ಬಟ್ಟೆ ವ್ಯಾಪಾರದಿಂದಲೇ ಮಗಳನ್ನು ಕುಸ್ತಿಪಟು ಮಾಡಿದ !
Team Udayavani, Mar 27, 2017, 3:41 PM IST
ಅಂಬಾಲ (ಹರಿಯಾಣ): ಬಟ್ಟೆ ಮಾರಿಯೇ ಮಗಳನ್ನು ಕುಸ್ತಿಪಟು ಮಾಡಿದ ಅಪ್ಪನೊಬ್ಬನ ಸಾಹಸಮಯ ಕತೆ ಇದು. ಹರ್ಯಾಣದ ಅಂಬಾಲದಿಂದ ಇಂಥದೊಂದು ಸುದ್ದಿ ಬೆಳಕಿಗೆ ಬಂದಿದೆ. ಮಗಳ ಹೆಸರು ದಿವ್ಯಾ. ಪ್ರಸ್ತುತ ಭಾರತ್ ಕೇಸರಿ ದಂಗಲ್ ರಾಷ್ಟ್ರೀಯ ಕುಸ್ತಿ ಚಿನ್ನದ ಪದಕ ವಿಜೇತೆ. ಈ ಪ್ರಶಸ್ತಿಯೊಂದಿಗೆ ದಿವ್ಯಾ 10 ಲಕ್ಷ ರೂ. ಗೆದ್ದಿದ್ದಾರೆ.
ಬಟ್ಟೆ ಮಾರಿ ನೆರವು
ದಿವ್ಯಾಳ ತಂದೆ ಹೆಸರು ಸೂರಜ್ ಕಾಕರನ್. ಮಗಳ ದೊಡ್ಡ ಮಟ್ಟದ ಸಾಧನೆ ಹಿಂದೆ ತಂದೆಯ ಭಾರೀ ಶ್ರಮವಿದೆ ಎನ್ನುವುದು ಇಲ್ಲಿ ಗಮನಿಸ ಬೇಕಾದ ಅಂಶ. ಸೂರಜ್ ಕೂಡ ಒಂದು ಕಾಲದಲ್ಲಿ ಕುಸ್ತಿಪಟುವಾಗುವ ಕನಸು ಕಂಡಿದ್ದರಂತೆ. ಆದರೆ ಅದು ನನಸಾಗಿರಲಿಲ್ಲ. ಹೀಗಂತೆ ಸೂರಜ್ ಕೊರಗುತ್ತ ಕೂರಲಿಲ್ಲ. ಮತ್ತೆ ತಮ್ಮ ಹಳ್ಳಿಗೆ ಬಂದರು. ಹಾಲಿನ ವ್ಯಾಪಾರ ಶುರು ಮಾಡಿದರು. ಬಹಳ ಸಮಯ ಇದು ಕೂಡ ಕ್ಲಿಕ್ ಆಗಲಿಲ್ಲ. ಅನಂತರ ಹೊಸದಿಲ್ಲಿಗೆ ತೆರಳಿದ ಸೂರಜ್ ಕುಟುಂಬ ಕೆಲಸಕ್ಕಾಗಿ ಹುಡುಕಾಟ ನಡೆಸಿತು.
ಈ ವೇಳೆ ಹೆಣ್ಣು ಮಗು ಜನಿಸಿತು. ಅದಕ್ಕೆ ದಿವ್ಯಾ ಎಂದು ಹೆಸರಿಟ್ಟರು. ಕುಟುಂಬ ನಿರ್ವಹಣೆಗಾಗಿ ತಂದೆ ಬಟ್ಟೆ ಮಾರುವ ಕೆಲಸಕ್ಕೆ ಕೈ ಹಾಕಿದರು. ಎಲ್ಲಿ ಕುಸ್ತಿ ನಡೆಯುತ್ತದೋ ಅಲ್ಲಲ್ಲಿ ತಂದೆ ಬಟ್ಟೆ ವ್ಯಾಪಾರ ನಡೆಸುತ್ತಿದ್ದರು. ಒಂದು ದಿನ ಸೂರಜ್ ಗೀತಾ ಪೋಗಟ್ ಜೀವನನ ಚರಿತ್ರೆಯ ಬಗ್ಗೆ ಪತ್ರಿಕೆಯಲ್ಲಿ ಓದಿದರು. ತನ್ನ ಮಗಳೇಕೆ ಅಂತಹ ಸಾಧನೆ ಮಾಡಬಾರದು ಎಂದು ನಿರ್ಧರಿಸಿ ಮಗಳಿಗೆ ಸೂಕ್ತ ಪ್ರೋತ್ಸಾಹ ನೀಡಿ ಬೆಳೆಸಿದರು.
ಹುಡುಗರ ಜತೆ ಹೋರಾಡಿ ಗೆದ್ದಳು!
ಗೀತಾ ಪೋಗಟ್ ಕುಸ್ತಿ ಕಲಿಕೆಯ ಆರಂಭದ ದಿನಗಳಲ್ಲಿ ಹುಡುಗರೊಂದಿಗೆ ಸ್ಪರ್ಧಿಸಿ ಅಭ್ಯಾಸ ನಡೆಸಿ ಗೆದ್ದಿದ್ದರು. ಮೇರಿ ಕೋಮ್ ಕೂಡ ಇಂಥದೇ ಸಾಧನೆ ಮಾಡಿದ್ದರು. ಅಂತೆಯೇ ದಿವ್ಯಾ ಕೂಡ ಹುಡುಗರೊಂದಿಗೆ ಸೆಣಸಾಟ ನಡೆಸಿ ಅನೇಕ ಪಂದ್ಯಗಳಲ್ಲಿ ಗೆದ್ದಿದ್ದಾರೆ. ಹುಡುಗರ ಜತೆಗೆ ಆಡಿದ ಬಹುತೇಕ ಎಲ್ಲ ಪಂದ್ಯಗಳಲ್ಲಿ ವಿಜೇತರಾಗಿದ್ದಾರೆ. 30 ಲಕ್ಷ ರೂ. ಪಡೆದಿದ್ದಾರೆ. ಇದು ಅವರ ಜೀವನದ ದಿಕ್ಕನ್ನೇ ಬದಲಿಸಿತು.
‘ಭವಿಷ್ಯದಲ್ಲಿ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಿ ಪದಕ ಗೆಲ್ಲಬೇಕು ಎನ್ನುವ ಬಹು ದೊಡ್ಡ ಕನಸಿದೆ. ಸಾಕ್ಷಿ ಮಲಿಕ್ ಸಾಧನೆಯನ್ನು ಮೀರಿಸಿದ ಸಾಧನೆ ಮಾಡಲು ಪ್ರಯತ್ನಿಸುವೆ’
– ದಿವ್ಯಾ, ಭಾರತ್ ಕೇಸರಿ ವಿಜೇತ ಕುಸ್ತಿಪಟು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Ramanagara: ಪ್ರವಾಸಕ್ಕೆ ಬಂದಿದ್ದ ಐವರು ವಿದ್ಯಾರ್ಥಿಗಳು ನೀರುಪಾಲು
Sirsi: ಮನವಿ ಕೊಟ್ಟ ವಾರದೊಳಗೇ ಕೆಲಸ ಶುರು… 26 ಗುಂಟೆ ಕೆರೆಗೆ ಜೀರ್ಣೋದ್ದಾರ ಭಾಗ್ಯ
Father; ಚಂದ್ರು ನಿರ್ಮಾಣದ ‘ಫಾದರ್’ ಚಿತ್ರಕ್ಕೆ ಮುಹೂರ್ತ
Thirthahalli: ಇದು ಪಿಕ್ ಪ್ಯಾಕೆಟ್ ಸರ್ಕಾರ… ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಹೇಳಿಕೆ
Hassan ಆಕ್ಷೇಪಾರ್ಹ ವಿಡಿಯೋ ಪ್ರಕರಣ: ಜೆಡಿಎಸ್ ಪಕ್ಷದಿಂದ ಪ್ರಜ್ವಲ್ ರೇವಣ್ಣ ಉಚ್ಛಾಟನೆ