Cincinnati Open ಟೆನಿಸ್; ಕ್ವಾರ್ಟರ್ ಫೈನಲ್ಗೆ ಜೊಕೋ, ಅಲ್ಕರಾಜ್
Team Udayavani, Aug 18, 2023, 11:43 PM IST
ಸಿನ್ಸಿನಾಟಿ: ಫ್ರಾನ್ಸ್ನ ಗೇಲ್ ಮಾನ್ಫಿಲ್ಸ್ ಅವರನ್ನು ಸುಲಭದಲ್ಲಿ ಸೋಲಿಸಿದ ನೊವಾಕ್ ಜೊಕೋವಿಕ್ “ಸಿನ್ಸಿನಾಟಿ ಓಪನ್’ ಟೆನಿಸ್ ಪಂದ್ಯಾವಳಿಯ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಇನ್ನೊಂದು ಪಂದ್ಯದಲ್ಲಿ ನಂ.1 ಖ್ಯಾತಿಯ ಕಾರ್ಲೋಸ್ ಅಲ್ಕರಾಜ್ ಅಮೆರಿಕದ ಟಾಮಿ ಪೌಲ್ ಅವರನ್ನು ಪರಾಭವಗೊಳಿಸಿದರು.
23 ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಗಳ ಒಡೆಯನಾಗಿರುವ ನೊವಾಕ್ ಜೊಕೋವಿಕ್ 6-3, 6-2 ಅಂತರದಿಂದ ಗೇಲ್ ಮಾನ್ಫಿಲ್ಸ್ಗೆ ಸೋಲುಣಿಸಿದರು. ಇದರೊಂದಿಗೆ ಮಾನ್ಫಿಲ್ಸ್ ವಿರುದ್ಧ ಆಡಿದ ಎಲ್ಲ 19 ಪಂದ್ಯಗಳಲ್ಲೂ ಜೊಕೋ ಗೆದ್ದು ಬಂದಂತಾಯಿತು.
ಕ್ವಾರ್ಟರ್ ಫೈನಲ್ನಲ್ಲಿ ಜೊಕೋವಿಕ್ ಎದುರಾಳಿ ಅಮೆರಿಕದ ಟೇಲರ್ ಫ್ರಿಟ್ಜ್. ಮೊದಲ ಸೆಟ್ ವೇಳೆ ಸರ್ಬಿಯಾದ ಡುಸಾನ್ ಲಾಜೋವಿಕ್ ಗಾಯಾಳಾಗಿ ಹಿಂದೆ ಸರಿದ ಕಾರಣ ಟೇಲರ್ ಫ್ರಿಟ್ಜ್ ಅವರಿಗೆ ವಾಕ್ಓವರ್ ಲಭಿಸಿತು.
ಅಲ್ಕರಾಜ್ ಹೋರಾಟ
ಟಾಮಿ ಪೌಲ್ ವಿರುದ್ಧ ಮೇಲುಗೈ ಸಾಧಿಸಲು ಕಾರ್ಲೋಸ್ ಅಲ್ಕರಾಜ್ 3 ಸೆಟ್ಗಳ ಕಠಿನ ಹೋರಾಟ ನಡೆಸಬೇಕಾಯಿತು. ಇದರಲ್ಲಿ ಮೊದಲೆರಡು ಸೆಟ್ ಟೈ ಬ್ರೇಕರ್ಗೆ ವಿಸ್ತರಿಸಲ್ಪಟ್ಟಿತ್ತು. ಅಲ್ಕರಾಜ್ ಗೆಲುವಿನ ಅಂತರ 7-6 (8-6), 6-7 (0-7), 6-3. ಇದರೊಂದಿಗೆ ಟಾಮಿ ಪೌಲ್ ವಿರುದ್ಧ ಸತತ 2 ಸೋಲಿನ ಸಂಕಟದಿಂದ ಅಲ್ಕರಾಜ್ ಪಾರಾದರು. ಈ ತಿಂಗಳ ಆರಂಭದಲ್ಲಿ ನಡೆದ ಟೊರೊಂಟೊ ಪಂದ್ಯಾವಳಿಯಲ್ಲಿ ಅಲ್ಕರಾಜ್ ಅವರನ್ನು ಪೌಲ್ ಪರಾಭವಗೊಳಿಸಿದ್ದರು.
ಅಲ್ಕರಾಜ್ ಅವರ ಕ್ವಾರ್ಟರ್ ಫೈನಲ್ ಎದುರಾಳಿ ಮ್ಯಾಕ್ಸ್ ಪರ್ಸೆಲ್. ಕಾಂಗರೂ ನಾಡಿನ ಟೆನಿಸಿಗ ಸ್ವಿಜರ್ಲೆಂಡ್ನ ಸ್ಟಾನಿಸ್ಲಾಸ್ ವಾವ್ರಿಂಕ ಅವರಿಗೆ 6-4, 6-2 ಅಂತರದ ಸೋಲುಣಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kalaburagi; ಸೋಲಿನ ಭಯದಿಂದ ಎಐಸಿಸಿ ಅಧ್ಯಕ್ಷ ಖರ್ಗೆ ಕಲಬುರಗಿಯಲ್ಲೇ ಠಿಕಾಣಿ: ಉಮೇಶ ಜಾಧವ್
Ramanagara: ಪ್ರವಾಸಕ್ಕೆ ಬಂದಿದ್ದ ಐವರು ವಿದ್ಯಾರ್ಥಿಗಳು ನೀರುಪಾಲು
Sirsi: ಮನವಿ ಕೊಟ್ಟ ವಾರದೊಳಗೇ ಕೆಲಸ ಶುರು… 26 ಗುಂಟೆ ಕೆರೆಗೆ ಜೀರ್ಣೋದ್ದಾರ ಭಾಗ್ಯ
Father; ಚಂದ್ರು ನಿರ್ಮಾಣದ ‘ಫಾದರ್’ ಚಿತ್ರಕ್ಕೆ ಮುಹೂರ್ತ
Thirthahalli: ಇದು ಪಿಕ್ ಪ್ಯಾಕೆಟ್ ಸರ್ಕಾರ… ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಹೇಳಿಕೆ