ಅಸ್ಸಾಂ: Microlight aircraft ಪತನ: ಇಬ್ಬರು ಪೈಲಟ್‌ ಸಾವು

Team Udayavani, Feb 15, 2018, 5:04 PM IST

ಜೋರ್ಹಾಟ್‌ :  ಅಸ್ಸಾಮಿನ ಜೋರ್ಹಾಟ್‌ನಲ್ಲಿ ಇಂದು ಗುರುವಾರ ಮೈಕ್ರೋ ಲೈಟ್‌ ಏರ್‌ ಕ್ರಾಫ್ಟ್ ಪತನಗೊಂಡು ಅದರೊಳಗಿದ್ದ ವಾಯು ಪಡೆಯ ಇಬ್ಬರು ಸಿಬಂದಿಗಳು ಮೃತಪಟ್ಟರು. 

ಲಘು ವಿಮಾನ ತನ್ನ ದೈನಂದಿನ ಹಾರಾಟದಲ್ಲಿ ನಿರತವಾಗಿದ್ದ ವೇಳೆ ಈ ದುರ್ಘ‌ಟನೆ ಸಂಭವಿಸಿತು. ಇಬ್ಬರು IAF ಸಿಬಂದಿಗಳು ವೈರಸ್‌ ಎಸ್‌ಡಬ್ಲ್ಯು80 ಮೈಕ್ರೋಲೈಟ್‌ ವಿಮಾನವನ್ನು ಚಲಾಯಿಸುತ್ತಿದ್ದರು. 

ಜೋರ್ಹಾಟ್‌ ವಾಯು ನೆಲೆಯಿಂದ ಟೇಕಾಫ್ ಆದ ತತ್‌ಕ್ಷಣವೇ ವಿಮಾನ ಪತನಗೊಂಡಿತು. ಇಬ್ಬರೂ ಪೈಲಟ್‌ಗಳು IAF ವಿಂಗ್‌ ಕಮಾಂಡರ್‌ ಗಳಾಗಿದ್ದರು.

ಈ ಅಪಘಾತ ಹೇಗೆ ಉಂಟಾಯಿತು ಎಂಬ ಬಗ್ಗೆ ಸದ್ಯಕ್ಕೆ ವಿವರಗಳು ಸಿಕ್ಕಿಲ್ಲ. ಈ ಪತನಕ್ಕೆ ಸಂಬಂಧಿಸಿ ತನಿಖೆಗೆ ಆದೇಶ ನೀಡಲಾಗಿದೆ. 

ಮಾಜೂಲಿ ನದೀ ದ್ವೀಪದ ಸಮೀಪದಲ್ಲಿರುವ ಸುಮೋಯಿಮರಿ ಎಂಬ ಗ್ರಾಮದಲ್ಲಿ ಪತನಗೊಂಡ ವಿಮಾನದ ಅವಶೇಷಗಳು ಪತ್ತೆಯಾಗಿರುವುದಾಗಿ ವರದಿಯಾಗಿದೆ.