ಬುಮ್ರಾ ಗೆ ಮಿಸ್ ಆದರೂ ಟಿ 20 ವಿಶ್ವಕಪ್ ನಲ್ಲಿ ಭಾಗಿಯಾಗಲಿರುವ ಪತ್ನಿ

Team Udayavani, Oct 7, 2022, 4:07 PM IST

ನವದೆಹಲಿ : ಭಾರತ ಕ್ರಿಕೆಟ್ ತಂಡದ ವೇಗಿ ಜಸ್ಪ್ರೀತ್ ಸಿಂಗ್ ಬುಮ್ರಾ ಅವರು ಗಾಯಾಳಾಗಿ ಆಸ್ಟ್ರೇಲಿಯಾದಲ್ಲಿ ಟಿ 20 ವಿಶ್ವಕಪ್ ಕೂಟದಲ್ಲಿ ಆಡುತ್ತಿಲ್ಲವಾದರೂ ಅವರ ಪತ್ನಿ ಸಂಜನಾ ಗಣೇಶನ್ ಅವರು ಸಕ್ರಿಯವಾಗಿ ಪಾಲ್ಗೊಳ್ಳುತ್ತಿದ್ದಾರೆ.

ಐಸಿಸಿಗಾಗಿ ಸಂದರ್ಶನಗಳು ಮತ್ತು ವಿಡಿಯೋ ವೈಶಿಷ್ಟ್ಯಗಳೊಂದಿಗೆ ಇಲ್ಲಿಯವರೆಗೆ ಕೆಲಸ ಮಾಡುತ್ತಿರುವ ಸಂಜನಾ ಅವರು ಪಂದ್ಯಾವಳಿಯಲ್ಲಿ ಕಾರ್ಯ ನಿರ್ವಹಿಸಲಿದ್ದಾರೆ. ಇದಕ್ಕೂ ಮೊದಲು, ಅವರು ಇಂಗ್ಲೆಂಡ್‌ನಲ್ಲಿ ನಡೆದ ಐಸಿಸಿ ಏಕದಿನ ವಿಶ್ವಕಪ್ ಮತ್ತು 2022 ರಲ್ಲಿ ನ್ಯೂಜಿ ಲ್ಯಾಂಡ್ ನಲ್ಲಿ ನಡೆದ ಐಸಿಸಿ ಮಹಿಳಾ ವಿಶ್ವಕಪ್ ಕೂಡ ಕವರ್ ಮಾಡಿದ್ದರು.

ಟ್ವಿಟರ್ ನಲ್ಲಿ ಸಂಜನಾ ಅವರು ತಮ್ಮ ಪ್ರಯಾಣದ ಕುರಿತು ಪೋಸ್ಟ್ ಮಾಡಿ ಮಾಹಿತಿ ನೀಡಿದ್ದಾರೆ.ಈ ಕುರಿತು ಸಾಮಾಜಿಕ ತಾಣಗಳಲ್ಲಿ ಅಭಿಮಾನಿಗಳು ಹಲವು ಪ್ರತಿಕ್ರಿಯೆಗಳನ್ನು ನೀಡಿದ್ದು, ಕನಿಷ್ಠ ಬುಮ್ರಾ ಅವರ ಪ್ರತಿನಿಧಿಯಾದರೂ ತೆರಳುತ್ತಿದ್ದಾರೆ ಎಂದು ಪ್ರತಿಕ್ರಿಯಿಸಿದ್ದಾರೆ.

Heading to what’s quickly becoming my favourite hemisphere ?
.
.#T20WorldCup pic.twitter.com/iazVXUxPpI

— Sanjana Ganesan (@SanjanaGanesan) October 7, 2022

ಸದ್ಯ ಬುಮ್ರಾ ಬೆನ್ನುನೋವಿನಿಂದ ಗುಣಮುಖರಾಗಿದ್ದು,ಮೂಳೆ ಮುರಿತದಿಂದಾಗಿ ಅವರು ಕನಿಷ್ಠ 6 ತಿಂಗಳ ಕಾಲ ತಂಡದಿಂದ ಹೊರಗಿರುತ್ತಾರೆ ಎಂದು ಹಿಂದಿನ ವರದಿಗಳು ಸೂಚಿಸಿದ್ದವು. ಆದರೆ, ಬಿಸಿಸಿಐ ಗಾಯದ ಬಗ್ಗೆ ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.