ಧೋನಿ ಶ್ರೇಷ್ಠ ಆಟಗಾರ: ಶೋಯಿಬ್ ಮಲಿಕ್
Team Udayavani, Sep 16, 2017, 6:45 AM IST
ಕರಾಚಿ: ಭಾರತ ತಂಡದ ಎಂ.ಎಸ್.ಧೋನಿ ಎಲ್ಲಾ ಸಂದರ್ಭದಲ್ಲಿಯೂ ಅದ್ಭುತ ಆಟಗಾರ ಎಂದು ಪಾಕಿಸ್ತಾನ ತಂಡದ ಆಟಗಾರ ಶೋಯಿಬ್ ಮಲಿಕ್ ಟ್ವೀಟ್ ಮಾಡಿದ್ದಾರೆ.
ಪಂದ್ಯ ಕೈತಪ್ಪುವ ಹಂತದಲ್ಲಿ ಧೋನಿ ಅತ್ಯುತ್ತಮವಾಗಿ ಆಡುತ್ತಾರೆ. ಸೋಲುವ ಪಂದ್ಯವನ್ನು ಎದುರಾಳಿಯಿಂದ ಕಸಿಯುತ್ತಾರೆ. ಇದರಿಂದ ಗ್ರೇಟ್ ಫಿನಿಷರ್ ಎಂದು ಖ್ಯಾತಿ ಪಡೆದಿದ್ದಾರೆ. ಅಂಕಣದಲ್ಲಿ ತುಂಬಾ ಕೂಲ್ ಆಗಿ ವರ್ತಿಸುತ್ತಾರೆ. ಹೀಗಾಗಿ ಧೋನಿಯನ್ನು ಎದುರಾಳಿ ಆಟಗಾರರೂ ಕೂಡ ಇಷ್ಟಪಡುತ್ತಾರೆ.
ಮಲಿಕ್ ಮಾಡಿರುವ ಟ್ವೀಟ್ಗೆ ಭಾರೀ ಲೈಕ್ ಮತ್ತು ಪ್ರತಿಕ್ರಿಯೆಗಳು ಬಂದಿವೆ. ಸದ್ಯ ಪಾಕಿಸ್ತಾನದಲ್ಲಿ ವಿಶ್ವ ತಂಡ ಮತ್ತು ಪಾಕ್ ನಡುವೆ ಟಿ20 ಸರಣಿ ನಡೆಯುತ್ತಿದೆ. ವಿಶ್ವ ತಂಡದಲ್ಲಿ ಧೋನಿ, ಕೊಹ್ಲಿ ಇಲ್ಲದಿರುವುದು ಬೇಸರ ತರಿಸಿದೆ ಎಂದು ಪಾಕ್ ಅಭಿಮಾನಿಗಳು ಇತ್ತೀಚೆಗೆ ಟ್ವೀಟ್ ಮಾಡಿರುವುದು ವೈರಲ್ ಆಗಿತ್ತು.