China Masters 2023; ಸಾತ್ವಿಕ್‌-ಚಿರಾಗ್‌ ಜೋಡಿ ಪರಾಭವ

Team Udayavani, Nov 26, 2023, 11:27 PM IST

ಶೆಂಜೆನ್‌ (ಚೀನ): ಅಗ್ರ ಶ್ರೇಯಾಂಕಿತ ಭಾರತೀಯ ಆಟಗಾರರಾದ ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ-ಚಿರಾಗ್‌ ಶೆಟ್ಟಿ “ಚೀನ ಮಾಸ್ಟರ್’ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯ ಪುರುಷರ ಡಬಲ್ಸ್‌ ಫೈನಲ್‌ನಲ್ಲಿ ಪರಾಭವಗೊಂಡು ನಿರಾಸೆ ಅನುಭವಿಸಿದರು. ಆತಿಥೇಯ ಚೀನದ ನಂ.1 ರ್‍ಯಾಂಕಿಂಗ್‌ನ ಲಿಯಾಂಗ್‌ ವೀ ಕೆಂಗ್‌-ವಾಂಗ್‌ ಚಾಂಗ್‌ ವಿರುದ್ಧ ದಿಟ್ಟ ಹೋರಾಟ ನೀಡಿಯೂ ಗೆಲುವು ಕಾಣಲು ವಿಫ‌ಲರಾದರು.

ಇದು 3 ಗೇಮ್‌ಗಳ ದಿಟ್ಟ ಹೋರಾಟವಾಗಿತ್ತು. ಮೂರೂ ಗೇಮ್‌ ಸಣ್ಣ ಅಂತರದ ಫ‌ಲಿತಾಂಶವನ್ನು ಕಂಡಿತು. 21-19, 18-21, 21-19 ಅಂತರದಿಂದ ವೀ ಕೆಂಗ್‌-ಚಾಂಗ್‌ ಗೆಲುವು ಸಾಧಿಸಿದರು. ಒಂದು ಗಂಟೆ, 11 ನಿಮಿಷಗಳ ತನಕ ಇವರ ಹೋರಾಟ ಸಾಗಿತು.

ಭಾರತದ ಈ ಚಾಂಪಿಯನ್‌ ಶಟ್ಲರ್ ಹಾಂಗ್‌ಝೂ ಏಷ್ಯಾಡ್‌ನ‌ಲ್ಲಿ ಚಿನ್ನದ ಪದಕ ಜಯಿಸಿದ ಸಾಧನೆಗೈದಿದ್ದರು. ಆದರೆ ಪ್ರಸಕ್ತ ಋತುವಿನ ದ್ವಿತೀಯ “ಬಿಡಬ್ಲ್ಯುಎಫ್ ಸೂಪರ್‌ 750′ ಪ್ರಶಸ್ತಿ ಗೆಲ್ಲಲು ವಿಫ‌ಲರಾದರು.