WPL 2024; ಕನ್ನಡತಿ ಶ್ರೇಯಾಂಕಾ ಪಾಟೀಲ್ ಗೆ ಮೈದಾನದಲ್ಲೇ ಮದುವೆ ಪ್ರಸ್ತಾಪ
Team Udayavani, Feb 29, 2024, 10:45 AM IST
ಬೆಂಗಳೂರು: ಡಬ್ಲ್ಯೂ ಪಿಎಲ್ ನಲ್ಲಿ ಆರ್ಸಿಬಿ ಪರ ಆಡುತ್ತಿರುವ ಶ್ರೇಯಾಂಕಾ ಪಾಟೀಲ್ ಗೆ, ಮಂಗಳವಾರದ ಪಂದ್ಯದ ವೇಳೆಯೇ ಮದುವೆ ಪ್ರಸ್ತಾಪವೊಂದು ಬಂದಿದೆ!
ಆಲ್ ರೌಂಡರ್ ಶ್ರೇಯಾಂಕಾ ಪಾಟೀಲ್ ಡ್ರೆಸ್ಸಿಂಗ್ ಕೊಠಡಿಯಲ್ಲಿದ್ದಾಗ, ಉತ್ತರ ಕರ್ನಾಟಕದ ಅಭಿಮಾನಿಯೊಬ್ಬರು “ನನ್ನ ಮದುವೆಯಾಗುತ್ತೀರಾ’ ಎಂಬ ಫಲಕ ಪ್ರದರ್ಶಿಸಿದರು. ಅದನ್ನು ನೋಡಿ ಆರ್ಸಿಬಿ ಆಟಗಾರ್ತಿಯರು ನಕ್ಕರು.
ವಿಶೇಷವೆಂದರೆ ಈ ಫಲಕದಲ್ಲಿ ಉತ್ತರ ಕರ್ನಾಟಕ ಎಂದು ಕನ್ನಡದಲ್ಲೇ ಬರೆಯಲಾಗಿತ್ತು.
ಇಂದು ಆರ್ಸಿಬಿಗೆ ಡೆಲ್ಲಿ ಎದುರಾಳಿ
ಗುರುವಾರ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆಯಲಿರುವ ಡಬ್ಲೂéಪಿಎಲ್ ಪಂದ್ಯದಲ್ಲಿ, ಆರ್ಸಿಬಿ ಮಹಿಳಾ ತಂಡ ಡೆಲ್ಲಿ ಕ್ಯಾಪಿಟಲ್ಸ್ ಅನ್ನು ಎದುರಿಸಲಿದೆ. ಈ ಬಾರಿ ಬೆಂಗಳೂರು ಎರಡು ಪಂದ್ಯಗಳನ್ನು ಆಡಿದ್ದು, ಗುಜರಾತ್ ಜೈಂಟ್ಸ್, ಯುಪಿ ವಾರಿಯರ್ಸ್ ವಿರುದ್ಧ ಗೆಲುವು ಸಾಧಿಸಿದೆ. ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಯುಪಿ ವಿರುದ್ಧ ಗೆದ್ದು, ಮುಂಬೈ ವಿರುದ್ಧ ಸೋತಿದೆ. ಹೀಗಾಗಿ ಸ್ಮತಿ ಮಂಧನಾ ನಾಯಕತ್ವದ ಬೆಂಗಳೂರು ಆತ್ಮವಿಶ್ವಾಸದಲ್ಲಿದೆ. ಆದರೆ ಇತಿಹಾಸ ಮೆಗ್ ಲ್ಯಾನಿಂಗ್ ನಾಯಕತ್ವದ ಡೆಲ್ಲಿ ಕ್ಯಾಪಿಟಲ್ಸ್ ಪರವಿದೆ. ಅದು ಬೆಂಗಳೂರು ವಿರುದ್ಧ ಹಿಂದಿನ ಆವೃತ್ತಿಯಲ್ಲಾಡಿದ ಎರಡೂ ಪಂದ್ಯಗಳಲ್ಲಿ ಗೆಲುವು ಸಾಧಿಸಿದೆ.