ವೆಸ್ಟ್‌ ಸ್ವಿಂಡನ್‌ ಕೌನ್ಸಿಲ್‌ಗೆ ಸುರೇಶ್‌ ಪುನರಾಯ್ಕೆ

Team Udayavani, May 5, 2019, 3:01 AM IST

ಚಿಕ್ಕಬಳ್ಳಾಪುರ: ಚಿಕ್ಕಬಳ್ಳಾಪುರ ಜಿಲ್ಲೆಯ ಕುಗ್ರಾಮದಲ್ಲಿ ಹುಟ್ಟಿ ಬೆಳೆದ ಹಳ್ಳಿ ಹೈದ ಈಗ ಇಂಗ್ಲೆಂಡ್‌ನ‌ ವೆಸ್ಟ್‌ ಸ್ವಿಂಡನ್‌ ಮಹಾನಗರ ಪಾಲಿಕೆಯ ಕಾರ್ಪೊರೇಟರ್‌. ಇವರು ಎರಡನೇ ಬಾರಿಗೆ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ್ದಾರೆ.

ಸಾಫ್ಟ್ವೇರ್‌ ಎಂಜಿನಿಯರ್‌ ಆಗಿ, ಕಳೆದ 15 ವರ್ಷಗಳಿಂದ ಸ್ವಿಂಡನ್‌ನಲ್ಲಿ ನೆಲೆಸಿರುವ ಚಿಕ್ಕಬಳ್ಳಾಪುರ ತಾಲೂಕಿನ ಕುಂಡೇನಹಳ್ಳಿಯ ಗಟ್ಟಪುರದ ಮುನಿಯಪ್ಪನವರ ದ್ವಿತೀಯ ಪುತ್ರ ಜಿ.ಎಂ.ಸುರೇಶ್‌, ಬ್ರಿಟಿಷರ ನಾಡಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ.

ಸ್ವಿಂಡನ್‌ಗೆ ಈ ಹಿಂದೆ 2017ರ ಮೇ ತಿಂಗಳಲ್ಲಿ ನಡೆದಿದ್ದ ಕೌನ್ಸಿಲ್‌ ಚುನಾವಣೆಯಲ್ಲಿ ಮೊದಲ ಬಾರಿಗೆ ಕಾರ್ಪೊರೇಟರ್‌ ಆಗಿ ಆಯ್ಕೆಗೊಂಡಿದ್ದರು. ಈಗ ಕಳೆದ ಗುರುವಾರ ನಾಲ್ಕು ವರ್ಷಗಳ ಅವಧಿಗೆ ನಡೆದ ಚುನಾವಣೆಯಲ್ಲಿ ಮತ್ತೆ ಎರಡನೇ ಬಾರಿಗೆ ಗೆಲುವು ಸಾಧಿಸಿದ್ದಾರೆ. ಚುನಾವಣೆಯಲ್ಲಿ ಕನ್ಸರ್‌ವೆàಟಿವ್‌ ಪಕ್ಷದಿಂದ ಕಣಕ್ಕಿಳಿದು ವೆಸ್ಟ್‌ಲೀ ವಾರ್ಡ್‌ನಲ್ಲಿ ಸ್ಪರ್ಧಿಸಿದ್ದರು.