ನಗರದಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ ಸ್ಥಿರವಾಗಿದೆ: ಬಿಎಂಸಿ

Team Udayavani, Jul 29, 2020, 4:33 PM IST

ಮುಂಬಯಿ, ಜು. 28: ನಗರದಲ್ಲಿ ಕೋವಿಡ್ ವೈರಸ್‌ ಪ್ರಕರಣಗಳು ನಿಂತಿಲ್ಲವಾದರೂ, ಹೊಸ ಸೋಂಕಿತರ ಸಂಖ್ಯೆ ಸ್ಥಿರವಾಗಿದೆ. ಪರೀಕ್ಷಾ ಸಾಮರ್ಥ್ಯ ಹೆಚ್ಚಿದ ಕಾರಣ ಕೋವಿಡ್ ಪಾಸಿಟಿವ್‌ ಪ್ರಕರಣಗಳ ಪ್ರಮಾಣ ಕುಸಿದಿದೆ ಎಂದಿದೆ.

ಬಿಎಂಸಿ ಆರೋಗ್ಯ ಇಲಾಖೆಯ ಅಂಕಿಅಂಶಗಳ ಪ್ರಕಾರ, ಪ್ರಸ್ತುತ ಮುಂಬಯಿಯಲ್ಲಿ ಕೊರೊನಾದ ಸೋಂಕಿನ ದರವು ಶೇ. 20ಕ್ಕಿಂತ ಕಡಿಮೆಯಿದ್ದು, ಅಂದರೆ ಪರೀಕ್ಷಿಸಿದ ಪ್ರತಿ 100 ಮಾದರಿಗಳಲ್ಲಿ 20ಕ್ಕಿಂತ ಕಡಿಮೆ ಪಾಸಿಟಿವ್‌ ಪ್ರಕರಣ ಪತ್ತೆಯಾಗುತ್ತಿದೆ. ಮೇ ತಿಂಗಳಲ್ಲಿ ದರ ಶೇ. 40ರಷ್ಟಿದ್ದರೆ, ಮೇ 22ರಂದು ಅದು ಶೇ. 50ರಷ್ಟು ದಾಟಿದೆ ಎನ್ನಲಾಗಿದೆ. ರೋಗದ ಸಕಾರಾತ್ಮಕ ದರವು ಕಡಿಮೆಯಾಗು ವುದ ರೊಂದಿಗೆ ದ್ವಿಗುಣಗೊಳಿಸುವ ಪ್ರಮಾಣ 67 ದಿನಗಳವರೆಗೆ ಹೆಚ್ಚಾಗಿದೆ.

ಕಳೆದ ಒಂದು ವಾರದಲ್ಲಿ ವೈರಸ್‌ನ ಬೆಳವಣಿಗೆಯ ದರವೂ ಶೇ. 1.03 ಕ್ಕೆ ಇಳಿದಿದೆ. ಕಳೆದ 5 ದಿನಗಳ ಪ್ರಕರಣಗಳ ವಿಶ್ಲೇಷಣೆಯು ಜುಲೈ 21 ರಿಂದ 25 ರವರೆಗೆ ಮುಂಬಯಿಯಲ್ಲಿ 35,742 ಪರೀಕ್ಷೆಗಳನ್ನು ನಡೆಸಿದೆ ಎಂದು ತೋರಿಸುತ್ತದೆ. ಈ ಅವ  ಯಲ್ಲಿ, 5,273 ಜನರು ಸಕಾರಾತ್ಮಕವಾಗಿ ಕಂಡು ಬಂದಿದ್ದಾರೆ. ಇದು ಸರಾಸರಿ 15 ಪ್ರತಿಶತದಷ್ಟು ಸಕಾರಾತ್ಮಕತೆಯಿಂದ ಕೂಡಿದೆ.

ಸಕಾರಾತ್ಮಕ ದರದಲ್ಲಿ ಇಳಿಕೆ ಕಂಡುಬಂದರೆ, ಬೆಳವಣಿಗೆಯ ದರದಲ್ಲಿನ ಇಳಿಕೆ ಮತ್ತು ಚೇತರಿಕೆ ದರದಲ್ಲಿ ಹೆಚ್ಚಳ ಕಂಡುಬಂದರೆ ಅದನ್ನು ಸಕಾರಾತ್ಮಕ ಚಿಹ್ನೆ ಎಂದು ಪರಿಗಣಿಸಬಹುದು ಎಂದು ತಜ್ಞರು ಹೇಳಿದ್ದಾರೆ. ಆದಾಗ್ಯೂ ಜನರು ಇನ್ನೂ ಬಹಳ ಜಾಗರೂಕರಾಗಿರಬೇಕು ಮತ್ತು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು ಎಂದು ತಜ್ಞರು ತಿಳಿಸಿದ್ದಾರೆ. ಬಿಎಂಸಿ ಆರೋಗ್ಯ ಇಲಾಖೆಯ ಹೆಚ್ಚುವರಿ ಮುನ್ಸಿಪಲ್‌ ಕಮಿಷನರ್‌ ಸುರೇಶ್‌ ಕಾಕಾನಿ, ಮಹಾನಗರದಲ್ಲಿ ಗರಿಷ್ಠ ಪರೀಕ್ಷೆಯನ್ನು ಹೆಚ್ಚಿಸಲು, ವೈದ್ಯಕೀಯ ಸಲಹೆಯಿಲ್ಲದೆ ಎಲ್ಲರಿಗೂ ಪರೀಕ್ಷೆಗೆ ಅವಕಾಶ ನೀಡುವಂತೆ ನಾವು ಪರೀಕ್ಷಾ ನೀತಿಯನ್ನು ಬದಲಾಯಿಸಿದ್ದೇವೆ ಎಂದು ಹೇಳಿದರು.

ಕೊರೊನಾದ ಬಗ್ಗೆ ಹೆಚ್ಚಿನ ಅರಿವು ಪರಿಣಾಮವನ್ನು ತೋರಿಸಲಾರಂಭಿಸಿದೆ. ಹೊಸ ರೋಗಿಗಳ ಸಂಖ್ಯೆ ಕಡಿಮೆಯಾಗಲು ಪ್ರಾರಂಭಿಸಿದೆ. ಆಸ್ಪತ್ರೆಗಳಲ್ಲಿ ಪ್ರತಿದಿನ ದಾಖಲಾದ ರೋಗಿಗಳಿಗಿಂತ ಹೆಚ್ಚಿನ ಜನರು ಡಿಸಾcರ್ಜ್‌ ಆಗುತ್ತಿದ್ದಾರೆ. ಬಿಎಂಸಿ ಅಂಕಿಅಂಶಗಳ ಪ್ರಕಾರ, ಜುಲೈ 23 ಮತ್ತು 27 ರ ನಡುವೆ ಮುಂಬಯಿಯಲ್ಲಿ 5,557 ಹೊಸ ರೋಗ ಪ್ರಕರಣಗಳು ದಾಖಲಾಗಿವೆ. ಅದೇ ಸಮಯದಲ್ಲಿ, 6,826 ಜನರು ಚೇತರಿಸಿಕೊಂಡು ಮನೆಗೆ ತೆರಳಿದ್ದಾರೆ. ಮುಂಬಯಿಯಲ್ಲಿ ಸೋಮವಾರ 1,033 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಚಿಕಿತ್ಸೆಯಿಂದ ಚೇತರಿಸಿಕೊಂಡ ನಂತರ 1,706 ಜನರನ್ನು ಮನೆಗೆ ಕಳುಹಿಸಲಾಗಿದೆ. ಸೋಮವಾರ ರಾಜ್ಯಾದ್ಯಂತ 7,924 ಹೊಸ ಪ್ರಕರಣಗಳು ದಾಖಲಾಗಿವೆ. 8,706 ಕ್ಕೂ ಹೆಚ್ಚು ಜನರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.