ಶಿವಾನಂದ ಶೆಟ್ಟಿ ಅವರಿಗೆ 7ನೇ ಸ್ಥಾನ
ಏಜಿಯಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ 24 ಗಂಟೆಗಳ ಸ್ಟೇಡಿಯಂ ರನ್
Team Udayavani, Aug 31, 2021, 2:21 PM IST
ಮುಂಬಯಿ: ಎನ್ಇಬಿ ಸ್ಪೋರ್ಟ್ಸ್ ಎಂಟಟೈನ್ಮೆಂಟ್ ಪ್ರೈ. ಲಿ. ವತಿಯಿಂದ ಆ್ಯತ್ಲೆಟಿಕ್ಸ್ ಫೆಡರೇಶನ್ ಆಫ್ ಇಂಡಿಯಾ ಇದರ ಸಹಯೋಗದಲ್ಲಿ ನಡೆದ “ಏಜಿಯಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ 24 ಗಂಟೆಗಳ ಸ್ಟೇಡಿಯಂ ರನ್’ ನಲ್ಲಿ ತುಳು, ಕನ್ನಡಿಗ ಶಿವಾನಂದ ಶೆಟ್ಟಿ ಅವರು 7ನೇ ಸ್ಥಾನ ಪಡೆದಿದ್ದಾರೆ.
ಮೈ ಸಮಯ್, ಬ್ರೂಕ್ಸ್, ನಾನಾವತಿ ಮ್ಯಾಕ್ಸ್ ಸೂಪರ್ ಸ್ಪೆಷಾಸಿಟಿ ಹಾಸ್ಪಿಟಲ್, ಟ್ರಾಕ್ ಬೈ ಟೈಟಾನ್ ಅವರ ಪ್ರಾಯೋಜಕತ್ವದಲ್ಲಿ ಆ. 28, 29ರಂದು ಬಾಂದ್ರಾ ಪಶ್ಚಿಮ ವಿಂಗ್ಸ್ ಸ್ಪೋರ್ಟಿಂಗ್ ಸೆಂಟರ್ನಲ್ಲಿ ನಡೆದ “ಏಜಿಯಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ 24 ಗಂಟೆಗಳ ಸ್ಟೇಡಿಯಂ ರನ್’ನಲ್ಲಿ ಶಿವಾನಂದ ಶೆಟ್ಟಿ ಅವರು 24 ಗಂಟೆಗಳಲ್ಲಿ 138 ಕಿ. ಮೀ. ಗಳನ್ನು ಕ್ರಮಿಸಿ ವಿಶೇಷ ಸಾಧನೆ ಮಾಡಿದ್ದಾರೆ.
ಇದನ್ನೂ ಓದಿ:ಮುಸ್ಲಿಂ ನಾಯಕರ ಬೆಳವಣಿಗೆ ಬಯಸದ ಕಾಂಗ್ರೆಸ್ : ಅಸಾದುದ್ದೀನ್ ಓವೈಸಿ
ಆ. 15ರಂದು “ಬ್ಯಾರ್ ಟೂ ಪೆಡಲ್ಸ್ ಸೈಕ್ಲಿಂಗ್ ಆನ್ ಪರ್ಪಸ್’ ಆಯೋಜಿಸಿದ್ದ ಸೈಕ್ಲಿಂಗ್ನಲ್ಲಿ ಅವರು 5 ಗಂಟೆ 23 ನಿಮಿಷಗಳಲ್ಲಿ 100 ಕಿ. ಮೀ. ಗಳನ್ನು ಕ್ರಮಿಸಿ ಮತ್ತೊಂದು ಸಾಧನೆ ಮಾಡಿದ್ದಾರೆ. ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮಟ್ಟದ ಮ್ಯಾರಥಾನ್ ಪಟುವಾಗಿರುವ ಶಿವಾನಂದ ಶೆಟ್ಟಿ ಮ್ಯಾರಥಾನ್ ಹಾಗೂ ವಿವಿಧ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿ ನೂರಾರು ಪದಕಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ. 45ರ ಹರೆಯದ ಇವರು ಹೊಟೇಲ್ ಕಾರ್ಮಿಕರಾಗಿದ್ದು, ಮೂಲತಃ ಮೂಡಬಿದ್ರೆ ನಿಡ್ಡೋಡಿ ನಂದಬೆಟ್ಟುವಿನವರು. ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯಾ, ಶ್ರೀಲಂಕಾ, ಬ್ರೂನೈ, ಇಂಡೊನೇಷ್ಯಾದಲ್ಲಿ ನಡೆದ ಟ್ರ್ಯಾಕ್ ಆ್ಯಂಡ್ ಫೀಲ್ಡ್ನಲ್ಲಿ ಭಾಗವಹಿಸಿ ಐದು ಚಿನ್ನದ ಪದಕಗಳೊಂದಿಗೆ 19 ಪದಕಗಳನ್ನು ಗೆದ್ದಿದ್ದಾರೆ. ಇವರ ಕ್ರೀಡಾ ಸಾಧನೆಗಳನ್ನು ಗುರುತಿಸಿ ನಗರದ ವಿವಿಧ ಸಂಘಟನೆಗಳು ಅವರನ್ನು ಗೌರವಿಸಿದೆ.