ವೈದ್ಯರ ವಿಶೇಷ ಭತ್ತೆ ಹೆಚ್ಚಳ

Team Udayavani, Dec 23, 2020, 12:35 AM IST

ಬೆಂಗಳೂರು: ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ವಿವಿಧ ವೃಂದಗಳ ತಜ್ಞ ವೈದ್ಯರು, ಸಾಮಾನ್ಯ ಕರ್ತವ್ಯ ವೈದ್ಯಾಧಿಕಾರಿ ಮತ್ತು ದಂತ ಆರೋಗ್ಯಾಧಿಕಾರಿಗಳಿಗೆ ವಿಶೇಷ ಭತ್ತೆಗಳನ್ನು ಪರಿಷ್ಕರಿಸಿ ಸರಕಾರ ಆದೇಶ ಹೊರಡಿಸಿದೆ.

ಕೋವಿಡ್‌ ಸಂದರ್ಭದಲ್ಲಿ ವೈದ್ಯರು ಸಲ್ಲಿಸುತ್ತಿರುವ ಸೇವೆ ಗುರುತಿಸಿ ಮತ್ತು ಭವಿಷ್ಯದಲ್ಲಿ ಯುವ ವೈದ್ಯರು ಗ್ರಾಮೀಣ ಪ್ರದೇಶಗಳಲ್ಲಿ ಸೇವೆ ನೀಡಲು ಪ್ರೋತ್ಸಾಹಿಸುವುದಕ್ಕಾಗಿ ಸೆ. 1ರಿಂದಲೇ ಪೂರ್ವಾನ್ವಯ ಗೊಳ್ಳು ವಂತೆ ವಿಶೇಷ ಭತ್ತೆ ಪರಿಷ್ಕರಿಸಲಾಗಿದೆ.

6 ವರ್ಷಗಳ ವರೆಗಿನ ಸೇವೆಗೆ ಎಂಬಿಬಿಎಎಸ್‌/ ಬಿಡಿಎಸ್‌ ವಿದ್ಯಾರ್ಹತೆ ಇರುವವರಿಗೆ ಮಾಸಿಕ 30,500 ರೂ., ಸ್ನಾತಕೋತ್ತರ ಪದವಿ/ಡಿಪ್ಲೊಮಾ ವಿದ್ಯಾರ್ಹತೆಗೆ 55,500 ರೂ., ಸೂಪರ್‌ ಸ್ಪೆಷಾಲಿಟಿಗೆ 64,500 ರೂ. ಸಿಗಲಿದೆ.

6-13 ವರ್ಷ ಸೇವೆ ಸಲ್ಲಿಸಿದ ಎಂಬಿಬಿಎಸ್‌/ಬಿಡಿಎಸ್‌ ಅರ್ಹತೆ ಹೊಂದಿದವರಿಗೆ 37,500 ರೂ., ಸ್ನಾತಕೋತ್ತರ ಪದವಿ/ಡಿಪ್ಲೊಮಾ ಮಾಡಿದವರಿಗೆ 64,500 ರೂ., ಸೂಪರ್‌ ಸ್ಪೆಷಾಲಿಟಿ ವಿದ್ಯಾರ್ಹತೆ ಇರುವವರಿಗೆ 73,500 ರೂ. ಲಭಿಸಲಿದೆ.

13-20 ವರ್ಷ ಸೇವೆ ಸಲ್ಲಿಸಿದ ಎಂಬಿಬಿಎಸ್‌/ಬಿಡಿಎಸ್‌ ಮಾಡಿ ದವ ರಿಗೆ 44,500 ರೂ., ಸ್ನಾತಕೋತ್ತರ ಪದವಿ/ ಡಿಪ್ಲೊಮಾ ಮಾಡಿದವರಿಗೆ 73,500 ರೂ., ಸೂಪರ್‌ ಸ್ಪೆಷಾಲಿಟಿ ವಿದ್ಯಾರ್ಹತೆ ಇರುವವರಿಗೆ 83,500 ರೂ. ದೊರೆಯಲಿದೆ.

ಅದೇ ರೀತಿ, 20-25 ವರ್ಷ ಸೇವೆ ಸಲ್ಲಿಸಿದ ಎಂಬಿ ಬಿಎಸ್‌/ ಬಿಡಿಎಸ್‌ ಅರ್ಹತೆ ಹೊಂದಿದವರಿಗೆ 52,500 ರೂ., ಸ್ನಾತಕೋತ್ತರ ಪದವಿ/ಡಿಪ್ಲೊಮಾ ವಿದ್ಯಾರ್ಹತೆ ಇರುವವರಿಗೆ 83,500 ರೂ., ಸೂಪರ್‌ ಸ್ಪೆಷಾಲಿಟಿ ವಿದ್ಯಾರ್ಹತೆ ಇರುವವರಿಗೆ 93,500 ರೂ. ಸಿಗಲಿದೆ.

25 ವರ್ಷಕ್ಕಿಂತ ಹೆಚ್ಚು ವರ್ಷ ಸೇವೆ ಸಲ್ಲಿಸಿದ ಎಂಬಿಬಿಎಸ್‌/ ಬಿಡಿಎಸ್‌ ಅರ್ಹತೆ ಹೊಂದಿದವರಿಗೆ 60,500 ರೂ., ಸ್ನಾತಕೋತ್ತರ ಪದವಿ/ಡಿಪ್ಲೊಮಾ ವಿದ್ಯಾರ್ಹತೆ ಇರುವವರಿಗೆ 93,500 ರೂ., ಸೂಪರ್‌ ಸ್ಪೆಷಾಲಿಟಿ ವಿದ್ಯಾರ್ಹತೆ ಇರುವವರಿಗೆ 1,03,500 ರೂ.ಗೆ ಹೆಚ್ಚಿಸಲಾಗಿದೆ.