ಚಾಲನೆ ವೇಳೆ ಮೊಬೈಲ್ ಬಳಕೆ:ಬೇಕ್ಹ್ಯಾಮ್ಗೆ ಡ್ರೈವಿಂಗ್ ನಿಷೇಧ
Team Udayavani, May 10, 2019, 6:00 AM IST
ಲಂಡನ್: ಇಂಗ್ಲೆಂಡಿನ ಮಾಜಿ ಫುಟ್ಬಾಲಿಗ ಡೇವಿಡ್ ಬೇಕ್ಹ್ಯಾಮ್ 6 ತಿಂಗಳ ವಾಹನ ಚಾಲನೆ ನಿಷೇಧಕ್ಕೊಳಗಾಗಿದ್ದಾರೆ. ಕಾರಣ, ವಾಹನ ಚಲಾಯಿಸುತ್ತಿರುವಾಗ ಮೊಬೈಲ್ ಬಳಸಿದ್ದು!
44ರ ಹರೆಯದ ಬೇಕ್ಹ್ಯಾಮ್ ಕಳೆದ ವರ್ಷ ನ. 21ರಂದು ಲಂಡನ್ ರಸ್ತೆಯಲ್ಲಿ ತಮ್ಮ ‘ಬೆಂಟ್ಲಿ’ ಕಾರನ್ನು ಚಲಾಯಿಸುತ್ತಿರುವಾಗ ಮೊಬೈಲ್ ಬಳಸಿದ್ದರು. ಇದನ್ನು ಸಾರ್ವ ಜನಿಕರೊಬ್ಬರು ಗಮನಿಸಿ ದೂರು ಸಲ್ಲಿಸಿದ್ದರು.
ಮ್ಯಾಂಚೆಸ್ಟರ್ ಯುನೈಟೆಡ್ ಮತ್ತು ರಿಯಲ್ ಮ್ಯಾಡ್ರಿಡ್ನ ಮಾಜಿ ಫುಟ್ಬಾ ಲಿಗನೂ ಆಗಿರುವ ಬೇಕ್ಹ್ಯಾಮ್ ಈ ಘಟನೆಯ ಸಂಬಂಧ ದಕ್ಷಿಣ ಲಂಡನ್ನಿನ ಬ್ರೋಮ್ಲಿ ಕ್ಯಾಜಿಸ್ಟ್ರೇಟ್ಸ್ ಕೋರ್ಟ್ ನಲ್ಲಿ ವಿಚಾರಣೆ ಎದುರಿಸುತ್ತಿದ್ದರು. ಈಗ 6 ತಿಂಗಳ ಡ್ರೈವಿಂಗ್ ನಿಷೇಧ ತೀರ್ಪು ಹೊರಬಿದ್ದಿದೆ.
ಬೇಕ್ಹ್ಯಾಮ್ ಇಂಥ ಎಡವಟ್ಟು ಮಾಡಿಕೊಂಡದ್ದು ಇದೇ ಮೊದಲಲ್ಲ. 2018ರ ಜನವರಿಯಲ್ಲಿ ಲಂಡನ್ನಿನ 40 ಕಿ.ಮೀ. ಚಾಲನಾ ವಲಯದಲ್ಲಿ 95 ಕಿ.ಮೀ. ವೇಗದಲ್ಲಿ ಕಾರು ಓಡಿಸಿ ಭಾರೀ ದಂಡ ತೆತ್ತಿದ್ದರು.