![Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ](https://www.udayavani.com/wp-content/uploads/2024/07/chikka-415x229.jpg)
ಸತತ 4ನೇ ಬಾರಿ ಮಂಗಳೂರು ವಿ.ವಿ. ಚಾಂಪಿಯನ್
80ನೇ ಅಂತರ್ ವಿ.ವಿ. ಕ್ರೀಡಾಕೂಟ: ಆಳ್ವಾಸ್ ಆ್ಯತ್ಲೀಟ್ಗಳದೇ ಪಾರಮ್ಯ
Team Udayavani, Jan 7, 2020, 6:30 AM IST
![champion](https://www.udayavani.com/wp-content/uploads/2020/01/champion-620x277.jpg)
ಮೂಡುಬಿದಿರೆ: ಸ್ವರಾಜ್ಯ ಮೈದಾನದಲ್ಲಿ ಸೋಮವಾರ ಮುಕ್ತಾಯಗೊಂಡ 80ನೇ ಅ.ಭಾ. ಅಂತರ್ ವಿ.ವಿ. ಆ್ಯತ್ಲೆಟಿಕ್ ಕೂಟದಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯ ಸಮಗ್ರ ಚಾಂಪಿಯನ್ಶಿಪ್ ಗೆಲ್ಲುವ ಮೂಲಕ ಸತತ 4ನೇ ಬಾರಿ ಈ ಸಾಧನೆಗೈದು ದಾಖಲೆ ನಿರ್ಮಿಸಿದೆ.
ಮಂಗಳೂರು ವಿ.ವಿ. 170 ಅಂಕ ಗಳಿಸಿ ಅಗ್ರಸ್ಥಾನ ಪಡೆಯಿತು. 98.5 ಅಂಕ ಗಳಿಸಿದ ಚೆನ್ನೈಯ ಮದ್ರಾಸ್ ವಿ.ವಿ. ದ್ವಿತೀಯ ಹಾಗೂ 80 ಅಂಕ ಪಡೆದ ಕೊಟ್ಟಾಯಂನ ಮಹಾತ್ಮಾ ಗಾಂಧಿ ವಿ.ವಿ. ತೃತೀಯ ಸ್ಥಾನಿಯಾಗಿ ಹೊರಹೊಮ್ಮಿದೆ.
ಕ್ರೀಡಾಕೂಟದಲ್ಲಿ ಒಟ್ಟು 9 ಕೂಟ ದಾಖಲೆಯಾಗಿದ್ದು 4 ಕೂಟ ದಾಖಲೆಗಳನ್ನು ಮಂಗಳೂರು ವಿ.ವಿ. ಕ್ರೀಡಾಳುಗಳೇ ನಿರ್ಮಿಸಿ ದ್ದಾರೆ. ಮಂಗಳೂರು ವಿ.ವಿ. 9 ಚಿನ್ನ, 9 ಬೆಳ್ಳಿ ಹಾಗೂ 5 ಕಂಚಿನ ಪದಕ ಸಹಿತ ಒಟ್ಟು 23 ಪದಕ ಪಡೆದ ಸಾಧನೆ ಮಾಡಿದೆ.
ಅಂತಿಮ ದಿನ ಎರಡು ಕೂಟ ದಾಖಲೆ
ಕೂಟದ ಅಂತಿಮ ದಿನವಾದ ಸೋಮವಾರ ಎರಡು ಕೂಟ ದಾಖಲೆಗಳು ನಿರ್ಮಾಣವಾಗಿವೆ. ಮಹಿಳೆಯರ 1,500 ಮೀ. ಓಟದಲ್ಲಿ ಪಟಿಯಾಲದ ಪಂಜಾಬಿ ವಿ.ವಿ.ಯ ಹರ್ಮಿಲನ್ 4 ನಿ.24.86ಸೆ.ನಲ್ಲಿ ಗುರಿ ಮುಟ್ಟುವ ಮೂಲಕ ಕ್ಯಾಲಿಕಟ್ ವಿ.ವಿ. ಯ ಚಿತ್ರಾ ಪಿ.ಯು. (4ನಿ.24.87ಸೆ.) ಅವರ ಹೆಸರಲ್ಲಿದ್ದ ದಾಖಲೆ ಅಳಿಸಿ ಹಾಕಿದರು.
ಪುರುಷರ ವಿಭಾಗದ ಟ್ರಿಪಲ್ ಜಂಪ್ನಲ್ಲಿ ಮಂಗಳೂರು ವಿ.ವಿ.ಯ ಆಳ್ವಾಸ್ ಕಾಲೇಜಿನ ವಿದ್ಯಾರ್ಥಿ ಪ್ರದೀಪ್ ಜಯ್ ಶಾ (16.53 ಮೀ) ಹಿಂದಿನ ತಮ್ಮದೇ ಕೂಟ ದಾಖಲೆ (16.36 ಮೀ.) ಮುರಿದು ನೂತನ ಕೂಟ ದಾಖಲೆ ನಿರ್ಮಿಸಿದ್ದಾರೆ.
ಜಯ್ ಶಾ, ಜ್ಯೋತಿ ಉತ್ತಮ ಆ್ಯತ್ಲೀಟ್ಸ್
ಮಂಗಳೂರು ವಿ.ವಿ.ಯ ಆಳ್ವಾಸ್ ಕಾಲೇಜಿನ ಜಯ್ ಶಾ ಪ್ರದೀಪ್ ಪುರುಷರ ವಿಭಾಗದ ಉತ್ತಮ ಕ್ರೀಡಾಪಟು ಪ್ರಶಸ್ತಿ ಎತ್ತಿಕೊಂಡರು. ಮಹಿಳೆಯರಲ್ಲಿ ಆಚಾರ್ಯ ನಾಗಾರ್ಜುನ ವಿ.ವಿ.ಯ ವೈ. ಜ್ಯೋತಿ ಉತ್ತಮ ಕ್ರೀಡಾಪಟುವಾಗಿ ಹೊರಹೊಮ್ಮಿದ್ದಾರೆ.
81 ಕ್ರೀಡಾಳುಗಳಲ್ಲಿ 75 ಮಂದಿ ಆಳ್ವಾಸ್ನವರು
ಮಂಗಳೂರು ವಿ.ವಿ.ಯನ್ನು ಪ್ರತಿನಿ ಧಿಸಿದ ಒಟ್ಟು 81 ಕ್ರೀಡಾಪಟುಗಳ ಪೈಕಿ 75 ಮಂದಿ ಆಳ್ವಾಸ್ ಕಾಲೇಜಿನವರು. ಮಂಗಳೂರು ವಿ.ವಿ. ನಿರ್ಮಿಸಿದ ಒಟ್ಟು 4 ಕೂಟ ದಾಖಲೆಗಳು ಮತ್ತು 9 ಚಿನ್ನ, 9 ಬೆಳ್ಳಿ ಹಾಗೂ 5 ಕಂಚಿನ ಪದಕಗಳನ್ನು ಪಡೆದ ಕೀರ್ತಿ ಆಳ್ವಾಸ್ ಕಾಲೇಜಿನವರದ್ದೇ ಆಗಿದೆ. ಕ್ರೀಡಾಕೂಟವನ್ನು ಆಯೋಜಿಸಿದ್ದ ರಾಜೀವ್ ಗಾಂ ಧಿ ಆರೋಗ್ಯ ವಿಜ್ಞಾನಗಳ ವಿ.ವಿ. 3 ಕಂಚಿನ ಪದಕಗಳನ್ನು ಪಡೆದಿದೆ.
ವ್ಯವಸ್ಥೆಗೆ ಮೆಚ್ಚುಗೆ
80ನೇ ಕ್ರೀಡಾಕೂಟದಲ್ಲಿ ದಾಖಲೆಯ 400ಕ್ಕೂ ಹೆಚ್ಚಿನ ವಿ.ವಿ.ಗಳ ಕ್ರೀಡಾಪಟುಗಳು ಭಾಗವಹಿಸಿದ್ದರು. ಕ್ರೀಡಾ ಅಧಿ ಕಾರಿಗಳು ಸೇರಿದಂತೆ ಒಟ್ಟು 6000ಕ್ಕೂ ಹೆಚ್ಚಿನ ಮಂದಿ ಕ್ರೀಡಾಕೂಟದಲ್ಲಿ ಪಾಲ್ಗೊಂಡಿದ್ದರೂ ಕಿಂಚಿತ್ತೂ ಲೋಪವಾಗದಂತೆ ವ್ಯವಸ್ಥಿತವಾಗಿ ಕೂಟವನ್ನು ಆಯೋಜಿಸಿರುವುದರ ಬಗ್ಗೆ ಮೆಚ್ಚುಗೆ ವ್ಯಕ್ತವಾಯಿತು. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ| ಎಂ.ಮೋಹನ ಆಳ್ವರ ನೇತೃತ್ವದಲ್ಲಿ ನಡೆದಿದ್ದ ಆಹಾರೋಪಚಾರ, ವಾಸ್ತವ್ಯ ವ್ಯವಸ್ಥೆಗಳ ಬಗ್ಗೆ ಮೆಚ್ಚುಗೆಯ ಮಾತುಗಳು ಕೇಳಿಬಂದವು.
9 ಕೂಟ ದಾಖಲೆಗಳು
ಈ ಕೂಟವು ಒಟ್ಟು 9 ಕೂಟ ದಾಖಲೆಗಳಿಗೆ ಸಾಕ್ಷಿಯಾಯಿತು. ಪುರುಷರ ವಿಭಾಗದಲ್ಲಿ 5,000 ಮೀ., 10,000 ಮೀ. ಓಟ, 20 ಕಿ.ಮೀ ನಡಿಗೆ ಹಾಗೂ ಟ್ರಿಪಲ್ ಜಂಪ್, ಮಹಿಳೆಯರ ವಿಭಾಗದಲ್ಲಿ 100 ಮೀ. ಹರ್ಡಲ್ಸ್, 1,500 ಮೀ. ಓಟ, 3,000 ಮೀ. ಸ್ಟೀಪಲ್ ಚೇಸ್, 20 ಕಿ.ಮೀ. ನಡಿಗೆ, ಉದ್ದ ಜಿಗಿತದಲ್ಲಿ ಕೂಟ ದಾಖಲೆಗಳು ನಿರ್ಮಾಣವಾದವು.
ಟಾಪ್ ನ್ಯೂಸ್
![Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ](https://www.udayavani.com/wp-content/uploads/2024/07/chikka-415x229.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
![Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ](https://www.udayavani.com/wp-content/uploads/2024/07/chikka-150x83.jpg)
Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ
![ವಿದೇಶಿ ಪ್ರವಾಸ ಕಥನ 6: ದುಬೈ, ಶಾರ್ಜಾ, ಅಜ್ಮಾನ್ ಪರ್ಯಟನೆ-ಕರಾವಳಿಗರ ಕಲರವ!](https://www.udayavani.com/wp-content/uploads/2024/07/Dubai1-150x84.jpg)
ವಿದೇಶಿ ಪ್ರವಾಸ ಕಥನ 6: ದುಬೈ, ಶಾರ್ಜಾ, ಅಜ್ಮಾನ್ ಪರ್ಯಟನೆ-ಕರಾವಳಿಗರ ಕಲರವ!
![Screenshot (7) copy](https://www.udayavani.com/wp-content/uploads/2024/07/Screenshot-7-copy-150x83.jpg)
Thekkatte: 5 ಗ್ರಾ.ಪಂ.ಗಳ ಕಸ ವಿಲೇವಾರಿಯೇ ದೊಡ್ಡ ಸವಾಲು!
![ಡೆಂಗ್ಯೂ ಜ್ವರದಿಂದ ಐದು ವರ್ಷದ ಬಾಲಕಿ ಸಾವು](https://www.udayavani.com/wp-content/uploads/2024/07/poorna-150x83.jpg)
Hubli; ಡೆಂಗ್ಯೂ ಜ್ವರದಿಂದ ಐದು ವರ್ಷದ ಬಾಲಕಿ ಸಾವು
![gajanur3](https://www.udayavani.com/wp-content/uploads/2024/07/gajanur3-150x84.jpg)
ತುಂಗಾ ಭದ್ರಾ ನದಿಯಲ್ಲಿ ನೀರಿನ ಹರಿವು ಹೆಚ್ಚಳ… ಮತ್ತೆ ಜಲಾವೃತಗೊಂಡ ಪತ್ತೆಪೂರ್ ರಸ್ತೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.