ಮಂದನಾ ಶತಕ: ಭಾರತೀಯ ವನಿತೆಯರಿಗೆ ಜಯದ ಪುಳಕ
Team Udayavani, Jan 24, 2019, 9:30 AM IST
ನೇಪಿಯರ್: ಆರಂಭಿಕ ಆಟಗಾರ್ತಿಯರ ಭರ್ಜರಿ ಬ್ಯಾಟಿಂಗ್ ಸಾಹಸದಿಂದ ಭಾರತೀಯ ವನಿತೆಯರು ಗುರುವಾರ ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ 9 ವಿಕೆಟ್ ಗಳ ಅಧಿಕಾರಯುತ ಜಯ ಸಾಧಿಸಿದ್ದಾರೆ. ಸ್ಮೃತಿ ಮಂದನಾ ಶತಕ ಬಾರಿಸಿದರೆ ಜೆಮಿಮಾ ರೋಡ್ರಿಗಸ್ ಅಜೇಯ ಅರ್ಧ ಶತಕ ಬಾರಿಸಿ ಕಿವೀಸ್ ವನಿತೆಯರ ವಿರುದ್ಧ ಮೆರೆದಾಡಿದರು.
ನೇಪಿಯರ್ ಅಂಗಳದಲ್ಲಿ ನಡೆದ ಐಸಿಸಿ ಚಾಂಪಿಯನ್ ಶಿಪ್ ನ ಮೊದಲ ಪಂದ್ಯದಲ್ಲಿ ಭಾರತ ಆಲ್ ರೌಂಡ್ ಪ್ರದರ್ಶನ ನಿಡಿತು. ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ನ್ಯೂಜಿಲ್ಯಾಂಡ್ ವನಿತೆಯರು ಭಾರತೀಯರ ಸ್ಪಿನ್ ದಾಳಿಗೆ ಸಿಲುಕಿ 48.4 ಓವರ್ ನಲ್ಲಿ 192 ರನ್ ಗಳಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡರು. ಏಕ್ತಾ ಬಿಷ್ಟ್, ಪೂನಂ ಯಾದವ್ ತಲಾ ಮೂರು ವಿಕೆಟ್ ಪಡೆದರೆ ದೀಪ್ತಿ ಶರ್ಮಾ 2 ವಿಕೆಟ್ ಪಡೆದರು. ಅನುಭವಿ ಆಟಗಾತಿ ಸ್ಯೂಜಿ ಬೇಟ್ಸ್ 32 ರನ್ ಗಳಿಸಿ ಕಿವೀಸ್ ಪರ ಅಧಿಕ ರನ್ ಗಳಿಸಿದರು.
ಮಂದನಾ, ಜೆಮಿಮಾ ಮೆರೆದಾಟ: ಪಂದ್ಯ ಗೆಲ್ಲಲು 193 ರನ್ ಗುರಿ ಪಡೆದ ಭಾರತೀಯ ವನಿತೆಯರಿಗೆ ಈ ಮೊತ್ತ ಸವಾಲಾಗಲೇ ಇಲ್ಲ. ಕಾರಣ ‘ಮೆಕ್ ಲೀನ್ ಪಾರ್ಕ್’ ನಲ್ಲಿ ಆರಂಭಿಕ ಆಟಗಾರ್ತಿಯರಾದ ಸ್ಮೃತಿ ಮಂದನಾ ಮತ್ತು ಜೆಮಿಮಾ ರೋಡ್ರಿಗಸ್ ಭರ್ಜರಿ ಆಟ. ಇವೆರಿಬ್ಬರು ಮೊದಲ ವಿಕೆಟ್ ಗೆ ದಾಖಲೆಯ 190 ರನ್ ಜೊತೆಯಾಟ ನಡೆಸಿ ನ್ಯೂಜಿಲ್ಯಾಂಡ್ ಬೌಲರ್ ಗಳ ಹಣ್ಣುಗಾಯಿ ನೀರುಗಾಯಿ ಮಾಡಿದರು.
ಏಕದಿನ ಪಂದ್ಯಗಳಲ್ಲಿ ಅದ್ಭುತ ಫಾರ್ಮ್ನಲ್ಲಿರುವ ಸ್ಮೃತಿ ಮಂದನಾ ಕಳೆದ 13 ಇನ್ನಿಂಗ್ಸ್ ಗಳಲ್ಲಿ 9ನೇ ಬಾರಿ ಅರ್ಧ ಶತಕದ ಗಡಿ ದಾಟಿದ ಸಾಧನೆ ಮಾಡಿದರು. ಮಂದನಾ 9 ಬೌಂಡರಿ 3 ಭರ್ಜರಿ ಸಿಕ್ಸರ್ ನೆರವಿನಿಂದ 105 ರನ್ ಗಳಿಸಿ ಔಟ್ ಆದರೆ, ಏಕದಿನದಲ್ಲಿ ಮೊದಲ ಅರ್ಧ ಶತಕ ಗಳಿಸಿದ ರೋಡ್ರಿಗಸ್ 81 ರನ್ ಗಳಿಸಿ ಅಜೇಯರಾಗುಳಿದರು. ನ್ಯೂಜಿಲ್ಯಾಂಡ್ ಪರ ಅಮೆಲಿಯಾ ಕರ್ರ್ ಏಕೈಕ ವಿಕೆಟ್ ಪಡೆದರು.
ನಾಲ್ಕನೇ ಏಕದಿನ ಶತಕ ಬಾರಿಸಿದ ಅರ್ಹವಾಗಿಯೇ ಮಂದನಾ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Davanagere;ಬೆಣ್ಣೆದೋಸೆಯೊಂದಿಗೆ ವಿಜಯೋತ್ಸವ ಆಚರಿಸಲು ಸಿದ್ಧತೆ ಮಾಡಿಕೊಳ್ಳಿ: ಮೋದಿ
PM Modi ಪ್ರತಿ ಬಾರಿ ಭಯಾನಕ ಸುಳ್ಳು ಹೇಳಿ ಹೋಗ್ತಾರೆ: ಸಿದ್ದರಾಮಯ್ಯ ಕಿಡಿ
ʼಬಂಗಾರಂʼನಲ್ಲಿ ರಕ್ತಸಿಕ್ತ ಅವತಾರ ತಾಳಿದ ಸಮಂತಾ: ಹುಟ್ಟುಹಬ್ಬಕ್ಕೆ ಹೊಸ ಸಿನಿಮಾ ಅನೌನ್ಸ್
Chikkamagaluru:ದತ್ತಪೀಠದಲ್ಲಿ ಪ್ರವಾಸಿ ಬಸ್ ಪಲ್ಟಿಯಾಗಿ 30 ಮಂದಿಗೆ ಗಾಯ
Kangaroo ಮೇಲೆ ಆದಿತ್ಯ ಕಣ್ಣು; ಮೇ.3ಕ್ಕೆ ಸಿನಿಮಾ ಬಿಡುಗಡೆ