ಅರುಷಾ ಎನ್.ಶೆಟ್ಟಿ,ಜಯಶೀಲ ಸುವರ್ಣ ಹಾಲಿವುಡ್ ಸಿನೆಮಾಕ್ಕೆ ಕಂಠದಾನ
Team Udayavani, Apr 18, 2017, 5:04 PM IST
ಮುಂಬಯಿ: ಹಾಲಿವುಡ್ ಸಿನೆಮಾಕ್ಕೆ ಮುಂಬಯಿ ಕಲಾವಿದರಿಂದ ಮೊತ್ತಮೊದಲ ಕಂಠದಾನಗೈದ ಹಿರಿಮೆ ಮುಂಬಯಿಯ ಹೆಸರಾಂತ ಕಲಾವಿದರೂ, ಅಪ್ರತಿಮ ಪ್ರತಿಭೆ ಗಳೂ ಆದ ಜಯಶೀಲ ಸುವರ್ಣ ಮತ್ತು ಹಿರಿಯ ರಂಗನಟಿ, ಕವಿ ಅರುಷಾ ಎನ್. ಶೆಟ್ಟಿ ಅವರಿಗೆ ಸಲ್ಲುತ್ತದೆ.
ಹಾಲಿವುಡ್ ಸಿನೆಮಾ “ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ 8’ನ್ನು ಈಗ ನೀವು ಕನ್ನಡದಲ್ಲಿ ವೀಕ್ಷಿಸಬಹುದು. ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ 8 ಕನ್ನಡದಲ್ಲಿ “ವೇಗ ಮತ್ತು ಉದ್ವೇಗ 8′ ಎಂಬುದಾಗಿ ಡಬ್ಬಿಂಗ್ಗೊಳಿಸಿ ಎ. 14ರಂದು ಬೆಂಗಳೂರಿನಲ್ಲಿ ಬಿಡುಗಡೆಗೊಳಿಸಲಾಗಿದೆ. ಮುಂಬಯಿಯಲ್ಲಿ ಪ್ರಥಮ ಬಾರಿಗೆ ಒಂದು ಹಾಲಿವುಡ್ ಸಿನೆಮಾ ಕನ್ನಡದಲ್ಲಿ ಭಾಷಾಂತರಗೊಂಡಿದೆ. ಈ ಸಿನೆಮಾವನ್ನು ಕನ್ನಡಕ್ಕೆ ಭಾಷಾಂತರಿಸಲು ಡಬ್ಬಿಂಗ್ ನಿರ್ದೇಶನ ನೀಡಿದವರು ಮುಂಬಯಿ ಲೇಖಕರು ಹಾಗೂ ನುರಿತ ಕಂಠದಾನ ಕಲಾವಿದ ಜಯಶೀಲ ಸುವರ್ಣ ಮತ್ತು ಅರುಷಾ ಎನ್. ಶೆಟ್ಟಿ ಅವರಾಗಿದ್ದಾರೆ.
ಬೇರೆ ಭಾಷೆಗಳಿಂದ ಕನ್ನಡಕ್ಕೆ ಡಬ್ ಆಗುವುದರಿಂದ ಕನ್ನಡದ ಬಗ್ಗೆ ಇತರ ಭಾಷೆಯ ಚಲನಚಿತ್ರದವರಿಗೆ ಅರಿವು ಹೆಚ್ಚಾಗುತ್ತದೆ. ಡಬ್ಬಿಂಗ್ನಿಂದಾಗಿ ನಮಗೆ ಅನ್ಯ ಸಂಸ್ಕೃತಿಯ ಒಳಿತು ಕೆಡಕುಗಳನ್ನು ನಮ್ಮ ಭಾಷೆಯಲ್ಲಿ ತಿಳಿದುಕೊಳ್ಳುವ ಅವಕಾಶವಿರುತ್ತದೆ. ಈಗ ಡಬ್ಬಿಂಗ್ ಕನ್ನಡ ಚಿತ್ರರಂಗದಲ್ಲಿ ಕ್ರಾಂತಿಯಾಗಿದ್ದು, ಹಾಲಿವುಡ್ ಮತ್ತು ಇತರ ದೊಡ್ಡ ಸಂಸ್ಥೆಗಳ ಚಿತ್ರಗಳು ಕನ್ನಡಕ್ಕೆ ಡಬ್ ಆದರೆ ಕನ್ನಡದ ವೀಕ್ಷಕರಿಗೆ ಇನ್ನೊಂದು ಆಯ್ಕೆ ಸಿಗುತ್ತದೆ. ವೀಕ್ಷಕರು ಇಂತಹ ಒಳ್ಳೆಯ ಚಿತ್ರಗಳನ್ನು ವೀಕ್ಷಿಸಿ ಪ್ರೋತ್ಸಾಹಿಸಿದರೆ ಇದು ಕನ್ನಡ ಚಿತ್ರರಂಗದಲ್ಲಿ ಒಂದು ಉತ್ತಮ ಪರಿವರ್ತನೆಯಾಗಬಹುದು ಎಂದು ಜಯಶೀಲ ಸುವರ್ಣ ಮತ್ತು ಅರುಷಾ ಶೆಟ್ಟಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ವರದಿ: ರೊನಿಡಾ ಮುಂಬಯಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
Gujarat ಕರಾವಳಿಯಲ್ಲಿ ಪಾಕ್ ಬೋಟ್ ನಿಂದ 600 ಕೋಟಿ ಮೌಲ್ಯದ ಹೆರಾಯಿನ್ ವಶ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !