ಸಿನ್ಸಿನಾಟಿ ಓಪನ್ ಟೆನಿಸ್: ಕೊರಿಕ್, ಕ್ಯಾರೋಲಿನ್ ಗಾರ್ಸಿಯಾ ಜಯ
Team Udayavani, Aug 22, 2022, 11:39 PM IST
ಸಿನ್ಸಿನಾಟಿ: ಕ್ರೊವೇಶಿಯಾದ ಬೋರ್ನ ಕೊರಿಕ್ ಮತ್ತು ಫ್ರಾನ್ಸ್ನ ಕ್ಯಾರೋಲಿನ್ ಗಾರ್ಸಿಯಾ “ಸಿನ್ಸಿನಾಟಿ ಓಪನ್’ ಟೆನಿಸ್ ಪಂದ್ಯಾವಳಿ ಪ್ರಶಸ್ತಿ ಯೊಂದಿಗೆ ಸಂಭ್ರಮಿಸಿದ್ದಾರೆ.
ಪೂರ್ಣ ಸಾಮರ್ಥ್ಯದೊಂದಿಗೆ ಈ ಕೂಟಕ್ಕೆ ಅಣಿಯಾಗಿ ಬಂದಿದ್ದ ಬೋರ್ನ ಕೊರಿಕ್ ಗ್ರೀಕ್ನ ದೈತ್ಯ ಆಟ ಗಾರ ಸ್ಟೆಫನಸ್ ಸಿಸಿಪಸ್ ಅವರನ್ನು 7-6 (7-0), 6-2 ನೇರ ಸೆಟ್ಗಳಿಂದ ಹಿಮ್ಮೆಟ್ಟಿಸಿದರು.
ವನಿತಾ ಸಿಂಗಲ್ಸ್ನಲ್ಲಿ ಅರ್ಹತಾ ಸುತ್ತಿನಿಂದ ಬಂದ ಕ್ಯಾರೋಲಿನ್ ಗಾರ್ಸಿಯಾ ಜೆಕ್ ಗಣರಾಜ್ಯದ ಪೆಟ್ರಾ ಕ್ವಿಟೋವಾ ಅವರಿಗೆ 6-2, 6-4 ಅಂತರದ ಸೋಲುಣಿಸಿದರು.
ಭರ್ಜರಿ ಪುನರಾಗಮನ
ಭುಜದ ನೋವಿನಿಂದ 8 ತಿಂಗಳ ಕಾಲ ವಿಶ್ರಾಂತಿಯಲ್ಲಿದ್ದ ಬೋರ್ನ ಕೊರಿಕ್ ತಮ್ಮ ಪುನರಾಗಮನವನ್ನು ಭರ್ಜರಿಯಾಗಿ ಸಾರಿದರು. ಮುಂದಿನ “ಯುಎಸ್ ಓಪನ್’ನಲ್ಲಿ ಎದುರಾಳಿಗಳ ಪಾಲಿಗೆ ಎಚ್ಚರಿಕೆಯ ಗಂಟೆ ಬಾರಿಸಿದರು.
ಇದು 2018ರ ಬಳಿಕ ಬೋರ್ನ ಕೊರಿಕ್ ಗೆದ್ದ ಮೊದಲ ಟೆನಿಸ್ ಪ್ರಶಸ್ತಿ. ಈ ಜಯದೊಂದಿಗೆ ವಿಶ್ವ ರ್ಯಾಂಕಿಂಗ್ನಲ್ಲಿ ಅವರು 29ನೇ ಸ್ಥಾನಕ್ಕೆ ನೆಗೆದರು. ಹೀಗಾಗಿ ಯುಎಸ್ ಓಪನ್ನಲ್ಲಿ ಇವರಿಗೆ ಶ್ರೇಯಾಂಕವೊಂದು ಲಭಿಸಿದಂತಾಯಿತು.
ದ್ವಿತೀಯ ಸುತ್ತಿನಲ್ಲಿ ದೈತ್ಯ ಆಟ ಗಾರ ರಫೆಲ್ ನಡಾಲ್ ಅವರನ್ನು ಮಣಿಸಿದಾಗಲೇ ಬೋರ್ನ ಕೊರಿಕ್ ಅಪಾಯಕಾರಿಯಾಗಿ ಗೋಚರಿಸಿದ್ದರು. ಇದು ನಿಜವಾಯಿತು. ಆದರೆ ತಾನಿಲ್ಲಿ ಚಾಂಪಿಯನ್ ಆಗಲಿದ್ದೇನೆಂದು ನಿರೀಕ್ಷಿ ಸಿರಲೇ ಇಲ್ಲ ಎಂಬುದು ಕೊರಿಕ್ ಪ್ರತಿಕ್ರಿಯೆ.
ಸೆಮಿಫೈನಲ್ನಲ್ಲಿ ನಂ.1 ಆಟಗಾರ ಡ್ಯಾನಿಲ್ ಮೆಡ್ವೆಡೇವ್ ಅವರನ್ನು ಮಣಿಸಿ ಬಂದಿದ್ದ ಸಿಸಿಪಸ್ ಆರಂಭದಲ್ಲಿ ಉತ್ತಮ ಲಯದಲ್ಲಿದ್ದರು. ಕೊರಿಕ್ ವಿರುದ್ಧ 4-1 ಮುನ್ನಡೆಯಲ್ಲಿದ್ದಾಗ ಮೊದಲ ಸೆಟ್ ಗೆಲ್ಲುವ ಉತ್ತಮ ಅವಕಾಶವಿತ್ತು. ಆದರೆ ಕೊರಿಕ್ ತಿರುಗಿ ಬಿದ್ದಾಗ ಸಿಸಿಪಸ್ ಆಟ ನಡೆಯಲಿಲ್ಲ.
ಗಾರ್ಸಿಯಾ ದಾಖಲೆ
ಕ್ಯಾರೋಲಿನ್ ಗಾರ್ಸಿಯಾ ಅವರದು ಅಮೋಘ ಸಾಧನೆ. ಅವರು ಅರ್ಹತಾ ಸುತ್ತಿನಿಂದ ಬಂದು ಡಬ್ಲ್ಯುಟಿಎ ಟೂರ್-1000 ಪ್ರಶಸ್ತಿ ಗೆದ್ದ ವಿಶ್ವದ ಮೊದಲ ಆಟಗಾರ್ತಿ.
ಮರಿಯಾ ಸಕ್ಕರಿ, ಅರಿನಾ ಸಬಲೆಂಕಾ, ಜೆಸ್ಸಿಕಾ ಪೆಗುಲಾ-ಹೀಗೆ ಮೂರು ಮಂದಿ ಟಾಪ್-10 ಆಟಗಾರ್ತಿಯರನ್ನು ಮಣಿಸಿದ ಬಳಿಕ, ಫೈನಲ್ನಲ್ಲಿ ಎರಡು ಬಾರಿಯ ವಿಂಬಲ್ಡನ್ ಚಾಂಪಿಯನ್ ಪೆಟ್ರಾ ಕ್ವಿಟೋವಾ ಅವರನ್ನು ಹಿಮ್ಮೆಟ್ಟಿಸಿದ ಸಾಧನೆ ಗಾರ್ಸಿಯಾ ಅವರದು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Namma Metro: ಮೆಟ್ರೋ ನಿಲ್ದಾಣಗಳ ಪಾದಚಾರಿ ಮಾರ್ಗಕ್ಕಿಲ್ಲ ಮುಕ್ತಿ
Chamarajanagara: ಇಂಡಿಗನತ್ತದಲ್ಲಿ ಮರುಮತದಾನ ಆರಂಭ
Food Poison; ಚಿಕನ್ ಶವರ್ಮಾ ಸೇವಿಸಿ ಆಸ್ಪತ್ರೆಗೆ ದಾಖಲಾದ 12 ಜನರು
ಮೀಸಲಾತಿ ಕುರಿತ ಅಮಿತ್ ಶಾ ಹೇಳಿಕೆಯ ನಕಲಿ ವಿಡಿಯೋ ವೈರಲ್… FIR ದಾಖಲು
Srinivas Prasad: ದ. ಕರ್ನಾಟಕದ ʼದಲಿತ ಸೂರ್ಯʼ ಎಂದು ಖ್ಯಾತರಾಗಿದ್ದ ಶ್ರೀನಿವಾಸ ಪ್ರಸಾದ್