US Open; ಜೊಕೋಗೆ ಮೆಡ್ವೆಡೇವ್ ಎದುರಾಳಿ: ಚಾಂಪಿಯನ್ ಅಲ್ಕರಾಜ್ಗೆ ಸೋಲಿನ ಆಘಾತ
Team Udayavani, Sep 9, 2023, 11:29 PM IST
ನ್ಯೂಯಾರ್ಕ್: ಹಾಲಿ ಚಾಂಪಿಯನ್ ಕಾರ್ಲೋಸ್ ಅಲ್ಕರಾಜ್ ಅವರಿಗೆ ಬಲವಾದ ಆಘಾತವಿಕ್ಕಿದ ರಷ್ಯಾದ ಡ್ಯಾನಿಲ್ ಮೆಡ್ವೆಡೇವ್ ಯುಎಸ್ ಓಪನ್ ಫೈನಲ್ಗೆ ಓಟ ಬೆಳೆಸಿದ್ದಾರೆ. ಇಲ್ಲಿ ಅವರ ಎದುರಾಳಿ, ದಾಖಲೆಯ 24ನೇ ಗ್ರ್ಯಾನ್ಸ್ಲಾಮ್ ಮೇಲೆ ಕಣ್ಣಿಟ್ಟಿರುವ ನೊವಾಕ್ ಜೊಕೋವಿಕ್. ಇವರಿಬ್ಬರ ಮುಖಾಮುಖಿ ರವಿವಾರ ನಡುರಾತ್ರಿ ಬಳಿಕ ಆರಂಭವಾಗಲಿದೆ.
ಕೂಟದಲ್ಲಿ ಉಳಿದಿದ್ದ ಕೊನೆಯ ಅಮೆರಿಕನ್ ಆಟಗಾರ ಬೆನ್ ಶೆಲ್ಟನ್ ಅವರಿಗೆ ಜೊಕೋವಿಕ್ 6-3, 6-2, 7-6 (7-4)ರಿಂದ ಆಘಾತವಿಕ್ಕಿದರು. ಅನಂತರದ ಕಾಳಗದಲ್ಲಿ ಡ್ಯಾನಿಲ್ ಮೆಡ್ವೆಡೇವ್ 7-6 (7-3), 6-1, 3-6, 6-3ರಿಂದ ಅಲ್ಕರಾಜ್ ಆಟಕ್ಕೆ ತೆರೆ ಎಳೆದರು.
ಇದು ಯುಎಸ್ ಓಪನ್ನಲ್ಲಿ ಜೊಕೋವಿಕ್ ಆಡಿದ 100ನೇ ಪಂದ್ಯವಾಗಿತ್ತು. 87ರಲ್ಲಿ ಗೆದ್ದು, 13ರಲ್ಲಿ ಸೋತಿದ್ದಾರೆ.ಶೆಲ್ಟನ್ ವಿರುದ್ಧ ಜೊಕೋ 2 ಗಂಟೆ, 40 ನಿಮಿಷಗಳ ಕಾಲ ಹೋರಾಡಿದರು. 20 ವರ್ಷದ ಶೆಲ್ಟನ್ 1992ರ ಬಳಿಕ ಯುಎಸ್ ಓಪನ್ ಸೆಮಿಫೈನಲ್ ಪ್ರವೇಶಿಸಿದ ಅಮೆರಿಕದ ಅತೀ ಕಿರಿಯ ಆಟಗಾರನಾಗಿದ್ದರು.
ಜೊಕೋವಿಕ್ ಕ್ಯಾಲೆಂಡರ್ ವರ್ಷವೊಂದರಲ್ಲಿ ನಾಲ್ಕೂ ಗ್ರ್ಯಾನ್ಸ್ಲಾಮ್ ಕೂಟಗಳ ಫೈನಲ್ ತಲುಪಿದ 3ನೇ ನಿದರ್ಶನ ಇದಾಗಿದೆ. 2015 ಮತ್ತು 2021ರಲ್ಲಿ ಅವರು ಈ ಸಾಧನೆಗೈದಿದ್ದರು. ಇಲ್ಲಿ ಗೆದ್ದರೆ “ಓಪನ್ ಎರಾ’ದಲ್ಲಿ ಚಾಂಪಿಯನ್ ಎನಿಸಿಕೊಂಡ ಅತೀ ಹಿರಿಯ ಆಟಗಾರನೆಂಬ ದಾಖಲೆ ಸ್ಥಾಪಿಸಲಿದ್ದಾರೆ. ಈಗಿನ ದಾಖಲೆ ಆಸ್ಟ್ರೇಲಿಯದ ಕೆನ್ ರೋಸ್ವೆಲ್ ಹೆಸರಲ್ಲಿದೆ. 1970ರಲ್ಲಿ ಯುಎಸ್ ಓಪನ್ ಪ್ರಶಸ್ತಿ ಎತ್ತುವಾಗ ರೋಸ್ವೆಲ್ ವಯಸ್ಸು 35 ವರ್ಷ ಆಗಿತ್ತು.
ಒಂದೇ ಪ್ರಶಸ್ತಿ
ಡ್ಯಾನಿಲ್ ಮೆಡ್ವೆಡೇವ್ ಈವರೆಗೆ ಜಯಿಸಿದ್ದು ಒಂದು ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಮಾತ್ರ. ಅದು 2021ರಲ್ಲಿ ನ್ಯೂಯಾರ್ಕ್ನಲ್ಲೇ ಒಲಿದಿತ್ತು. ಅಂದಿನ ಎದುರಾಳಿ ಬೇರೆ ಯಾರೂ ಅಲ್ಲ, ಇದೇ ನೊವಾಕ್ ಜೊಕೋವಿಕ್! ಅದು 6-4, 6-4, 6-4 ಅಂತರದ ನೇರ ಸೆಟ್ಗಳ ಜಯವಾಗಿತ್ತು. ಇತಿಹಾಸದ ಹೊಸ್ತಿಲಲ್ಲಿರುವ ಜೊಕೋವಿಕ್ 2 ವರ್ಷಗಳ ಬಳಿಕ ರಷ್ಯನ್ ಆಟಗಾರನ ವಿರುದ್ಧ ಸೇಡು ತೀರಿಸಿಕೊಳ್ಳುವರೇ ಎಂಬ ಕುತೂಹಲವೂ ಇಲ್ಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
IPL 2024; ಗುಜರಾತ್ ಗೆ ಆರ್ ಸಿಬಿ ಸವಾಲು: ತಂಡಕ್ಕೆ ಮರಳಿದ ಗ್ಲೆನ್ ಮ್ಯಾಕ್ಸವೆಲ್
PCB: ಭಾರತದ ವಿಶ್ವಕಪ್ ಗೆಲುವಿನ ರೂವಾರಿ ಈಗ ಪಾಕಿಸ್ತಾನ ತಂಡದ ಹೊಸ ಕೋಚ್
IPL: ಆಟ ಮೆರೆದಾಟ; ಬ್ಯಾಟಿಂಗ್ ಅಷ್ಟೇ ಕ್ರಿಕೆಟ್ಟಾ?
T20 World Cup ಟೀಂ ಇಂಡಿಯಾ ಆಯ್ಕೆ; ರೋಹಿತ್ ಜತೆ ಅಜಿತ್ ಅಗರ್ಕರ್ ಚರ್ಚೆ
MUST WATCH
ಹೊಸ ಸೇರ್ಪಡೆ
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
Congress ಸರ್ಕಾರದಿಂದ ‘ಧರ್ಮ; ಸಂಕಷ್ಟ ನಿವಾರಣೆ: ಪ್ರಿಯಾಂಕ್ ಖರ್ಗೆ
China ದಿಂದ 10 ಲಕ್ಷ ಎಕರೆ ಅತಿಕ್ರಮವಾಗಿದೆ: ಮೋದಿ ವಿರುದ್ಧ ಪ್ರಕಾಶ್ ರಾಜ್ ವಾಗ್ದಾಳಿ
Davanagere;ಬೆಣ್ಣೆದೋಸೆಯೊಂದಿಗೆ ವಿಜಯೋತ್ಸವ ಆಚರಿಸಲು ಸಿದ್ಧತೆ ಮಾಡಿಕೊಳ್ಳಿ: ಮೋದಿ
PM Modi ಪ್ರತಿ ಬಾರಿ ಭಯಾನಕ ಸುಳ್ಳು ಹೇಳಿ ಹೋಗ್ತಾರೆ: ಸಿದ್ದರಾಮಯ್ಯ ಕಿಡಿ