಆನ್‌ ಕಾಂಬ್ಯಾಟಿಂಗ್‌ ಜಂಡರ್‌ ಸ್ಟಿರಿಯೋಟೈಪ್ಸ್‌’ ಬುಧವಾರ ಬಿಡುಗಡೆಯಾಗಿದೆ. ಇದರಲ್ಲಿ ಮಹಿಳೆಯರ ಬಗ್ಗೆ ತೀರ್ಪು ನೀಡುವಾಗ ಗೌರವಯುತ ಪದ ಬಳಸಲು ಸೂಚಿಸಲಾಗಿದೆ. ಕೆಲವು ತಿಂಗಳ ಹಿಂದೆಯೇ ಚಂದ್ರಚೂಡ್‌ ಇದನ್ನು ಘೋಷಿಸಿದ್ದರು ಎನ್ನುವುದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.

ಈ ಕೈಪಿಡಿಯು ವಿಚಾರಣೆ ವೇಳೆ ಹಾಗೂ ತೀರ್ಪು ನೀಡುವ ವೇಳೆ ಲಿಂಗ ಸೂಕ್ಷ್ಮ ಪದಗಳನ್ನು ಹೇಗೆ ಬಳಸಬೇಕು, ಯಾವ ಪದಗಳನ್ನು ಬಳಸಬೇಕು, ಯಾವೆಲ್ಲ ಪದಗಳನ್ನು ಬಳಸಬಾರದು ಎಂಬ ಬಗ್ಗೆ ಸ್ಪಷ್ಟತೆಯನ್ನು ನೀಡಲಿದೆ. ಕೈಪಿಡಿಯಲ್ಲಿರುವ ಪದಗಳು ಹಲವು ಅಸೂಕ್ಷ್ಮ ಸಂಗತಿಗಳ ಬಗ್ಗೆ ಗಮನ ಸೆಳೆಯುತ್ತವೆ. ಈ ಕ್ರಮ ಭಾರೀ ಮೆಚ್ಚುಗೆ ಪಡೆದಿದೆ.

ಕೈಪಿಡಿ ಬಿಡುಗಡೆಗೊಳಿಸಿ ಮಾತನಾಡಿದ ಸಿಜೆಐ, “ಈ ಕೈಪಿಡಿಯು ಮಹಿಳೆ ಕುರಿತು ಪೂರ್ವಗ್ರಹೀತ ಪದಗಳನ್ನು ಗುರುತಿಸಲು ನ್ಯಾಯಾಧೀಶರಿಗೆ ಸಹಾಯ ಮಾಡುತ್ತದೆ. ಸರಿಯಾದ ಪದ ಬಳಕೆ ಕುರಿತು ತಿಳಿಸುತ್ತದೆ’ ಎಂದು ಹೇಳಿದ್ದಾರೆ.

ಯಾವುದನ್ನು ಬಳಸಬಾರದು?               ಯಾವುದನ್ನು ಬಳಸಬೇಕು?
ಅಡಲ್ಟೆರೆಸ್‌                                  ವುಮನ್‌ ಹೂ ಹ್ಯಾಸ್‌ ಎಂಗೇಜಡ್‌ ಇನ್‌ ಸೆಕ್ಷುಯಲ್‌ ರಿಲೇಶನ್ಸ್‌ ಔಟ್‌ ಸೈಡ್‌ ಆಫ್ ಮ್ಯಾರೇಜ್‌
ಅಫೇರ್‌                                        ರಿಲೇಶನ್‌ಶಿಪ್‌ ಔಟ್‌ಸೈಡ್‌ ಆಪ್‌ ಮ್ಯಾರೇಜ್‌
ಕಾನಲ್‌                                        ಇಂಟರ್‌ಕೋರ್ಸ್‌ ಸೆಕ್ಷುಯಲ್‌ ಇಂಟರ್‌ಕೋರ್ಸ್‌
ಪ್ರಾಸ್ಟಿಟ್ಯೂಟ್‌                             ಸೆಕ್ಸ್‌ ವರ್ಕರ್‌
ಹೌಸ್‌ವೈಫ್                                  ಹೋಮ್‌ಮೇಕರ್‌
ಈವ್‌ ಟೀಸಿಂಗ್‌                           ಸ್ಟ್ರೀಟ್‌ ಸೆಕ್ಷುಯಲ್‌ ಹರಾಸ್‌ಮೆಂಟ್‌
ಸ್ಲಟ್‌                                            ವುಮನ್‌
ಹಾರ್ಲಟ್‌                                   ವುಮನ್‌
ಫಾಲನ್‌ ವುಮನ್‌                       ವುಮನ್‌
ಟ್ರಾನ್ಸ್‌ಸೆಕ್ಷುಯಲ್‌                   ಟ್ರಾನ್ಸ್‌ಜೆಂಡರ್‌
ಫೋರ್ಸಿಬಲ್‌ ರೇಪ್‌                  ರೇಪ್‌
ಸ್ಪಿನ್‌ಸ್ಟರ್‌                              ಅನ್‌ಮ್ಯಾರೀಡ್‌ ವುಮೆನ್‌
ಹುಕರ್‌                                     ಸೆಕ್ಸ್‌ ವರ್ಕರ್‌