ಟಿ20 ವಿಶ್ವಕಪ್: ಸೂಪರ್-12 ಹಂತಕ್ಕೆ ನಮೀಬಿಯಾ
Team Udayavani, Oct 22, 2021, 11:30 PM IST
ಶಾರ್ಜಾ: ಇದೇ ಮೊದಲ ಸಲ ಟಿ20 ವಿಶ್ವಕಪ್ನಲ್ಲಿ ಕಣಕ್ಕಿಳಿದ ನಮೀಬಿಯಾ ಸೂಪರ್-12 ಹಂತಕ್ಕೆ ಜಿಗಿದು ಇತಿಹಾಸ ನಿರ್ಮಿಸಿದೆ.
ಶುಕ್ರವಾರ ನಡೆದ “ಎ’ ವಿಭಾಗದ ನಿರ್ಣಾಯಕ ಪಂದ್ಯದಲ್ಲಿ ಅದು ಐರ್ಲೆಂಡ್ಗೆ 8 ವಿಕೆಟ್ಗಳ ಆಘಾತವಿಕ್ಕಿತು.
ಅನುಭವಿ ಆಟಗಾರರನ್ನು ಹೊಂದಿದ್ದ ಐರ್ಲೆಂಡ್ ಅಮೋಘ ಆರಂಭದ ಹೊರತಾಗಿಯೂ 8 ವಿಕೆಟಿಗೆ ಕೇವಲ 125 ರನ್ ಮಾಡಿತು. ಜವಾಬಿತ್ತ ನಮೀಬಿಯಾ 18.3 ಓವರ್ಗಳಲ್ಲಿ 2 ವಿಕೆಟಿಗೆ 126 ರನ್ ಬಾರಿಸಿತು. ಚೇಸಿಂಗ್ ವೇಳೆ ನಾಯಕ ಗೆರಾರ್ಡ್ ಎರಾಸ್ಮಸ್ ಅಜೇಯ 53 ರನ್ ಹೊಡೆದರು.
ಐರ್ಲೆಂಡಿಗೆ ಪಾಲ್ ಸ್ಟರ್ಲಿಂಗ್ (38) ಮತ್ತು ಕೆವಿನ್ ಒ ಬ್ರಿಯಾನ್ (25) 62 ರನ್ನುಗಳ ಆರಂಭ ಒದಗಿಸಿದ್ದರು. ಬಳಿಕ ನಮೀಬಿಯಾ ಬೌಲರ್ ಮೇಲುಗೈ ಸಾಧಿಸಿದರು. ಜಾನ್ ಫ್ರೈಲಿಂಕ್ 21ಕ್ಕೆ 3, ಡೇವಿಡ್ ವೀಸ್ 22ಕ್ಕೆ 2 ವಿಕೆಟ್ ಕಿತ್ತು ಐರ್ಲೆಂಡ್ಗೆ ಕಡಿವಾಣ ಹಾಕಿದರು.
ಇದನ್ನೂ ಓದಿ:ಶೂಟಿಂಗ್ ವೇಳೆ ನಟನ ಗನ್ನಿಂದ ಫೈರಿಂಗ್; ಸಿನಿಮಾ ಟೋಗ್ರಾಫರ್ ಸಾವು
ಸ್ಕಾಟ್ಲೆಂಡ್ ಹ್ಯಾಟ್ರಿಕ್ ಜಯ
ದುಬಾೖ: ನಾಯಕ ಕೈಲ್ ಕೋಟ್ಜರ್ (41) ಅವರ ಬಿರುಸಿನ ಬ್ಯಾಟಿಂಗ್ ಮತ್ತು ಸಂಘಟಿತ ಬೌಲಿಂಗ್ ದಾಳಿಯ ಬಲದಿಂದ ಒಮಾನ್ಗೆ 8 ವಿಕೆಟ್ಗಳಿಂದ ಆಘಾತವಿಕ್ಕಿದ ಸ್ಕಾಟ್ಲೆಂಡ್ ಗೆಲುವಿನ ಹ್ಯಾಟ್ರಿಕ್ ಸಾಧಿಸಿ ಸೂಪರ್-12 ಹಂತಕ್ಕೆ ನೆಗೆದಿದೆ.
ಗುರುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಒಮಾನ್ 20 ಓವರ್ ಆಡಿ 122ಕ್ಕೆ ಆಲೌಟ್ ಆಯಿತು. ಜವಾಬಿತ್ತ ಸ್ಕಾಟ್ಲೆಂಡ್ 17 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 123 ರನ್ ಪೇರಿಸಿತು.
ಸೂಪರ್-12 ಹಂತದಲ್ಲಿ ಸ್ಕಾಟ್ಲೆಂಡ್ 2ನೇ ಗುಂಪಿನಲ್ಲಿ ಸ್ಥಾನ ಪಡೆದಿದ್ದು, ಭಾರತ, ಅಫ್ಘಾನಿಸ್ಥಾನ, ಪಾಕಿಸ್ಥಾನ ಮತ್ತು ನ್ಯೂಜಿಲ್ಯಾಂಡ್ ಎದುರು ಪೈಪೋಟಿ ನಡೆಸಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Congress ಸರ್ಕಾರದಿಂದ ‘ಧರ್ಮ; ಸಂಕಷ್ಟ ನಿವಾರಣೆ: ಪ್ರಿಯಾಂಕ್ ಖರ್ಗೆ
China ದಿಂದ 10 ಲಕ್ಷ ಎಕರೆ ಅತಿಕ್ರಮವಾಗಿದೆ: ಮೋದಿ ವಿರುದ್ಧ ಪ್ರಕಾಶ್ ರಾಜ್ ವಾಗ್ದಾಳಿ
Davanagere;ಬೆಣ್ಣೆದೋಸೆಯೊಂದಿಗೆ ವಿಜಯೋತ್ಸವ ಆಚರಿಸಲು ಸಿದ್ಧತೆ ಮಾಡಿಕೊಳ್ಳಿ: ಮೋದಿ
PM Modi ಪ್ರತಿ ಬಾರಿ ಭಯಾನಕ ಸುಳ್ಳು ಹೇಳಿ ಹೋಗ್ತಾರೆ: ಸಿದ್ದರಾಮಯ್ಯ ಕಿಡಿ
ʼಬಂಗಾರಂʼನಲ್ಲಿ ರಕ್ತಸಿಕ್ತ ಅವತಾರ ತಾಳಿದ ಸಮಂತಾ: ಹುಟ್ಟುಹಬ್ಬಕ್ಕೆ ಹೊಸ ಸಿನಿಮಾ ಅನೌನ್ಸ್