All England Badminton: ಚಿರಾಗ್-ಸಾತ್ವಿಕ್ ನಿರ್ಗಮನ
Team Udayavani, Mar 16, 2024, 12:14 AM IST
ಬರ್ಮಿಂಗ್ಹ್ಯಾಮ್: ಇತ್ತೀಚಿನ ಟೂರ್ನಿಗಳಲ್ಲಿ ಪ್ರಚಂಡ ಫಾರ್ಮ್ ಪ್ರದರ್ಶಿ ಸುತ್ತ ಬಂದಿದ್ದ ವಿಶ್ವದ ನಂ. 1ಜೋಡಿ ಚಿರಾಗ್ ಶೆಟ್ಟಿ- ಸಾತ್ವಿಕ್ ಸಾಯಿರಾಜ್ ರಾಂಕಿ ರೆಡ್ಡಿ ಜೋಡಿ “ಆಲ್ ಇಂಗ್ಲೆಂಡ್ ಬ್ಯಾಡ್ಮಿಂ ಟನ್’ ಪಂದ್ಯಾವಳಿಯಿಂದ ಬಹಳ ಬೇಗ ನಿರ್ಗಮಿಸಿದೆ. ಪುರುಷರ ಡಬಲ್ಸ್ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಇಂಡೋ ನೇಷ್ಯಾದ ಮೊಹಮ್ಮದ್ ಶೋಯಿಬುಲ್ ಫಿಕ್ರಿ-ಬಗಾಸ್ ಮೌಲಾನಾ ಸೇರಿಕೊಂಡು ಭಾರತೀಯ ಜೋಡಿಯನ್ನು 21-16, 21-15 ಅಂತರದಿಂದ ಹಿಮ್ಮೆಟ್ಟಿಸಿದರು.
2022ರ ಚಾಂಪಿಯನ್ ಆಗಿರುವ ಚಿರಾಗ್-ಸಾತ್ವಿಕ್ ಕೆಲವು ದಿನಗಳ ಹಿಂದಷ್ಟೇ ಫ್ರೆಂಚ್ ಓಪನ್ ಕಿರೀಟ ಏರಿಸಿಕೊಂಡ ಖುಷಿಯಲ್ಲಿದ್ದರು. ಆದರೆ ಈ ಪ್ರತಿಷ್ಠಿತ ಕೂಟದಲ್ಲಿ ಇವರ ಆಟ ಸಾಗಲಿಲ್ಲ.
ವನಿತಾ ವಿಭಾಗದಲ್ಲೂ ಭಾರತಕ್ಕೆ ನಿರಾಸೆ ಎದುರಾಗಿದೆ. ಅಶ್ವಿನಿ ಪೊನಪ್ಪ- ತನಿಶಾ ಕ್ರಾಸ್ಟೊ ಕೂಡ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಸೋಲನುಭವಿಸಿದ್ದಾರೆ. ಇವರನ್ನು ಚೀನದ ಜಾಂಗ್ ಶು ಕ್ಸಿಯಾನ್-ಜೆಂಗ್ ಯು ಜೋಡಿ 11-21, 21-11, 21-11 ಅಂತರದಿಂದ ಹಿಮ್ಮೆಟ್ಟಿಸಿತು.
ಇದಕ್ಕೂ ಮುನ್ನ ಪಿ.ವಿ. ಸಿಂಧು ಪರಾಭವಗೊಂಡಿದ್ದರು. ಪುರುಷರ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿರುವ ಲಕ್ಷ್ಯ ಸೇನ್ ಭರವಸೆ ಯಾಗಿ ಉಳಿದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Archery World Cup: ಭಾರತದ ರಿಕರ್ವ್ ತಂಡಕ್ಕೆ 14 ವರ್ಷಗಳ ಬಳಿಕ ಬಂಗಾರ
IPL; ಹೈದರಾಬಾದ್ ಎದುರು ಚೆನ್ನೈ ಗೆ 78 ರನ್ಗಳ ಅಮೋಘ ಜಯ
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
IPL 2024; ಗುಜರಾತ್ ಗೆ ಆರ್ ಸಿಬಿ ಸವಾಲು: ತಂಡಕ್ಕೆ ಮರಳಿದ ಗ್ಲೆನ್ ಮ್ಯಾಕ್ಸವೆಲ್