ಟಿ20 ವಿಶ್ವಕಪ್: ಸ್ಕಾಟ್ಲೆಂಡ್ ವಿರುದ್ಧ ನಮೀಬಿಯಾ ವಿಜಯ
Team Udayavani, Oct 27, 2021, 11:23 PM IST
ಅಬುಧಾಬಿ: ರುಬೆಲ್ ಟ್ರಂಪಲ್ಮ್ಯಾನ್ ಅವರ ಮೊದಲ ಓವರಿನಲ್ಲೇ 3 ವಿಕೆಟ್ ಉರುಳಿಸಿಕೊಂಡು ಆಘಾತಕ್ಕೆ ಸಿಲುಕಿದ ಸ್ಕಾಟ್ಲೆಂಡ್, ಬುಧವಾರದ ನಮೀಬಿಯಾ ಎದುರಿನ ಟಿ20 ವಿಶ್ವಕಪ್ ಪಂದ್ಯದಲ್ಲಿ 4 ವಿಕೆಟ್ಗಳ ಸೋಲಿಗೆ ತುತ್ತಾಗಿದೆ.
ಸ್ಕಾಟ್ಲೆಂಡ್ 8 ವಿಕೆಟಿಗೆ ಕೇವಲ 109 ರನ್ ಗಳಿಸಿದರೆ, ನಮೀಬಿಯಾ 19.1 ಓವರ್ಗಳಲ್ಲಿ 6 ವಿಕೆಟಿಗೆ 115 ರನ್ ಹೊಡೆದು ಜಯ ಸಾಧಿಸಿತು.
ಇದೇ ಮೊದಲ ಸಲ ಟಿ20 ವಿಶ್ವಕಪ್ ಪ್ರಧಾನ ಸುತ್ತಿನಲ್ಲಿ ಆಡಲಿಳಿದ ನಮೀಬಿಯಾದ್ದು ಕನಸಿನ ಆರಂಭವಾಗಿತ್ತು. ವೇಗಿ ರುಬೆಲ್ ಟ್ರಂಪಲ್ಮ್ಯಾನ್ ಪಂದ್ಯದ ಮೊದಲ ಎಸೆತದಲ್ಲೇ ವಿಕೆಟ್ ಉರುಳಿಸಿದರಷ್ಟೇ ಅಲ್ಲ, ಮೊದಲ ಓವರಿನಲ್ಲಿ ಸ್ಕಾಟ್ಲೆಂಡ್ನ ಮೂವರು ಆಟಗಾರರನ್ನು ಶೂನ್ಯಕ್ಕೆ ಉರುಳಿಸಿ ಅಸಾಮಾನ್ಯ ಪ್ರದರ್ಶನವಿತ್ತರು. ಮೊದಲ ಎಸೆತದಲ್ಲಿ ಜಾರ್ಜ್ ಮುನ್ಸಿ, 3ನೇ ಎಸೆತದಲ್ಲಿ ಕಾಲಂ ಮೆಕ್ಲಿಯೋಡ್ ಹಾಗೂ 4ನೇ ಎಸೆತದಲ್ಲಿ ನಾಯಕ ರಿಚೀ ಬೆರಿಂಗ್ಟನ್ ವಿಕೆಟ್ ಹಾರಿ ಹೋಯಿತು. ಆಗ ಸ್ಕಾಟ್ಲೆಂಡ್ ಸ್ಕೋರ್ಬೋರ್ಡ್ ಕೇವಲ 2 ರನ್ ತೋರಿಸುತ್ತಿತ್ತು.
ಸ್ಕೋರ್ 18ಕ್ಕೆ ಏರಿದಾಗ ಕ್ರೆಗ್ ವ್ಯಾಲೇಸ್ (4) ವಿಕೆಟ್ ಬಿತ್ತು. 5ನೇ ವಿಕೆಟಿಗೆ ಜತೆಗೂಡಿದ ಆರಂಭಕಾರ ಮ್ಯಾಥ್ಯೂ ಕ್ರಾಸ್ (19)-ಮೈಕಲ್ ಲೀಸ್ಕ್ (44) ಒಂದಿಷ್ಟು ಹೋರಾಟ ತೋರ್ಪಡಿಸಿ 39 ರನ್ ಪೇರಿಸಿದರು. 44 ರನ್ ಮಾಡಿದ ಲೀಸ್ಕ್ ಸ್ಕಾಟ್ಲೆಂಡ್ ಸರದಿಯ ಗರಿಷ್ಠ ಸ್ಕೋರರ್ (27 ಎಸೆತ, 4 ಬೌಂಡರಿ, 2 ಸಿಕ್ಸರ್). ಕೊನೆಯಲ್ಲಿ ಕ್ರಿಸ್ ಗ್ರೀವ್ಸ್ (25) ಹೋರಾಟ ನಡೆಸಿದ್ದರಿಂದ ತಂಡದ ಮೊತ್ತ ನೂರರ ಗಡಿ ದಾಟಿತು.
ಇದನ್ನೂ ಓದಿ:ಗಪ್ಟಿಲ್ಗೆ ಗಾಯ: ಭಾರತ ವಿರುದ್ಧದ ಪಂದ್ಯಕ್ಕೆ ಅನುಮಾನ
ಸಂಕ್ಷಿಪ್ತ ಸ್ಕೋರ್: ಸ್ಕಾಟ್ಲೆಂಡ್-8 ವಿಕೆಟಿಗೆ 109 (ಲೀಸ್ಕ್ 44, ಗ್ರೀವ್ಸ್ 25, ಕ್ರಾಸ್ 19, ಟ್ರಂಟ್ರಂಪಲ್ಮ್ಯಾನ್ 17ಕ್ಕೆ 3, ಫ್ರೈಲಿಂಕ್ 10ಕ್ಕೆ 2). ನಮೀಬಿಯಾ-19.1 ಓವರ್ಗಳಲ್ಲಿ 6 ವಿಕೆಟಿಗೆ 115 (ಸ್ಮಿತ್ ಅಜೇಯ 32, ವಿಲಿಯಮ್ಸ್ 23, ಲಿಂಜೆನ್ 18, ಲೀಸ್ಕ್ 12ಕ್ಕೆ 2).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Father; ಚಂದ್ರು ನಿರ್ಮಾಣದ ‘ಫಾದರ್’ ಚಿತ್ರಕ್ಕೆ ಮುಹೂರ್ತ
Thirthahalli: ಇದು ಪಿಕ್ ಪ್ಯಾಕೆಟ್ ಸರ್ಕಾರ… ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಹೇಳಿಕೆ
Hassan ಆಕ್ಷೇಪಾರ್ಹ ವಿಡಿಯೋ ಪ್ರಕರಣ: ಜೆಡಿಎಸ್ ಪಕ್ಷದಿಂದ ಪ್ರಜ್ವಲ್ ರೇವಣ್ಣ ಉಚ್ಛಾಟನೆ
ಸುಳ್ಳಿನ ಭರವಸೆ ಮೂಲಕ ಬಿಜೆಪಿ ಖಾಲಿ ಚೊಂಬಿನ ಆಶ್ವಾಸನೆಯನ್ನು ನೀಡಿದೆ: ಜೈ ಕುಮಾರ್
Lok Sabha Elections: ಸೋಲು,ಗೆಲುವಿನ ಲೆಕ್ಕಾಚಾರ