ರಾಜ್ಯದಲ್ಲಿ 15 ಹೊಸ ಕೋವಿಡ್19 ಪ್ರಕರಣ; ಕಂಟೈನ್ ಮೆಂಟ್ ಝೋನ್ ಗೆ ಹೋಗಿದ್ದ ವ್ಯಕ್ತಿಗೂ ಸೋಂಕು

Team Udayavani, Apr 25, 2020, 12:20 PM IST

ಬೆಂಗಳೂರು: ರಾಜ್ಯದಲ್ಲಿ ಇಂದು 15 ಹೊಸ ಕೋವಿಡ್-19 ಸೋಂಕು ಪ್ರಕರಣಗಳು ದೃಢವಾಗಿದೆ. ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 489ಕ್ಕೆ ಏರಿಕೆಯಾಗಿದೆ.

ಆರು ಪ್ರಕರಣಗಳು ಬೆಂಗಳೂರು ನಗರದಲ್ಲಿ ದೃಢವಾಗಿದೆ. ಅದರಲ್ಲಿ ಸೋಂಕಿತ ಸಂಖ್ಯೆ 419ರ ರೋಗಿಯ ಸಂಪರ್ಕದಿಂದ ಐವರಿಗೆ ಸೋಂಕು ತಾಗಿದೆ. ಬಿಬಿಎಂಪಿ ವ್ಯಾಪ್ತಿಯ ಕಂಟೈನ್ ಮೆಂಟ್ ಝೋ ಗೆ ಭೇಟಿ ನೀಡಿದ್ದ ಹಿನ್ನಲೆಯುಳ್ಳ ವ್ಯಕ್ತಿಗೂ ಸೋಂಕು ದೃಢವಾಗಿದೆ.

ಬೆಳಗಾವಿಯ ಹಿರೇಬಾಗೆವಾಡಿಯಲ್ಲಿ ಮತ್ತೆ ಆರು ಪ್ರಕರಣಗಳು ಖಚಿತವಾಗಿದೆ. ಸೋಂಕಿತ ಸಂಖ್ಯೆ 128ರ ದ್ವಿತೀಯ ಸಂಪರ್ಕದಿಂದ ಎಲ್ಲಾ ಆರು ಜನರು ಸೋಂಕಿತರಾಗಿದ್ದಾರೆ.

ಮಂಡ್ಯ, ಚಿಕ್ಕಬಳ್ಳಾಪುರ, ದಕ್ಷಿಣ ಕನ್ನಡದ ಬಂಟ್ವಾಳದಲ್ಲಿ ತಲಾ ಒಂದು ಪ್ರಕರಣ ದೃಢವಾಗಿದೆ.

ರಾಜ್ಯದಲ್ಲಿ ಒಟ್ಟು 489 ಪ್ರಕರಣಗಳು ಇದುವರೆಗೆ ದೃಢವಾಗಿದ್ದು, ಅದರಲ್ಲಿ 153 ಜನರು ಗುಣಮುಖರಾಗಿ ಮನೆಗೆ ಮರಳಿದ್ದಾರೆ. 18 ಜನರು ಸೋಂಕು ಕಾರಣದಿಂದ ಸಾವನ್ನಪ್ಪಿದ್ದಾರೆ.