ಏಗನ್ ಇಂಟರ್ನ್ಯಾಶನಲ್ ಟೆನಿಸ್ ಜೊಕೋವಿಕ್ ಚಾಂಪಿಯನ್
Team Udayavani, Jul 3, 2017, 3:50 AM IST
ಈಸ್ಟ್ಬೋರ್ನ್: ಇಲ್ಲಿ ನಡೆದ ಏಗನ್ ಇಂಟರ್ನ್ಯಾಶನಲ್ ಗ್ರಾಸ್ಕೋರ್ಟ್ ಟೆನಿಸ್ ಪಂದ್ಯಾವಳಿಯಲ್ಲಿ ನೊವಾಕ್ ಜೊಕೋವಿಕ್ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ಇದರೊಂದಿಗೆ ವಿಂಬಲ್ಡನ್ ಪಂದ್ಯಾವಳಿಗೆ ಸಜ್ಜಾಗಿರುವ ಸರ್ಬಿಯನ್ ಟೆನಿಸಿಗನಿಗೆ ಸಹಜವಾಗಿಯೇ ಹೆಚ್ಚಿನ ಆತ್ಮವಿಶ್ವಾಸ ಮೂಡಿದೆ. ಫಾರ್ಮ್ ಬಗ್ಗೆಯೂ ನಂಬಿಕೆ ಬಂದಿದೆ.
ಶನಿವಾರ ರಾತ್ರಿ “ಡಿವೋನ್ಶೈರ್ ಪಾರ್ಕ್’ನಲ್ಲಿ ನಡೆದ ಫೈನಲ್ನಲ್ಲಿ ಜೊಕೋವಿಕ್ ಫ್ರಾನ್ಸ್ನ ಗೇಲ್ ಮಾನ್ಫಿಲ್ಸ್ ಅವರನ್ನು 6-3, 6-4 ಅಂತರದಿಂದ ನೇರ ಸೆಟ್ಗಳಲ್ಲಿ ಮಣಿಸಿದರು. ಜೊಕೋವಿಕ್ ಈ ಕೂಟದಲ್ಲಿ ಆಡುತ್ತಿರುವುದು ಇದೇ ಮೊದಲು. ಅವರು ಒಂದೂ ಸೆಟ್ ಕಳೆದುಕೊಳ್ಳದೆ ಗೆಲುವಿನ ಪತಾಕೆ ಹಾರಿಸಿದರು.
30ರ ಹರೆಯದ ಸರ್ಬಿಯನ್ ಟೆನಿಸಿಗ ಈ ವರ್ಷ ಕೈಕೊಟ್ಟ ಫಾರ್ಮ್ನಿಂದ ತೀವ್ರ ಸಮಸ್ಯೆಗೆ ಸಿಲುಕಿದ್ದರು. ಜತೆಗೆ ಗಾಯದ ಸಮಸ್ಯೆಗೂ ತುತ್ತಾಗಿದ್ದರು. ಇದು 2017ರಲ್ಲಿ ಜೊಕೋವಿಕ್ ಗೆದ್ದ ಕೇವಲ 2ನೇ ಟೆನಿಸ್ ಪ್ರಶಸ್ತಿ; ವೃತ್ತಿ ಬದುಕಿನ 68ನೇ ಪ್ರಶಸ್ತಿ. ಸೋಮವಾರದಿಂದ ಆರಂಭವಾಗಲಿರುವ ವಿಂಬಲ್ಡನ್ನಲ್ಲಿ 4ನೇ ಸಲ ಚಾಂಪಿಯನ್ ಆಗುವ ಗುರಿ ಜೊಕೋವಿಕ್ ಅವರದು. 2011, 2014 ಹಾಗೂ 2015ರಲ್ಲಿ ಅವರು ವಿಂಬಲ್ಡನ್ ಕಿರೀಟ ಏರಿಸಿಕೊಂಡಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Baikampady: ಲಾರಿಗಳ ನಡುವೆ ಅಪಘಾತ; ಚಾಲಕ ಗಂಭೀರ ಗಾಯ
Gyani Uncle; ಪ್ರಧಾನಿ ಮೋದಿಯನ್ನು ಉಪದೇಶ ನೀಡುವ ಅಂಕಲ್ ಎಂದ ಪ್ರಿಯಾಂಕಾ ಗಾಂಧಿ
Belagavi; ಕುಂದಾನಗರಿಯಲ್ಲಿ ಮೋದಿ ಸಮಾವೇಶ: ಹರಿದು ಬಂದ ಜನಸಾಗರ
T20 World Cup ಟೀಂ ಇಂಡಿಯಾ ಆಯ್ಕೆ; ರೋಹಿತ್ ಜತೆ ಅಜಿತ್ ಅಗರ್ಕರ್ ಚರ್ಚೆ
Loksabha Election: ಶಿವಮೊಗ್ಗ ಕ್ಷೇತ್ರಕ್ಕೆ 20 ಸಾವಿರ ಕೋಟಿ ಅನುದಾನ: ಬಿ.ವೈ. ರಾಘವೇಂದ್ರ